Juan 16:28 - Kashibo-Kakataibo Biblia

²⁸ Nucën Papanuax cana ënë nëtënu uacën. Uá ꞌaíshbi cana ënë nëtënuax amiribishi Nucën Papabë ꞌi cuantëcënin.

Nukën 'Ibu Diosan ain unikama 'inan ain bana

²⁸ Nucën Papanuax cana ënë nëtënu uacën. Uá 'aíshbi cana ënë nëtënuax amiribishi Nucën Papabë 'i cuantëcënin.

Juan 16:28 ပူးပေါင်းရင်းမြစ်များ

Lucas 24:51

Usaquin ñucáxuntancëxun acama ëbiani ca anua Nucën Papa Dios ꞌicë anu cuancëxa.

Lucas 9:51

Anúan aín Papa Diosnu cuantëcënti nëtë ꞌurama ꞌain ca Jesusan Jerusalénu cuantëcënti sináncëxa.

Juan 13:1

Pascua anun carnero ꞌati nëtëa ꞌicëma pan ꞌain ca Jesusan ꞌunáncëxa, anúan ënë menuax aín Papanu cuanti nëtë ca ꞌuramatia quixun. Jesusan ca ënë menuxuan aín bana cuacë unicama camabi nëtën upí oquin nuibacëxa. Usa ꞌain ca Jesús ax an atu nuibacë cupí bamaia aín unicaman —asérabi nu an nuibati ca usai bamaia —quixun ꞌunánti nëtë ꞌuramacëxa.

Juan 13:3

Piquin ca —ꞌën Papan camabi ñu ꞌibuamianan ënë nëtënu xuá ꞌaish cana anuribi cuantëcënti ꞌai —quixun sináncëxa.

Juan 14:28

ꞌËn mitsu, cana cuanin, cuantancëxbi cana mitsubë ꞌinux utëcëni cuani quixun cacëxun camina camaxunbi cuacan. Asérabi ꞌëmi sináncë ꞌaish camina mitsux, ꞌësamaira ꞌën Papa anu cana cuani quixun ꞌën cacëx cuëëntsian.

Juan 16:10

ꞌËn Papanu cuancëmi mitsun ꞌë istëcëncëbëtanma ca atun uisai cara ꞌëmi catamëcë ꞌaish uni upí ꞌiti ꞌicë quixun ꞌunánti ꞌicën.

Juan 16:16

Ënu mitsubë ꞌitancëxbi nëtëtia camina ꞌë istima ꞌain. ꞌIxunbi camina ꞌitsama nëtë́inshi ꞌë istëcëncanti ꞌain. Anu Nucën Papa Dios ꞌicë anu cana cuanin.

Juan 16:30

Bërí cananuna ꞌunanin, upí oquin camabi ñu ꞌunánquin camina bana ñuixuanan bëtsi ñuribi ꞌan. A cupí cananuna mi ñucátëcënquinma, asérabi ca usa ꞌicë quixun ꞌunánan mix camina asérabi Nucën Papa Diosnuax uá ꞌai quixun ꞌunanin.

Juan 16:5

Bërí cana an ꞌën xuá anu cuanin, abë ꞌi. Ësaquin ꞌën cacëxunbi camina mitsu achúshinënbi uinuira carana cuanin quixun ꞌë ñucatiman.

Juan 17:11

Ënë nëtënu cana ꞌëx tiquiman, cana mibë ꞌi cuanin. ꞌËx cuancëbë ca atux ënë nëtënu bërúti ꞌicën. Mix ꞌuchañuma ꞌaish upíira ꞌianan cushiira ꞌixun camina minmi minan ꞌinun ꞌëmi sinánmicë unicama ënë bërúanti ꞌain. ꞌËx mibë ꞌicësaribitia atux bëtsibë nuibanani achúshi sinánñuishi ꞌaish achúshisa ꞌinun camina atu bërúanti ꞌain.

Juan 17:13

Bërí cana anu mi ꞌicë anu cuanin. Ënë nëtënuax cuancëma pan ꞌixun cana atu ꞌëx ꞌicësaribitia chuámarua tani cuëënun atun cuamainun mi ñucáxunin.

Juan 17:5

Usa ꞌain camina ënë nëtëa unicëma pain ꞌain ꞌëx ꞌiásabi oi misaribi ꞌitëcënun, minu cuania ꞌë ꞌimitëcënti ꞌain.

Juan 8:14

Cacëxun ca Jesusan cacëxa: —ꞌËxbi ꞌëx cana usa ꞌai quicëxbi ca ꞌën banax asérabi ꞌicën. Uinuax carana uan, uinu carana cuani quixun cana ꞌën ꞌunanin. ꞌËn ꞌunáncë ꞌaínbi camina mitsun, uinuax carana ꞌëx uan, uinu carana cuani quixun ꞌunaniman.

Juan 8:42

Usaquian cacëxun ca Jesusan cacëxa: —Nucën Papa Diosnuax cana ꞌëx ënë menu uacën. ꞌËx cana ꞌëxbi uáma ꞌain, an ca ënu unun ꞌë xuacëxa. Usa ꞌain camina mitsux asérabi Nucën Papa Diosnan ꞌaish ꞌëmi sinántsian.