Juan 12:35 - Kashibo-Kakataibo Biblia

³⁵ Cacëxunbi ca Jesusan, ꞌëmi camina sinánti ꞌai quixun caquin ësaquin catëcëancëxa: —ꞌItsama nëtë́inshi ca an mitsu upí oquin sinánmiti, ax mitsubë ꞌiti ꞌicën. Usa ꞌain camina ax cuancëma pan ꞌain, an mitsu ꞌunánmicësabi oi ꞌiti ꞌain, ax cuancëbëmi usabi ꞌinun. A an ꞌunánmicëma uni, an ca uisai cara ꞌiti ꞌicë quixun ꞌunanima.

Nukën 'Ibu Diosan ain unikama 'inan ain bana

³⁵ Cacëxunbi ca Jesusan, 'ëmi camina sinánti 'ai quixun caquin ësaquin catëcëancëxa: —'Itsama nëtë́inshi ca an mitsu upí oquin sinánmiti, ax mitsubë 'iti 'icën. Usa 'ain camina ax cuancëma pan 'ain, an mitsu 'unánmicësabi oi 'iti 'ain, ax cuancëbëmi usabi 'inun. A an 'unánmicëma uni, an ca uisai cara 'iti 'icë quixun 'unanima.

Juan 12:35 ပူးပေါင်းရင်းမြစ်များ

Isaías 2:5

¡Usa ꞌain kamina ꞌën aintsi Israel unikama mitsun kuati ꞌain, Diosan nu ꞌunánmikësabi oi kananuna ami sinánishi tsóti achúshi tirítan nu pëkakësa ꞌinun añu karanuna ꞌati ꞌai kixun ꞌunánti ꞌain!

Jeremías 23:12

Usa ꞌain ka atun tsóti ax tëira ꞌaish bai bëánkibukë ꞌianan, anun nikëxa me tsëtsërui tuñukë usaribi ꞌikën: ꞌën kana bëtsin titikakëx pakëkësa usairibi ꞌinun atu ꞌimiti ꞌain usokin ꞌakin kana atun sinánkësokin ꞌanun ꞌamiti ꞌain. Uínsaran karana ꞌën atun ñu ꞌatima ꞌakëkama mënioin anun kana atun ñu ꞌatima ꞌakë, uisakin karana ꞌati ꞌai usakin ꞌati ꞌain. ꞌËx Dios ꞌaish, kana asérabi ësai kin.

Lucas 18:37

Ñucácëxun ca cacancëxa: —Nazaretnu ꞌicë uni, Jesús, ax ca uaxa, a cënë cuania.

Juan 11:10

An pëcacëa ꞌaíma ꞌain ca imë́ nitsi chacánan unin ñu mëëima. Usaribiquin cana ꞌëx anun bamati nëtëma pan ꞌain ñu ꞌati ꞌain.

Juan 11:9

Quixuan cacëxun ca Jesusan cacëxa: —Achushi nëtëx ca doce horas ꞌicën, ¿usa cat? Barían pëcarupuncëbë xabá ꞌain ca unin upí oquin isquin chacáquinma upí oquin ñu mëëia.

Juan 12:36

Usa ꞌain camina an mitsu upí oquin ꞌunánmiti, axa mitsubë ꞌaínshi, an ꞌacësaribi oquinmi mitsúnribi sinánun, aín bana ca asérabi ꞌicë quixun sinani ami catamëti ꞌain. Usaquin catancëx ca Jesús atun isnunma cuani nëtë́acëxa.

Juan 12:46

An aín sinan upíira ꞌixun uni upí ꞌimiti ꞌëx cana unicama ñu ꞌatima ꞌacë ꞌaíshbi sinanati ꞌëmi catamëti upí ꞌinun ꞌiminux uacën.

Juan 16:16

Ënu mitsubë ꞌitancëxbi nëtëtia camina ꞌë istima ꞌain. ꞌIxunbi camina ꞌitsama nëtë́inshi ꞌë istëcëncanti ꞌain. Anu Nucën Papa Dios ꞌicë anu cana cuanin.

Juan 7:33

Xucëxa cuancëbë ca anu ꞌicë unicama cai Jesús quiacëxa: —ꞌËora pain ënu mitsubë ꞌitancëx cana an ꞌë xuá anu cuanti ꞌain.

Juan 8:12

Usa ꞌain ca amiribishi Jesusan unicama cacëxa: —An aín sinan upíira ꞌixun uni upí ꞌimiti a cana ꞌëx ꞌain. Axa ꞌëmi catamëti ꞌëx cuëëncësabi oi ꞌicë uni ax ca ñu ꞌatima ꞌacëma ꞌianan aín sinan upí ꞌaish upiti tsotia.

2 Corintios 3:14

Israel unibunën ca uisashi oquin cara Nucën Papa Diosan atu upí ꞌimitisa tancëxunbi ꞌunánma ꞌicën. Usa ꞌaish ca bëmápucucësa ꞌiacëxa. Bërí nëtë́nribi ca a bana isquinbi cuatima. Cristomi catamëquin cuni ca unin, uisashi oquin cara Nucën Papa Diosan Moisés ꞌinan bana quicësabi oi ꞌinun aín unicama ꞌimiti ꞌicë quixun ꞌunánti ꞌicën.

Gálatas 6:10

Usa ꞌain cananuna axa nubë Jesucristomi catamëcë unicama ꞌaquinti ꞌain. ꞌAquianan cananuna ꞌaquinsa ꞌicë uni raíriribi camabi ꞌaquinti ꞌain.

Efesios 5:8

Bëráma Nucën Papa Diosan bana ꞌunáncëma ꞌaish unían bëánquibucënuxun ñu ꞌatima ꞌacësa ꞌiá ꞌixúnbi camina bërí Nucën ꞌIbu Jesucristonan ꞌixun ax cuëëncësabi oquin ñu upíshi ꞌain. Usa ꞌaish camina bërí xabánu nicësa ꞌiti ꞌain.