Juan 20:29 - Kashibo-Kakataibo Biblia

²⁹ Cacëxun ca Jesusan cacëxa: —Tomás, bërí camina ꞌë baísquicë isquin, asérabi cana ꞌën Papa Diosnuax uá ꞌai quixun ꞌunanin. An ꞌë isquinmabi, asérabi cana ꞌëx a ꞌai quixun sináncë uni, a ca Nucën Papa Diosan chuámashirua tani cuëënun ꞌimia.

Nukën 'Ibu Diosan ain unikama 'inan ain bana

²⁹ Cacëxun ca Jesusan cacëxa: —Tomás, bërí camina 'ë baísquicë isquin, asérabi cana 'ën Papa Diosnuax uá 'ai quixun 'unanin. An 'ë isquinmabi, asérabi cana 'ëx a 'ai quixun sináncë uni, a ca Nucën Papa Diosan chuámashirua tani cuëënun 'imia.

Juan 20:29 ပူးပေါင်းရင်းမြစ်များ

Mateo 13:16

Atúxa Isaías quiásabi oi ꞌëmi sinántisama tancëbëtanbi camina mitsun bërun ꞌën ñu ꞌaia isi ꞌëmi catamëtin. ꞌËn bana camina mitsun pabitan cuaquin mitsun nuitu mëúribi upí oquin sinanin. Usa ꞌaish camina chuámarua tani cuëënin.

Lucas 1:45

Nucën ꞌIbu Dios quicësabi oi ca asérabi ꞌiti ꞌicën. Ca usai ꞌiti ꞌicë quixun sinani camina cuëëinra cuëënti ꞌain.

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Juan 20:8

Iscëbëbi ca ax paían rëcuë́ncuatsincë uni axribi quini mëu atsínxun —asérabi ca Jesús ënuma ꞌicë —quixun isacëxa.

Juan 4:48

Cacëxun ca Jesusan cacëxa: —Mitsun camina ꞌën, uni itsin ꞌacëma ñu ꞌaiashi istisa tanin. ꞌËn usa ñu ꞌacëbëtanma camina, ëx cana asérabi Nucën Papa Diosnuaxa uá a ꞌai quixun sinántisama tanin.

2 Corintios 5:7

A isímabi cananuna ënë nëtënuax ami catamëti ax cuëëncësoi ꞌin.

Hebreos 11:1

Nun Nucën Papa Dios isquinmabi cananuna asérabi ca anu ꞌicë quixun ꞌunanin. Aín bana ca cëmëma asérabi ꞌicë quixun sinánquin cananuna ꞌunanin, an ca aín quicësabi oquin ꞌati ꞌicë quixun. Usaquin ca axa ami catamëcë unicaman ꞌunania.

Hebreos 11:27

—ꞌËn bërúnbi isquinmabi cana Nucën Papa Dios ca asérabi ꞌëbë ꞌicë quixun ꞌunani —quixun sinani ca Moisés ami catamëti Egipto menuax Madian cacë menu cuancëxa, racuëtima ax cuancëbëa ꞌapu nishtánunbi.

Hebreos 11:39

A unicama ñuiquin cuënëo bana isquin cananuna ꞌunanin, Nucën Papa Diosmi ca asérabi catamëacëxa quixun. Ami catamëquinbi ca uisaira oquin cara Nucën Papa Diosan, Cristo cupí, aín unicama ꞌimiti ꞌicë quixun ꞌunánma ꞌicën.

1 Pedro 1:8

A isúnmabi camina mitsun Jesucristo sinanin. Usa ꞌain camina a isaxmabi ami sinani chuámarua tani cuëëinra cuëënin, anúnmi uisairai caramina cuëëni quixun nu ñuixunti bana ꞌaíma ꞌaínbi.