Juan 17:5 - Kashibo-Kakataibo Biblia

⁵ Usa ꞌain camina ënë nëtëa unicëma pain ꞌain ꞌëx ꞌiásabi oi misaribi ꞌitëcënun, minu cuania ꞌë ꞌimitëcënti ꞌain.

Nukën 'Ibu Diosan ain unikama 'inan ain bana

⁵ Usa 'ain camina ënë nëtëa unicëma pain 'ain 'ëx 'iásabi oi misaribi 'itëcënun, minu cuania 'ë 'imitëcënti 'ain.

Juan 17:5 ပူးပေါင်းရင်းမြစ်များ

Mateo 25:34

Usai ꞌitancëxun cana ꞌëx ꞌApuira ꞌixun axa ꞌën mëqueu ꞌicë unicama cati ꞌain: ꞌËn Papa Diosan ca mitsu upí oquin sinánxunia. Mecama ꞌimainun anu ꞌicë ñucama unioquin ca an mitsu sinánxunquin anu mitsux abë ꞌiti mëníocëxa. Ax quiásabi oi camina bërí anu ꞌiti ꞌain.

Juan 1:18

Uinu ꞌicë unínbi ca Nucën Papa Dios isáma ꞌicën. Aín Bëchicë Achúshi, axa aín Papabë ꞌicë, an cuni ca uisa cara Nucën Papa Dios ꞌicë quixun nu ꞌunánmiacëxa.

Juan 10:30

ꞌËx ꞌën Papabë rabë́ ꞌaíshbi cananuna achúshishi ꞌain.

Juan 14:9

Cacëxunbi ca Jesusan cacëxa: —¿Camabi nëtën mitsubë ꞌiabi caramina uisa uni carana ꞌai quixun ꞌë ꞌunaniman? An ꞌë iscë uni, an ca Nucën Papa Diosribi isia. ¿Usa ꞌaínbi caramina uisa cupí, nu ca Nucën Papa Dios ismit quin?

Juan 17:1

Usaquin aín ꞌunánmicë unicama caíshi manámi bësui abë banaquin ca Jesusan aín Papa cacëxa: —Papan, unían ꞌë ꞌati nëtë ca uaxa. Min camina ꞌëx, min Bëchicë ꞌicë, bamacëbi ꞌë baísquimiti ꞌain, ꞌë rabiquian camabi unin mix camina asérabi cushiira ꞌai quixun ꞌunánun.

Juan 17:24

Papan, ënë nëtë unitisama pan ꞌain camina ꞌë nuibaquin misaribi ꞌinun min cushi ꞌë ꞌináncën. Usa cana ꞌëx ꞌai quixun isnúxa minmi ꞌë ꞌináncë unicamax anu ꞌëx ꞌicë anuribi ꞌëbë ꞌiti cana cuëënin.

Juan 3:13

Uinu ꞌicë unínbia anu ꞌicë ñu ꞌunáncë ꞌaímabi cana ꞌën cuni anuax uá ꞌixun ꞌunanin.

Juan 8:58

Quia ca Jesusan cacëxa: —ꞌËn cana asérabi mitsu cain, Abraham ꞌicëma pain ꞌain cana ꞌëx ꞌiacën.

Filipenses 2:6

Aribi ꞌaish Nucën Papa Diosbë ꞌixunbi ca —anu ꞌëx asaribi ꞌaish ꞌën Papa Diosbë ꞌicë ënë nëtë cana ëbiántima ꞌai —quixun sinánma ꞌicën.

Hebreos 1:10

Usaquin canan ca Nucën Papa Diosan ësaquinribi aín Bëchicë caia: Mix camina camabi ñu aín ꞌibu ꞌain. Min camina bëráma mecama ꞌimainun naí ꞌimainun anu ꞌicë ñucamaribi uniocën.

Hebreos 1:3

Nucën Papa Dios ax ca unin sinánsamaira ꞌaish upíira ꞌicën. Usa ꞌain ca aín Bëchicë Jesucristo axribi asaribi ꞌicën. Usa ꞌain ca uisa cara ax ꞌiacëxa quixun ꞌunánquin unin ꞌunánti ꞌicën, aín Papa Dios ax ca asaribi upí ꞌicë quixun. An unio ꞌixun ca an unio ñucama, aín banánbia usabi ꞌinun ꞌimia. Usa ꞌaish ca camabi unin ꞌucha tërë́ncë ꞌinun bamax baísquitancëx, aín Papan nëtënu cuan ꞌaish aín mëqueu abë ꞌApu ꞌicën.

1 Pedro 1:20

Cristo ca usai ꞌiti ꞌicë quixun ca camabi ñu unioisama pain ꞌixunbi Nucën Papa Diosan mëníocëxa. Usaquian mënío ꞌain ca aín uti nëtë sënë́ncëbëishi usai ꞌinux Cristo ënë menu uacëxa, mitsúxmi ami catamënun.

1 Pedro 1:21

Usa ꞌain camina an Jesucristo bamacëbi baísquimitancëxun aín nëtënu abë ꞌinun ꞌimicë cupí ami sinanin, Nucën Papa Dios an ca asérabi ax quicësabi oquin mitsu ꞌimiti ꞌicë quixun ꞌunani.

1 Juan 1:2

A cananuna nusaribi ꞌaish uni ꞌicë nun ꞌunáncën. Usa ꞌixun cananuna asérabi a isacën. Isá ꞌixun cananuna a mitsu ñuixunin. Ax aín Papabë ꞌitancëxbi ënë menu uá ꞌixun ca bamatimoi tsócë ꞌixun, usaribitinu abë ꞌinun nu ꞌimiti ꞌicë quixun cananuna mitsu ñuixunin.

Apocalipsis 13:8

Ënë menu bucucë, ui unicamax cara me uniotabacë ꞌain, Carnero ꞌicësaribitia unin ꞌucha cupí bama, aín quiricanu aín anë cuënëoma ꞌicë, a unicaman ca axa parúnpapanuax uax ꞌirucë ñuinacanꞌëo aín bana cuanan rabiaxa.

Apocalipsis 3:21

ꞌAnan cana axa ꞌëmi catamëquin ꞌëx cuëëncësabi oi ꞌiti ëncëma unicamax ꞌëbë ꞌapu ꞌinun ꞌimiti ꞌain, ꞌëx tëmëraibi ax cuëëncësabi oi ꞌiti ëncëma ꞌicëa ꞌën Papan ꞌë abë ꞌapu ꞌinun ꞌimicësaribi oquin.