Juan 19:11 - Kashibo-Kakataibo Biblia

¹¹ Cacëxun ca Jesusan cacëxa: —Naínu ꞌicë Nucën Papa Dios cuëëncëbëtanma camina min ꞌë uisabi otsíama. Usa ꞌain ca an mi ꞌë ꞌináncë unicama ax mix ꞌicësamairai ꞌuchaxa.

Nukën 'Ibu Diosan ain unikama 'inan ain bana

¹¹ Cacëxun ca Jesusan cacëxa: —Naínu 'icë Nucën Papa Dios cuëëncëbëtanma camina min 'ë uisabi otsíama. Usa 'ain ca an mi 'ë 'ináncë unicama ax mix 'icësamairai 'uchaxa.

Juan 19:11 ပူးပေါင်းရင်းမြစ်များ

Daniel 4:17

Ënëx ka usai ka ꞌiti ꞌikë kiaxa an bërúanti nankë ángelkama ax kikë ꞌikën, usa ꞌikë ka kamabi unikaman ꞌunánti ꞌikë, ax ka manámi ꞌikë Dios kamabi kushiñu a ꞌikën, an ka uikara ꞌapu ꞌimitisatania a ꞌapu ꞌimianan uix kara ñuumasara ꞌikë a unikamaribi aín kushia aín menubi ꞌinun ꞌimia.

Daniel 4:25

ꞌImainun kamina mix ꞌapu ꞌaíshbi chikiti unikamabë ënanantankëx chikítankëx ñuina kamabë niti ꞌain; usai ꞌikin kamina vaca bënëkamasa ꞌixun pasto pinuxun ꞌain, usai ꞌia ka pëkarakuatsínkëbëtan nibí ꞌibúkin min nami chabóti ꞌikën. Usai kamina mix ꞌapu ꞌaish mapai achúshi ꞌimainun rabë́ baritia anúnmi Dios an ka kamabi kushiñu ꞌixun axa aín kushi ꞌiti unikama ax kuëënxun aín kushi ꞌinun ꞌimia, kixun ꞌunánti nëtë ꞌitámainun niti ꞌain, an ka uikara ꞌapu ꞌimitisatania a ꞌapu ꞌimia.

Daniel 4:32

ꞌën kana unikamabë ꞌimami ñuinakamabë ꞌinun mi ꞌimiti ꞌain; anuxun kamina pasto vaca bënëkaman ꞌakësaribi okin mapai achúshi ꞌimainun rabë́ baritia anúnmi, Dios ax ka ënë menu ꞌikë ëmakama aín kushi ꞌianan ui kara aín kushi ꞌimitisatania a aín kushi ꞌimia kixun min ꞌunánti nëtë sënë́ntamainun ꞌiti ꞌain.

Daniel 4:35

An iskëx ka kamabi menu tsókë unikama ñuumara ꞌikën. An ka uisakin kara ꞌaisatania usakin naínu ꞌanan menuribi ñu ꞌaia. Usa ꞌain ka an usakin kamina min kushi ñu ꞌatima ꞌai kixun kanan, uisa kupín kaina usakin ñu ꞌai kixun an kati uni ꞌaíma ꞌikën.

Daniel 5:21

Usakin ꞌatankëxun ka uni ꞌikëbi unikamanua chikinkin achúshi ñuinasa ꞌinun ꞌimiakëxa; usokëx ka ñuina raëkëma ꞌimainun vaca bënëkamabëtan pasto pi nitsia ka, nibítan ꞌibúkin aín nami chabókëxa, usa ꞌain ka Dios manámi ꞌikë an kushiira ꞌixun kamabi menu ꞌikë unikama ꞌakianan, ui kara ꞌapu ꞌimitisa tania a ꞌapu ꞌimia kixuan anun ꞌunánti nëtë ꞌitámainun ꞌakëxa.

Mateo 26:65

Usai quia cuati xuamairai nishquin aín chupabi tucaquin ca judíos sacerdotenën cushicaman ꞌapun abë ꞌicë unicama cacëxa: —Nucën Papa Diosmi ca ꞌatimati banaxa. Mitsun camina Nucën Papa Dios ñuia, ꞌatimati banaia cuacan.

Mateo 27:2

Usai quitancëxun nëaxun ca Poncio Pilato, a nëtënu ꞌicë unicaman cushi, anu buáncëxa.

Mateo 6:13

Ñunshin ꞌatimanën ꞌapúan nu ñu ꞌatima ꞌamixunma ꞌanun camina nu bërúanti ꞌain. Nun ñu ꞌatima ꞌati ꞌicëbi camina nu usa ñu ꞌaxunma ꞌanun nu ië́miti ꞌain. Mix cushiira ꞌaish xënibua ꞌaínbi ꞌApu ꞌicë ca camabi unin mi rabiti ꞌicën. Usai ꞌinun min ꞌimiti cana cuëënin.

Marcos 14:44

Usa ꞌain ca buánquin Judasnën abë cuancë unicama cacëxa: —ꞌËn bëtsucucaia isquin camina ꞌunánti ꞌain, ax ca Jesús ꞌicë quixun. ꞌUnánquin a bixun camina bërúinra oxun buánti ꞌain.

Lucas 22:53

Camabi nëtën anuxun Nucën Papa Dios rabiti xubunu mitsubë ꞌiabi camina uisa ꞌixunbi ësoquin ꞌë bicáncëma ꞌain. Bërími mitsun ësoquin ꞌanun ca Nucën Papa Diosan mitsu ëanxa, ñunshin ꞌatimanën ꞌapun cushínbi camina ësoquin ꞌë ꞌain.

Juan 18:13

Usotancëxun ca Anásnën xubunu buáncancëxa. Anás ax ca Caifásnën xanun papa ꞌiacëxa. ꞌIanan ca a barin judíos sacerdotenën cushicaman ꞌapu ꞌiacëxa.

Juan 18:3

Usa ꞌain ca an ꞌunánxun Judasnën, judíos sacerdotenën cushicamabëtan fariseo unicaman xucë policíacëñun suntárucamaribi buáncëxa. Buáncëxun raírinëan buí ërë́ncë buánmainun raírinën anun ꞌacananti manë xëtocë ꞌimainun i tëacë acama buanx ca Jesúsmi bëbacancëxa.

Juan 19:10

Cacëxunma ca Pilátonën cacëxa: —¿ꞌËn mi ñucácëxunbi caramina ꞌëribi caiman? ꞌËx cuëënquin cana mi chiquínti ꞌain; ꞌëx cuëënquin cana unían mi i curúsocënu matásnun ꞌamiti ꞌain. ¿A caramina ꞌunaniman?

Juan 3:27

Cacëxun ca Juanën cacëxa: —Uinu ꞌicë unínbi ca Nucën Papa Diosan ꞌimicëxunma usa ñu ꞌatima ꞌicën.

Juan 7:30

Usaquian cacëxun sipuanuxun biisa tanquinbi ca anúan a unin biti nëtëa sënë́ncëma pain ꞌain achúshira unínbi biáma ꞌicën.

Juan 9:41

Cacëxun ca Jesusan cacëxa: —Mitsun asérabi ꞌë ñui quicë bana ꞌunáncëma ꞌaish bëxuñusa ꞌaish camina ꞌuchocëma ꞌitsían. Usa ꞌaínbi mitsun —cana a bana cuati —quicë ꞌixúnbi —asérabi ca a bana ꞌicë —quixun sinántisama tancë cupí camina ꞌuchacë ꞌiti ꞌain.

Hechos 2:23

Usoquian ñu ꞌacëbi camina mitsun unían ꞌináncëxun bixun ꞌaisama uni rabë́cëñun i curúsocënu matásmitancëxun bamamian. Usai ca ꞌiti ꞌicë quixuan, ënë nëtë unitisama pain ꞌain Nucën Papa Diosan mëníosabi oi ca ꞌiaxa.

Hechos 3:13

Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.

Hechos 4:28

usai ca ꞌiti ꞌicë quixunmi mëníosabi oi ca usai ami ꞌiaxa.

Romanos 13:1

Camabi ꞌapux ca Nucën Papa Diosan ꞌimicë ꞌicën. An ꞌimicëma ꞌapu ca ꞌaíma ꞌicën. Usa ꞌain camina mitsun ꞌapucaman bana cuati ꞌain.

Santiago 1:17

Camabi uisa ñu cara upí ꞌicë, ax ca Nucën Papa Dios naínu ꞌicë, an bari, ꞌuxë, ꞌispa acama unio, an camabi uni ꞌináncë ꞌicën. A ñucamaxa bënamëanan bëánquicë ꞌaínbi ca Nucën Papa Dios axira usabi ꞌiá ꞌaish usabi ꞌicën.

Santiago 4:17

Ësa ca: An usaquin ꞌati ca upí ꞌicë quixun ꞌunánquinbi usaquin ꞌacëma uni ax ca ꞌuchaia.