Juan 18:33 - Kashibo-Kakataibo Biblia

³³ Usa ꞌain ca judíos unicama cabiani aín xubunu atsíntëcënxun cuëncë́xa aia Pilatonën Jesús cacëxa: —¿Mix caramina judíos unicaman ꞌapu ꞌain?

Nukën 'Ibu Diosan ain unikama 'inan ain bana

³³ Usa 'ain ca judíos unicama cabiani aín xubunu atsíntëcënxun cuëncë́xa aia Pilatonën Jesús cacëxa: —¿Mix caramina judíos unicaman 'apu 'ain?

Juan 18:33 ပူးပေါင်းရင်းမြစ်များ

Jeremías 23:5

Ësai ka Nukën ꞌIbu asérabi kiakëxa: “Ka is achúshi nëtë ka uti ikë, anúan Davidtan rëbúnki ꞌibuira, ax ꞌapu achúshi ñu ꞌunairakë ꞌixun unikama ꞌakinkin, Judá menu ꞌikë unikama ainra upíokin ñu ꞌaia bukunun ꞌakinti ꞌikën, usokëx ka ñu ꞌatima ꞌaíma upiti tsóti ꞌikën.

Zacarías 9:9

(Ësai ka Dios kia.) ¡Sión ëmanu tsókë unikamax ka ꞌitsaira kuëënti ꞌikën! ¡ꞌImainun ka Jerusalén ëmanu tsókë unikama atúxribi kuëëni kantati ꞌikën! Mitsun ꞌapu, upí ainra kamabi ñu kananti ax ka aia, ꞌaínbi ka mënin sinaínshi ꞌaish, achúshi burro xanuntuá bërí kanikë a kamanan tsótax aia.

Mateo 27:11

Usoxun ca judíos unima ꞌaíshbi anu ꞌicë unicaman cushi, Pilato cacë, anu Jesús buáncancëxa. Buania ca Pilatonën cacëxa: —¿Mix caramina judíos unicaman ꞌapu ꞌain? Cacëxun ca Jesusan cacëxa: —Asérabi cana ꞌëx a ꞌain, minmi cacë, usa.

Mateo 27:27

Usomitancëxuan ꞌináncëxun ca suntárucaman anua Pilato ꞌicë xubu mëúa ꞌicë anu Jesús buáncëxa. Buánxun ca suntárucaman raíri timëacëxa.

Marcos 15:2

Buáncë ca Pilátonën Jesús ñucácëxa: —¿Mix caramina judíos unicaman ꞌapu ꞌain? Cacëxun ca Jesusan cacëxa: —Asérabi cana ꞌëx a ꞌain, mixmi quicë, usa.

Lucas 23:2

Buanx bëbax aín bëmánon ꞌixun ca Jesús ñuiquin ësaquin Pilato cacëxa: —Ënë unían judíos unicama nun caibu bëtsi oquian sinánun quixun ꞌunánmia cananuna nunbi cuan. Nun nu a César buánmiti curíqui ꞌinánxunma ꞌanun nu canan ca ax isa Cristo ꞌaish ꞌapu ꞌicë quiaxa.

Juan 1:49

Cacëxun ca Natanaelnën cacëxa: —Mix camina Nucën Papa Diosan Bëchicë ꞌianan Israel unicaman ꞌapu ꞌain.

Juan 12:13

Cuabiani ca camaxunbi xëbin pëchi tëaquin bibiani, bain aia Jesús bëñaquin bitsi biránanquiani riquiancëxa. Riquiancëbëa ucëbë ca munuma banai sharati quicancëxa: —Nucën Papa Dios rabinun ca ꞌacan. Nucën ꞌIbu Diosan xucëx ca Israel unibunën ꞌapu ënëx aia.

Juan 12:15

Siónu ꞌicë unicama, racuë́axma ca ꞌican. Mitsun ꞌapu ca burron caxunu tsotax aia.

Juan 18:34

Cacëxun ca Jesusan cacëxa: —¿Minbi sinánquin caramina ësoquin ꞌë ñucatin? ¿Bëtsi unin cara ꞌë ñuiquin mi cacëma ꞌic?

Juan 18:37

Cacëxun ca Pilátonën catëcëancëxa: —¿Usa ꞌain caramina asërabi ꞌapu ꞌain? Quixuan cacëxun ca Jesusan cacëxa: —ꞌËx cana ꞌapu ꞌain, min ꞌë cacësabi oi. Usai ꞌinux cana ënë nëtënu uacën, Nucën Papa Diosan sináncë ñucama ñuiquin camabi uni canux. Uicaman cara uisaira cara a bana ꞌicë quixun ꞌunántisa tania, an ca ꞌën bana cuatia.

Juan 18:38

Cacëxun ca Pilátonën Jesús cacëxa: —¿Uisa cara min Diosan sináncë ꞌic? Usaquin catancëx amiribishi ëman chiquíquin ca Pilátonën judíos unicama cacëxa: —ꞌËn iscëx ca ënë uni ꞌatima ñu ꞌacëma ꞌicën.

Juan 19:12

Usoquian Jesusan cacëxuan Pilátonën Jesús chiquínti sinaniabi ca judíos unicaman munuma cuëníshoquin cacëxa: —Min ënë uni chiquíanx camina Romanu ꞌicë ꞌapu Césarbë upí ꞌitima ꞌain. Uinu ꞌicë unix cara —ꞌëx cana ꞌapu ꞌai —quia, ax ca Césarbë nishanancësa ꞌiti ꞌicën.

Juan 19:3

Usotancëxun ca aín bëmánanu niracëquin ꞌusánquin —judíos unicaman ꞌapu ca chuámashi ꞌit —caquin tantáshcacëxa.

Juan 19:4

Usocëbë chiquíquin ca Pilátonën judíos unicama cacëxa: —ꞌËn iscëx ca ënë uni ꞌuchacëma ꞌicën. Usa ꞌicëmi mitsun ꞌunánun cana a bëtëcënin.

Juan 19:9

Racuëti aín xubunu atsíntëcënxun ca Jesús cacëxa: —¿Uinu ꞌicë uni caramina ꞌain? Cacëxunbi ca cáma ꞌicën.

1 Timoteo 6:13

Nucën Papa Dios, an camabi ñu unio, a ꞌimainun Jesucristo, Poncio Pilatonën ñucácëxun chiquinaquin —ꞌApu ꞌinux cana uacë —quixun cá, ax cuëëncësabi oquin cana mi cain,