Juan 20:20 - Kashibo-Kakataibo Biblia

²⁰ Ësoquin caquin ca aín mëcën rabë́ ismianan aín pichánpururibi ismiacëxa. Ismicëx ca aín ꞌunánmicë unicama Nucën ꞌIbu isi shimëniocati cuëëancëxa.

Nukën 'Ibu Diosan ain unikama 'inan ain bana

²⁰ Ësoquin caquin ca aín mëcën rabë́ ismianan aín pichánpururibi ismiacëxa. Ismicëx ca aín 'unánmicë unicama Nucën 'Ibu isi shimëniocati cuëëancëxa.

Juan 20:20 ပူးပေါင်းရင်းမြစ်များ

Mateo 28:8

Usaquian ángelnën cacëxun, asérabi ca Jesús anuma ꞌicë quixun istancëx ca quininuax chiquíquiani racuëtibi cuëënquiani aín ꞌunánmicë unicama ñuixuni abáquiani cuancëxa.

Juan 16:20

Asérabi cana ꞌën mitsu cain, ꞌë cupí camina masá nuituti bëunan mëscúcanti ꞌain. Mitsúxmi usai ꞌimainun ca an Nucën Papa Diosan bana cuacëma unicama cuëënti ꞌicën. Masá nuitutáncëxbi camina mitsux ꞌë cupí chuámarua tani cuëënti ꞌain.

Juan 16:22

Usaribiti camina mitsux bërí masá nuitutin, ꞌaíshbi camina ꞌë istëcëni cuëënquin chuámashirua tanti ꞌain, uinu ꞌicë unínbi sinanamitisama oi.

Juan 19:34

ꞌAiamabi ca suntáru achúshinëinshi aín pichánpuru amoshi manë xëtocën chachiacëxa. Usocëx ca imi ꞌunpáxbë mëscúcë ꞌibúacëxa.

Juan 20:25

Usa ꞌain ca Jesús cuancë caxua aia, an Jesús iscëcaman Tomás cacëxa: —Nucën ꞌIbu cananuna isan. Cacëxun ca Tomásnën cacëxa: —Aín mëcën rabë́ anua rabun matáscancë isquin anu ꞌën mëcën rëbun ticánan aín pichánpurunu ꞌën mëcën atsínmiquin tanxunma cana asérabi ca ax Nucën ꞌIbu ꞌicë quixun sinaniman.

Juan 20:27

Atu catancëxun ca Tomásribi cacëxa: —Min mëcën rëbun ca ënu ticat, ꞌën mëcën rabë́ribi ca is. ꞌËn pichánpurunu min mëcën atsínmiquin ca tan. ꞌËx cana ama ꞌai quixun sinánxunma ca ꞌëx cana asérabi Jesús ꞌai quixun sinan.

1 Juan 1:1

Ënë mecama unioisama ꞌaínbia aín Papabë ꞌiá axa ënë menu uá, a ñuiquin cananuna ënë quirica mitsu cuënëoxunin. A cananuna aín bana cuanan nun bërúnbi isacën. Nun bërúnbi ñachaquin isanan cananuna nun mëcënanribi ramëacën. Ax bamatimoi tsócë ꞌixuan aín unicamaribi abë ꞌinun ꞌimicë, a ñuiquin cananuna mitsu cain.