Juan 20:16 - Kashibo-Kakataibo Biblia

¹⁶ Cacëxun ca Jesusan cacëxa: —María —ësaquinshi. Cacëx cuainacëquin ca Maríanën ratúquin, hebreo banan —Raboni —cacëxa. A banax ca an uni ñu ꞌunánmicë qui quicë ꞌicën.

Nukën 'Ibu Diosan ain unikama 'inan ain bana

¹⁶ Cacëxun ca Jesusan cacëxa: —María —ësaquinshi. Cacëx cuainacëquin ca Maríanën ratúquin, hebreo banan —Raboni —cacëxa. A banax ca an uni ñu 'unánmicë qui quicë 'icën.

Juan 20:16 ပူးပေါင်းရင်းမြစ်များ

Génesis 22:1

Usa ꞌain ka Nukën ꞌIbu Diosan ꞌitsa baritia ami panatankëxun, Abraham karaisa ënima ami manutima asérabi sinania kixun tankin. Aín anën kuëankëxa, usakin kuënkëxun ka Abrahamnën kakëxa: —Ënu kana ꞌain ꞌën ꞌIbu.

Génesis 22:11

nukën ꞌIbu ángelnën kuënkin naínuxun kakëxa: —¡Abraham! ¡Abraham! ësokian kakëxun ka. —Ënu kana ꞌain ꞌën ꞌIbu —kixun an kakëxa.

Génesis 45:12

ꞌËn xukë́n Benjamín ꞌimainun mitsúnbi kamina ꞌëx ësai kia kuakan.

Éxodo 3:4

Sinánbiani kuankian ꞌurama obianiabi ka Nukën ꞌIbun Moisés i pëñanakëkë rëkirukë a mëuxun kuëëankëxa: —¡Moisés! ¡Moisés! —Kakian aín anën kuënkëxun ka ënu kana ꞌai ꞌËn ꞌIbu —kixun Moisésnën kakëxa.

Éxodo 33:17

Kakëxun ka Diosan kakëxa: —Asabi ka usa ꞌain kana mitsubë kuanti ꞌain, asérabi kana ꞌën mi nuibatin ꞌimainun kana upí uni ꞌikë mix kikësabiokin ꞌën mi ꞌakinti ꞌain kixun ka Nukën ꞌIbun kakëxa.

Isaías 43:1

Bërí kanima Israel unikama Jacobnën rëbúnki min, an kamabi ñu unio Nukën ꞌIbu ax ka mitsu ësakin kai kia kuati ꞌain: “Kamina rakuë́kantima ꞌain, ꞌën kana mitsu ië́mian; ꞌën kana min anën mi kuëan, usa ꞌaish kamina mitsux ꞌën uni ꞌain.

Mateo 14:27

Usai quia ca Jesusan atu cacëxa: —Camina cushicanti ꞌain. Racuëaxma ca ꞌit, ꞌë cana ꞌain.

Marcos 10:51

Usaria aia ca Jesusan cacëxa: —¿ꞌËn mi uisoti caina cuëënin? Cacëxun ca cacëxa: —Isnúnmi ꞌë bëpë́xcuti cana cuëënin.

Lucas 10:41

Cacëxun ca Jesusan cacëxa: —Marta, Marta, mix camina ꞌitsa ñu ꞌati sinani bënëtin.

Juan 1:38

Nuibiancëxun caxu bësuquin isquin ca Jesusan cacëxa: —¿Añu caramina barin? Cacëxun ca ñucácëxa: —¿Uinu cara min ꞌiti ꞌic, rabí? (Rabí quicë bana, ax ca an uni ꞌunánmicë uni qui quicë ꞌicën.)

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 10:3

Axa ucëbëtan an xëcuë xëócacë unin xëócacëbë atsínxuan an bërúancë unin aín anën cuëncëxun ca carnerocaman aín bana cuatia. Cuabëtsinia aia ca cënënua ëman buania.

Juan 11:28

Usaquin cabiani aín xubunu cuanquin ca Martanën aín xucën María amo nitsinaxun munu cacëxa: —Unu ca Jesús ꞌicën, ca uaxa. Mi cuanun ꞌën mi canun ca quiaxa.

Juan 13:13

Mitsun camina ꞌëx isana mitsun ꞌIbu ꞌianan an mitsu ꞌunánmicë a ꞌai quixun ꞌë cain. Asérabi cana ꞌëx usa ꞌain.

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Juan 3:2

Usa ꞌixun ca anu ñantan cuanxun Jesús cacëxa: —Unían mix camina cushiira ꞌai quixun ꞌunánun camina uinu ꞌicë unínbia ꞌacëma ñu ꞌain. Nucën Papa Diosa abëma ꞌain ca uinu ꞌicë unínbi minmi ꞌacësoquin ñu ꞌatima ꞌicën. Usa ꞌain cananuna ꞌunan, Nucën Papa Diosan ca minmi nu ꞌunánminun ënë menu mi xuacëxa quixun.

Juan 5:2

Jerusalénu cënëa aín xëcuë achúshi, Oveja cacë, a bëtánain ca unin ꞌacë ꞌian ꞌiacëxa. Ax ca hebreo banan Betesda caquin anëcë ꞌiacëxa. A ꞌian rapasu, anua uni niti, anu ca mëcën achúshi itá nitsíncë ꞌaish manan tapuñu ꞌiacëxa.

Juan 6:25

Usa ꞌain ca ꞌucë manan cuanxun bariquin mëraquin Jesús cacëxa: —¿Uinsaran caramina ënu uan?

Hechos 10:3

Usa ꞌixun ca bëtsi nëtën bari cuabutia, a las tres ꞌain, namáquin iscësoquin ángel achúshi Nucën Papa Diosan xucëx anu aia upí oquin isacëxa. Iscëx anua ꞌicënu atsínquin ca —Cornelio —caquin cuëancëxa.

Hechos 9:4

Usoquian pëcacëx menu nipacëquin ca ësaía quia cuacëxa: —Saulo, Saulo, ¿uisati caramina ꞌë bëtsi bëtsi oin?

1 Samuel 3:10

Ësakian kakëx kuanx anu ꞌuxkënu kuankë ka Nukën ꞌIbun bëráma kuënkësabi okin aín anën kuëntëkëankëxa: —¡Samuel! ¡Samuel! Kakin kuënkëxun ka min unin ka kuatia kamina kiti ꞌai kixun Samuelnën kakëxa.

1 Samuel 3:6

ꞌUxkëbi ka Nukën ꞌIbun amiribishi kuëntëkëankëxa: —¡Samuel Samuel! Kakin kuëntëkënkëx ka anua ꞌuxkë anuax nirukiani kuanxun Elí kakëxa: —Ënu kana uan. ¿Uisoti kaina ꞌë kuëan? kixun kakëxa: —Kákëxun ka ꞌën kana mi kuënkëma ꞌain ꞌën bakë bëchikë kixun —Elínën kakëxa. Mix anu ꞌuxkë anubi kamina kuanti ꞌain kixun katëankëxa.