Juan 20:28 - Kashibo-Kakataibo Biblia

²⁸ Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Nukën 'Ibu Diosan ain unikama 'inan ain bana

²⁸ Cacëxun ca Tomásnën —mix camina asérabi 'ën 'Ibu 'ianan 'ën Diosribi 'ai —quixun cacëxa.

Juan 20:28 ပူးပေါင်းရင်းမြစ်များ

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Malaquías 3:1

Nukën ꞌIbu kamabi kushiñu ax ka ësai kia: “ꞌËn kana an ꞌën bana ñuiti uni xutin, usa ꞌixun ka unikama ꞌën bana ñuixunkëx bai mëniokësa ꞌitánun sinanamikin ñuixunti ꞌikën. Nukën ꞌIbu Dios ami mitsun kainkë ax ka ënuax basimashi anuxun a rabiti xubunu bëbati ꞌikën. ¡A mitsun kainkë uni ax ka uisai kikë kara achúshi ñu ꞌakë kikë bana ax ꞌikë kixun, anbi mitsu ñuixuni aia!”

Mateo 14:33

Nëtë́cëbëtan ca manë nuntinu ꞌicë unicaman a tanáin rantin puruni tsóbuti ami sinánquin Jesús cacëxa: —Mix camina asérabi Nucën Papa Diosan Bëchicë a ꞌain.

Lucas 24:52

Cuania rabitancëx ca chuámashi tani cuëënquiani Jerusalénu cuantëcëancëxa.

Juan 1:1

Nucën Papa Diosan ñu unioisama pain ꞌaínbi ca aín Bana ꞌiacëxa. Aín Bana ax ca Nucën Papa Diosbë ꞌiacëxa, ax ca Nucën Papa Diosbi ꞌiacëxa.

Juan 20:16

Cacëxun ca Jesusan cacëxa: —María —ësaquinshi. Cacëx cuainacëquin ca Maríanën ratúquin, hebreo banan —Raboni —cacëxa. A banax ca an uni ñu ꞌunánmicë qui quicë ꞌicën.

Juan 20:27

Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

Juan 20:29

Cacëxun ca Jesusan cacëxa: —Tomás, bërí camina ꞌë baísquicë isquin, asérabi cana ꞌën Papa Diosnuax uá ꞌai quixun ꞌunanin. An ꞌë isquinmabi, asérabi cana ꞌëx a ꞌai quixun sináncë uni, a ca Nucën Papa Diosan chuámashirua tani cuëënun ꞌimia.

Juan 20:31

Jesús ax ca asérabi Cristo, Nucën Papa Diosan Bëchicë ꞌicë quixun ꞌunanimi ami catamëti mitsux xënibua ꞌaínbi Nucën Papa Diosnan ꞌinun cana ënë banacama cuënëon.

Juan 5:23

a rabicësaribi oquían camabi unin ꞌëribi rabinun. An aín Bëchicë ꞌicë ꞌë rabicëma, an ca ꞌën Papa an ꞌë xuá, aribi rabima.

1 Timoteo 3:16

Asérabia unin ꞌunáncëma ñu Nucën Papa Diosan aín unicamaishi ꞌunánmicë ꞌain ca nun ñuicë bana ënëx asérabi ꞌicën: Jesucristo ax ca Diosribi ꞌaish ënë menuax uni ꞌiacëxa. Jesucristonën ca aín nuitu upí ꞌixun upí ñuishi ꞌaia quixun ca Nucën Papa Diosan Bëru Ñunshin Upitan unicama sinánmiacëxa. ꞌImainun ca Jesucristonëx ángelnënribia iscë ꞌiacëxa. Usa ꞌain ca a ñuiquin aín unicaman camabi menuxun uni ꞌunánmia. A ñuicë banax ca asérabi ꞌicë quixun sinani ca camabi menuax, uni ami catamëtia. Usa ꞌaish ca ënë menu ꞌitancëx aín Papabë ꞌi aín nëtënu cuancëxa.