Juan 14:27 - Kashibo-Kakataibo Biblia

²⁷ ꞌËx cuancëbëbi camina chuámashirua bucucanti ꞌain. ꞌËn ꞌimicëx camina ënë menu ꞌicë ñu sinani cuëëncësamaira oi ꞌënan ꞌaish cuëëni chuámarua ꞌiti ꞌain. Usa ꞌain ca masá nuituaxma ꞌianan racuë́axma ꞌican.

Nukën 'Ibu Diosan ain unikama 'inan ain bana

²⁷ 'Ëx cuancëbëbi camina chuámashirua bucucanti 'ain. 'Ën 'imicëx camina ënë menu 'icë ñu sinani cuëëncësamaira oi 'ënan 'aish cuëëni chuámarua 'iti 'ain. Usa 'ain ca masá nuituaxma 'ianan racuë́axma 'ican.

Juan 14:27 ပူးပေါင်းရင်းမြစ်များ

Salmos 27:1

Nukën ꞌIbun ka ꞌë ꞌakianan bërúaia, ¿uimi karana ꞌëx rakuë́ti ꞌain? Nukën ꞌIbuinshi ka ꞌën tsoti bërúaia, usa ꞌain ka ꞌëx ami rakuë́ti uni ꞌaíma ꞌikën.

Salmos 72:2

usakin ꞌanun min ꞌamikëxun ka min unikama ꞌimainun uni ñuñumakama aribi upíokin ꞌakinti ꞌikën.

Salmos 72:7

¡Usakin ꞌanan ka ax ꞌapu ꞌixun ñu upíokin ꞌakëbë, a nëtëkaman uni upitax bukuti ꞌikën, anúan ꞌuxë nëtë́ti nëtë ꞌitámainun!

Salmos 91:5

Usa ꞌain kamina imë́ ñu ꞌaisama inutimi, rakuë́tima, ꞌianan kamina nëtënbi pia nikian anun mi ꞌatimi rakuë́tima ꞌain,

Isaías 41:10

ꞌËx kana mitsubë ꞌain usa ꞌain kamina rakuë́kantima ꞌain; ꞌëx kana mitsun Dios ꞌain usa ꞌain kamina rakuë́kantima ꞌain, ꞌën kana mitsu kushionan ꞌakinti ꞌain, ꞌën kana mitsu anun ꞌakánanti manë xëtokë ꞌën mëkënan tuínxun ꞌakësokin axa mimi nishkë unikamami kupitanuma ꞌanun ꞌamiti ꞌain.

Isaías 41:14

Ësai ka Nukën ꞌIbu asérabi kiakëxa: “Israel unikama Jacobnën rëbúnki ꞌitsamara ꞌaish kushimarasa unin iskëbi rakuëtima, ꞌaínbi kamina mitsux rakuë́tima ꞌain. ꞌËn kana mitsu ꞌakinin. ꞌËx Israel unikaman Dios upíira ꞌixun kana, mitsu bitëkënti ꞌain.

Isaías 54:13

ꞌËn kana min bakë bëchikëkama ñu ꞌunánmiti ꞌain, usokëx ka akamax upiti tsóti bukuti ꞌikën.

Isaías 55:12

Usa ꞌain kamina mitsux kuëënkiani anuaxmi tëmërakankë, anuax kamina mitsun menubi uínbi uisokinbi kakëma kuantëkënti ꞌain. Usai mitsux kuania isi ka ꞌain bashikama kuëëni kantati ꞌikën, ꞌimainun ka kamabi ikama ninu ꞌikë akamax mëtashkiti ꞌikën.

Isaías 9:6

Usa ꞌain ka nunu achúshi tuá bakënun ꞌimiaxa, Diosan ka nukama achúshi tuá ꞌinánxa, a tuá ka axa ꞌapu ꞌitiokin aín kushi ꞌinánkë ꞌiti ꞌikën. Usa ꞌikë ka ësokin kakë ꞌiti ꞌikën: “An bana ñuixunkin ꞌësëkëxun kuati upitani kuëënti,” “Dios uínbi kanantisama,” “Nukën papa Dios axa këñutima oi tsókë,” “Achúshi ꞌapun rëkuë́n bëchikë chuámarua ꞌinun uni ꞌakinux bakë́an.”

Jeremías 1:8

Usa ꞌain kamina uinu ꞌikë unimibi rakuë́tima ꞌain. ꞌËx kana mi ꞌakinux mibëbi ꞌiti ꞌain. ꞌËn kana Dios ꞌixun mi kakësa okinbi asérabi ꞌakinti ꞌain.

Ezequiel 2:6

Mix unin bëchikë ꞌaish kamina atumi rakuë́tima ꞌain, ꞌianan kamina uisakin kara mi kaia usakin kakëx atun banami rakuë́tima, ꞌianan i muxañunën bëarabuinkësa tanan nibantakamanu ꞌikësa tanibi rakuë́tima ꞌain. Usa ꞌain kamina uisakin kara mi kaia kakëxi atun banami rakuë́tima ꞌain, ꞌianan kamina bana kuakëmaira ꞌixun ꞌain bëmánan nishkë okëbëbi atumi ratutima ꞌain.

Daniel 4:1

Ësai ka ꞌapu Nabucodonosor kiakëxa: ꞌëx kana kamabi ëmanu ꞌikë unikama ꞌimainun bëtsi menu ꞌikë unikama ꞌianan bëtsi banan banakë unikama atun menu ꞌikë akamaxa upiti ñuñu ꞌi bukukanti kuëënin kixun ka ꞌapun kirika kuënëomiakëxa.

Daniel 6:25

Usa ꞌain ka ꞌapu Daríonën kamabi menu ꞌikë unikama ꞌimainun bëtsi menu ꞌikë unikama aín banan banakë akama ësakin kakin achúshi kirika kuënëokëxa: ꞌËx kana mitsúxmi ꞌupitax bukuti kuëënin,

Números 6:26

Nukën ꞌIbun ka mi ꞌitsaira nuibati ꞌikën, ꞌimainun ka upiti tsónun mi ꞌakinti ꞌikën.

Mateo 10:26

Ësaquinribi ca Jesusan aín ꞌunánmicë unicama bana ñuixuntanun xuquin cacëxa: —Unían mitsu bëtsi bëtsi ocëxbi camina an mitsu bëtsi bëtsi ocë unicamami racuë́tima ꞌain. Unían uni itsi paránxun ñu ꞌacëxbi ca camabi unían ꞌunáncë ꞌiti ꞌicën. Usaribiti ca unían ñu upí unë́xun ꞌacëxbi camabi unían ꞌunáncë ꞌiti ꞌicën.

Lucas 1:79

Xucëxun uquin ca axa aín ꞌucha cupí Nucën Papa Diosbë upíma ꞌianan —ꞌën bamati ca ꞌurama ꞌicë —quixun sinani racuëti masá nuituti bëánquibucënu ꞌicësa unicama atun ꞌuchacama tërë́nquin Nucën Papa Diosnan ꞌinun ꞌimianan nuxnu Nucën Papa Diosbë upí ꞌaish ax cuëëncësabi oi ꞌinun nu ꞌimiti ꞌicën. Usai ca Zacarías Nucën Papa Diosan Bëru Ñunshin Upitan sinánmicëx quiacëxa.

Lucas 10:5

Anumi ꞌiti xubunu atsínquin camina anu ꞌicë unicamaxa chuámashi ꞌinun Nucën Papa Dios ñucáxunti ꞌain.

Lucas 12:4

ꞌËbë nuibanancë unicama, cana mitsu cain, an uni bëtsi bëtsi oquin bamamicë unicamami camina racuë́tima ꞌain. Usoquin ꞌaquinbi ca aín bëru ñunshin bamamitima ꞌicën.

Lucas 2:14

—¡Naínu ꞌicë Nucën Papa Dios rabinun ca ꞌat! ¡Ënë nëtënuaxa Nucën Papa Diosbë upí ꞌicë unicamax ca chuámashirua ꞌican!

Juan 14:1

Usaquin catancëxun ca ësaquinribi Jesusan aín ꞌunánmicë unicama cacëxa: —Masá nuituaxma ca ꞌican. Nucën Papa Diosmi camina catamëti ꞌain. Nucën Papa Diosmi catamëti ca ꞌëmiribi catamët.

Juan 16:33

ꞌËmi catamëtími chuámashirua ꞌaish upitax ꞌicánun cana ënë banacama mitsu ñuixuan. Ënë nëtënuax camina mitsux ꞌënan cupía mitsumi nishquin unin ꞌatimocë ꞌinuxun ꞌain. Usai ꞌibi camina bënëtima ꞌëmi cushicanti ꞌain. An ënë menu ꞌicë unicama ꞌibuacë ꞌicëbi cana ꞌën ñunshin ꞌatimanën ꞌapu ñusmon.

Juan 20:19

Anúan Maríanën Jesús ispuncë domingo nëtë ñantánbucëbë ca aín ꞌunánmicë unicamax, xubu achúshinu timë́ax judíos unibumi racuëti ꞌaímaquin xëpuax ꞌiacëxa. Anua ꞌain, atu nëbë́tsi niracëquin ca Jesusan cacëxa: —Cana uan, chuámashirua ca ꞌican.

Juan 20:21

Cuëënia ca amiribishi Jesusan atu cacëxa: —Chuámashirua ca ꞌican. ꞌËn Papan amia sinánun unicama ꞌaquinun ꞌë xuásaribi oquin cana ꞌëmia sinánunmi unicama ꞌaquinun mitsu xutin.

Juan 20:26

Jesús baísquixancëa achúshi semana ꞌain ca aín ꞌunánmicë unicama amiribishi achúshi xubunu timë́cë ꞌiacëxa. A nëtën ca Tomásribi atubë ꞌiacëxa. Usa ꞌain ca xubu xëpucë ꞌaínbi atu nëbë́tsi niracëquin Jesusan aín ꞌunánmicë unicama —Cana uan. Chuámashirua ca ꞌican —cacëxa.

Hechos 10:36

Nucën Papa Diosan ca Israel unicama aín bana ñuixunquian Jesucristo ax ca camabi unin ꞌibu ꞌixun an nu chuámarua ꞌimiti a ꞌicë quixun ñuixunun aín unicama xuaxa.

Hechos 18:9

Usa ꞌain ca Pablonën namáquin cuacësa oquin ësaquian Nucën ꞌIbu Jesusan cacëxun imë́ cuacëxa: —ꞌË cana mibë ꞌain. Usa ꞌain ca uinu ꞌicë unínbi mi paë tanmiquin mëëtima ꞌicën. Ënë ëmanuax ca ꞌaisamaira uni ꞌënan ꞌiti ꞌicën. Usa ꞌain camina racuë́quin ënquinma ꞌën bana ñuixunti ꞌain.

Romanos 1:7

Ënë quirica cana cuënëoxunin, Roma ëmanuaxmi Nucën Papa Diosan nuibaquin ainan ꞌinun caíscë ꞌaish ax cuëëncësabi oi ꞌicë, micamaishi. Nucën Papa Dios ꞌimainun Nucën ꞌIbu Jesucristonën nuibaquin ꞌaquincëxmi chuámarua bucucanti cana cuëënin.

Romanos 15:13

Nucën Papa Diosan ca nu ꞌunánmia, an ca nu ꞌaquianan nux xënibua ꞌaínbi abë ꞌitioquin nu ꞌimia quixun. An mitsu ami catamëti cuëëni chuámarua ꞌaish bucunun ꞌimiti cana cuëënin. Mitsux usai ꞌiquin camina aín Bëru Ñunshin Upitan sinánmicëxun Nucën Papa Diosan ca asérabi ax quicësabi oquin ꞌaia quixun upí oquin ꞌunánti ꞌain.

Romanos 5:1

Usai nux Nucën ꞌIbu Jesucristomi catamëcë ꞌicë, a cupí ca Nucën Papa Diosan nu upí isia. Usaquian iscëx cananuna abë upí ꞌain, Jesucristo cupí.

Romanos 5:10

Nuxnu ꞌatimaquinshi sinani ami sináncëma ꞌicëbi ca aín Bëchicë bama cupí Nucën Papa Diosan nun ꞌucha tërë́nquin nu nuibaquin ainan ꞌimiaxa. Nu nuibaquin ainan ꞌimicë ꞌicë ca Jesucristo bamaxbi baísquicë ax nubë ꞌixun nuxnu asérabi upí ꞌinun nu ꞌimia.

Romanos 8:6

An Nucën Papa Dios cuëëncësoi ꞌiti sinánquinma ënë nëtënu ꞌicë ñuishi sináncë uni, ax Nucën Papa Diosnanma ꞌaish abë ꞌitimoi bamati ꞌicën. Usa ꞌaínbi ca an Nucën Papa Diosan Bëru Ñunshin Upitan sinánmicësabi oíshi ꞌiti sináncë uni, ax Nucën Papa Diosbë upí ꞌaish abë nëtë́timoi tsóti sinani chuámarua tani cuëënia.

1 Corintios 1:3

Usa ꞌaíshmi mitsux Nucën Papa Diosbëtan Nucën ꞌIbu Jesucristonën nuibaquin ꞌaquincëx chuámarua bucucanti cana cuëënin.

Gálatas 1:3

Nucën Papa Diosbëtan Nucën ꞌIbu Jesucristonën mitsu nuibaquin ꞌaquincëxmi chuámarua ꞌaish bucucanti cana cuëënin.

Gálatas 5:22

Usa ꞌaínbi ca Nucën Papa Diosan Bëru Ñunshin Upitan sinánmicëxuan an sináncë uni ax ësai ꞌia: unicama nuibacë, chuámarua ꞌaish cuëëncë, uisa ñu cara ꞌicëbëbi chuámarua ꞌaish bënë́cëma, an ꞌatimocëxunbi uni cupicëma, cuëmëninínshi banacë, upí nuituñu, ꞌimainun Jesucristomi upiti catamëcë,

Gálatas 6:16

Axa usai ꞌicë unicamacëñuan uicamax cara asérabi aín uni ꞌicë, acama Nucën Papa Diosan nuibaquin aín ꞌucha tërë́anan chuámashirua ꞌimiti cana cuëënin.

Filipenses 4:7

Usaquinmi cacëxun cuaquin ca Nucën Papa Diosan mitsu nuibaquin bënëtima chuámarua ꞌinun mitsu ꞌimiti ꞌicën, uisa ꞌaish cara aín uni usai ꞌia quixuan uni raírinën ꞌunáncëbëtanmabi. Usaquin ꞌimianan ca Jesucristobë ꞌicë mitsun sinan ꞌimainun mitsun nuitu upí ꞌinun bërúanti ꞌicën.

Colosenses 1:2

Colosas ëmanuaxmi Cristomi sinani ami catamëti Nucën Papa Diosnan ꞌicë, cana ënë quirica mitsu buánmin. Nucën Papa Diosan mitsu nuibaquin upí oquin sinánxuncëxmi chuámarua bucucanti cana cuëënin.

Colosenses 1:20

Aín nuitu ꞌaisama ꞌaísha uni abë upꞌi ꞌitima ꞌaínbi ca Nucën Papa Dios cuëëncësabi oquin Cristonën i curúsocënu bamaquin ënë menu ꞌicë ñucama ꞌimainun naínu ꞌicë ñucamaribi an iscë́xa upí ꞌinun mëníocëxa.

Colosenses 3:15

Usa ꞌaíshmi ꞌitsa ꞌaíshbi achúshisaishi ꞌaish chuámashirua ꞌinun ca Nucën Papa Diosan mitsu ainan ꞌimiacëxa. Usa ꞌinúan an mitsu ꞌimicëx camina usai ꞌiti ꞌain. Usai ꞌiquin camina cuëënquin a —asábi ca —quixun cati ꞌain.

2 Tesalonicenses 1:2

Nucën Papa Diosbëtan Nucën ꞌIbu Jesucristonën nuibaquin chuámarua ꞌaíshmi bucunun mitsu ꞌaquinti cananuna cuëënin.

2 Tesalonicenses 3:16

Nucën ꞌIbu Jesucristo, an aín unicama bënëtima chuámarua ꞌinun ꞌimicë, anbia mitsúxribimi uisa ñu cara ꞌicëbëbi camabi nëtë chuámarua ꞌinun mitsu ꞌimiti cana cuëënin, axbi mitsubë ꞌiquin mitsu bërúanti cana cuëënin.

2 Timoteo 1:7

Ainan ꞌaíshnu racuë́ ꞌinun ca Nucën Papa Diosan nu ꞌimiama ꞌicën. An ca nu ainan ꞌimiacëxa, aín cushiñu ꞌixúnu nuibaquin unicama ꞌaquianan upí oquin sinánquin ñu ꞌanun.

Hebreos 13:20

Nucën Papa Dios, an aín unicama abë upí ꞌinun ꞌimicë, an ca Nucën ꞌIbu Jesucristo, an aín unicama bërúainracë, a bamacëbi baísquimiacëxa. An Jesús aín imi ꞌapati bamacë cupí nun ꞌuchacama tërë́nquin nux xënibua ꞌaínbi ainan ꞌinun ꞌimicë,

Hebreos 7:2

Usaquin cacëxun ca Abrahamnën an bëcë ñucama mësú Melquisedec ꞌináncëxa. Melquisedec quicë bana ax ca “upí ꞌapu ca ax ꞌicë” qui quicë bana ꞌicën. Melquisedec ax ca Salem cacë menu ꞌicë unibu aín ꞌapu ꞌiacëxa. Salem quicë bana ax ca “bëtsi unibubë ꞌacananima ca chuámarua bucuia” qui quicë bana ꞌicën. Usa ꞌain ca Melquisedec ꞌacánanti sináncëma ꞌapu ꞌiacëxa.

Apocalipsis 1:4

ꞌËx Juan ꞌixun cana Asia menu ꞌicë mëcën achúshi ꞌimainun rabë́ ëmanuax timë́cë axa Jesucristomi catamëcë unicama, mitsu ësaquin cain: Nucën Papa Dios axa usabi ꞌiá ꞌaish usabi ꞌicë, an nuibaquin ꞌaquincëxmi mitsux chuámarua bucuti cana cuëënin. Cuëëanan cana anua Nucën Papa Dios ꞌicë aín Bëru Ñunshin Upí anribi aín bana upí oquin cuanun ꞌaquianan, a bana quicësabi oi ꞌinun ꞌaquincëxmi mitsux chuámarua bucuti cuëënin.

Apocalipsis 2:10

Unían bëtsi bëtsi oquin ꞌatimocëxbi camina racuë́tima ꞌain. Ñunshin ꞌatimanën ꞌamicëxun ca raíri unin mitsu sipuati ꞌicën, caramina ꞌëmi sinánti ënti ꞌai quixun isnuxun. Mëcën rabë́ nëtën camina paë tani tëmërati ꞌain. Uisai cara ñu ꞌicëbëtanbi camina anúnmi mitsux bamati nëtë utámainun ꞌëmi sinánti ëntima ꞌain. Usaími ꞌia cana mitsu ꞌën nëtënuaxmi nëtë́timoi ꞌëbë cuëënun ꞌimiti ꞌain.

Apocalipsis 21:8

Usa ꞌaínbi ca racuë́quian an ꞌëmi sinánti ëncë unicama, ꞌimainun an ꞌëmi catamëcëma unicama, ꞌimainun an ñu ꞌatima ꞌacë unicama, ꞌimainun an uni ꞌacëcama, ꞌimainun aín xanuma ꞌicëbi bëtsi xanu cuëëncë unicama ꞌimainun aín bënëma ꞌicëbi bëtsi uni cuëëncë xanucama ꞌimainun ñu xëacë ñubë́ unicama ꞌimainun an Nucën Papa Diosmabi bëtsi ñu rabicë unicama ꞌimainun cëmë unicama, acamax anuaxa ꞌianëmëꞌëosa manë tsi azufrebë rëquirucë anu ꞌiti ꞌicën, anu bamatëcëncë ꞌaish chiquítimoi ꞌinux.