Juan 18:35 - Kashibo-Kakataibo Biblia

³⁵ Cacëxun ca Pilátonën cacëxa: —ꞌËx cana judíos unima ꞌain. Min aintsinbi ca sacerdotenën cushicamabëtan ënu mi bëaxa. ¿Añu ñu caramina ꞌan?

Nukën 'Ibu Diosan ain unikama 'inan ain bana

³⁵ Cacëxun ca Pilátonën cacëxa: —'Ëx cana judíos unima 'ain. Min aintsinbi ca sacerdotenën cushicamabëtan ënu mi bëaxa. ¿Añu ñu caramina 'an?

Juan 18:35 ပူးပေါင်းရင်းမြစ်များ

Nehemías 4:2

abëa ꞌikë unikama ꞌimainun Samarianu ꞌikë suntárukamax ësai kiakëxa: “¿Atux añu ꞌixun kara judíos unikama numin bamai bukukë ꞌixunbi usakin ñu ꞌatëkënkatsi kiti ꞌik? ¿Atun kara amiribishi anuxun atun Dios rabitëkënkin ñuina xaroti sinánkanin? ¿ꞌImainun kara atun achúshi nëtën ishi kananuna ñu mëëkin këñuti ꞌain kixun sinánkanin? ¿Atun kara xaró ꞌaísh bukukë anua maxá upíbu amiribishi bitëkënti sinánkanin?”

Juan 18:28

Pëcaracëma ꞌaínshia xabaracë́cëbëtan ca Caifásnën xubunua policíanën Jesús Romanuaxa ucë ꞌapu, Pilato, aín xubunu buáncëxa. Usa ꞌain ca a ꞌapua aín caibuma ꞌain, aín xubunu atsini ꞌuchaxuinsa Pascua nëtën ꞌati ñu pitima ꞌicë quixun sinani judíos unicama anu atsíanma ꞌicën.

Juan 18:34

Cacëxun ca Jesusan cacëxa: —¿Minbi sinánquin caramina ësoquin ꞌë ñucatin? ¿Bëtsi unin cara ꞌë ñuiquin mi cacëma ꞌic?

Juan 18:36

Cacëxun ca Jesusan cacëxa: —Ënë nëtënu ꞌicë ꞌapu ꞌinux cana uáma ꞌain. ꞌËx ënë nëtënu ꞌicë ꞌapu ꞌain ca judíos unicaman ꞌë bitima cupí ꞌën unicama atubë ꞌacanantsianxa. Usa ꞌain cana ënë nëtënu ꞌicë ꞌapu ꞌinux uáma ꞌain.

Juan 19:11

Cacëxun ca Jesusan cacëxa: —Naínu ꞌicë Nucën Papa Dios cuëëncëbëtanma camina min ꞌë uisabi otsíama. Usa ꞌain ca an mi ꞌë ꞌináncë unicama ax mix ꞌicësamairai ꞌuchaxa.

Juan 19:6

Cacëx ca sacerdotenën cushicama ꞌimainun policíacamaxribi a isi munuma cuëncëni quiacëxa: —I curúsocënu ca matas, i curúsocënu ca matas. Cacëxun ca Pilátonën cacëxa: —ꞌËn iscëx ca ënë uni ꞌuchacëma ꞌicën. Usa ꞌain ca mitsúnbi buántancëxun i curúsocënu matástan.

Hechos 21:38

¿Mix caramina Egiptonu ꞌicë uni an bari itsin, ꞌapumi nishquin unicama tsuáquirumitancëxun uni ꞌaquin cuatro mil uni, anu uni ꞌicëma menu buáncë, ama ꞌain?

Hechos 23:29

Buánxun ñucácëxunbi ca Pablonëx isa usai judíos unicama ꞌitia Moisésnën cuënëo bana quicësabi oi ꞌima quixun ꞌë caxa. Cacëxun iscëxbi ca an ꞌacë ñu a cupí Pablo ꞌati ꞌaíma ꞌianan a cupí sipuatibi ꞌaíma ꞌiaxa.

Hechos 3:13

Usama ca. Nucën Papa Dios, aira nucën rara Abraham, Isaac, Jacob acama ꞌimainun nucën raracama ꞌimainun nucën chaitiocëcaman rabia, an ca aín Bëchicë Jesús asaribi cushi ꞌinun ꞌimiaxa. Usa ꞌicëbi camina uni isa ꞌaminun quixun mitsun ꞌapucama ꞌináncan. ꞌInáncëa Pilatonën ëinsa tancëbëbi camina mitsux cuëëncëma ꞌain.