Juan 12:28 - Kashibo-Kakataibo Biblia

²⁸ Papan, unicaman mix cuëëncësa oquin mi rabinun ca uisashi cara, ꞌë ocancëxbi asábi ꞌiti ꞌicën. Cacëxun ca naínuax banaquin aín Papan cacëxa: —Atúan ꞌë rabinun cana mëníocën, mënío ꞌixun cana ꞌëa rabinun sinánmitëcënti ꞌain.

Nukën 'Ibu Diosan ain unikama 'inan ain bana

²⁸ Papan, unicaman mix cuëëncësa oquin mi rabinun ca uisashi cara, 'ë ocancëxbi asábi 'iti 'icën. Cacëxun ca naínuax banaquin aín Papan cacëxa: —Atúan 'ë rabinun cana mëníocën, mënío 'ixun cana 'ëa rabinun sinánmitëcënti 'ain.

Juan 12:28 ပူးပေါင်းရင်းမြစ်များ

Mateo 11:25

Catancëxun ca Jesusan Nucën Papa Dios cacëxa: —ꞌËn Papa Dios, mixmi naí ꞌimainun menu ꞌicë ñucaman ꞌIbu ꞌicë cana mi rabin. Ami uni ꞌunánmiti ñu a camina an ñu ꞌunáncë unicama ꞌunánmiquinma an ñu ꞌunáinracëma unicama ꞌunánmian. Usaquinmi ꞌacë cupí cana mi rabin. Usaquin ꞌati camina mix cuëëan.

Mateo 11:26

—Ñu ꞌunánma ca —quixuan unin sináncë unicaman min ꞌimicëxun ꞌën bana cuati camina cuëëan.

Mateo 17:5

Usaquian Pedronën cacëbëtainshi ca acama cuin pëquicësanën tupë́oncëxa. Usocëxun ca Pedro, Jacobo, Juan acaman nëtë cuin mëucüaxa ësai banaia cuacëxa: —Ënëx ca ꞌëx amiira sinani cuëëncë, ꞌën bacë bëchicë ꞌicën. Aín bana ca cuacan.

Mateo 26:42

Usaquin cabiani cuantëcënxun ca Jesusan Nucën Papa Diosbë banatëcënquin ësaquin catëcëancëxa: —ꞌËn Papa Dios, mixmi ꞌën bërí paë tantima cuëëncëbëma cana mix cuëëncësabi oi ꞌiti ꞌain.

Mateo 3:17

Usai ꞌicëbëtan ca Jesusan naínuaxa banaia cuacëxa, ësai qui: “Ënëx ca ꞌëx amiira sináncë bacë bëchicë ꞌicën. Ami sinani cana chuámarua tani cuëënin”.

Marcos 1:11

Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Marcos 14:36

—Papan, min ꞌaisama ñu ca ꞌaíma ꞌicën. ꞌËn usoquin paë tanun ꞌë ꞌimixunma ca ꞌat. Usa ꞌaínbi cana ꞌëx cuëëncësa oi ꞌitima ꞌain, mix cuëëncësa oishi cana ꞌiti ꞌain.

Marcos 9:7

Usaquian Pedronën cacëbëtainshia cuinan atu tupë́oncëxun ca Pedro, Jacobo, Juan, acaman cuin mëucüaxa ësai banaia cuacëxa: —Ënëx ca ꞌëx amiira sináncë, ꞌën bacë bëchicë ꞌicën. Aín bana ca cuacan.

Lucas 3:22

Usacëbë ca Nucën Papa Diosan Bëru Ñunshin Upí numacuru iscësa ꞌaish uax anu ꞌiruacëxa. Usaía ꞌicëbëtan ca Jesusan naínuaxa banaia cuacëxa, ësai qui: —Mix camina ꞌëx amiira sináncë bacë bëchicë ꞌain. Mimi sinani cana chuámarua tani cuëënin.

Lucas 9:35

Racuë́quin ca cuín mëucüaxa ësai banaia cuacëxa: —Ënëx ca ꞌën nuibacë bacë bëchicë ꞌicën. Aín bana ca cuacan.

Juan 11:4

Xucëx cuanxuan unin cacëx ca Jesús quiacëxa: —Ca ꞌinsíanxa ꞌaíshbi ca bamatima ꞌicën. Unían uisaira cara Nucën Papa Diosan cushi ꞌicë quixun ꞌunánan, uisaira cara aín Bëchicënën cushiribi ꞌicë quixun ꞌunánun ca a uni ꞌinsíanxa.

Juan 18:11

Usoiabi ca Jesusan Pedro cacëxa: —Min manë xëtocë a ca aín xacánu ꞌarutëcën. ꞌËx ënë unicaman bicëx ꞌaisamaira tëmërati ꞌën Papa cuëëncëbë cana usai ꞌiti ꞌain.

Juan 9:3

Quixuan cacëxun ca Jesusan cacëxa: —Bëxuñu ca ax ꞌicën. ꞌAíshbi ca aín ꞌucha cupía ꞌicëma ꞌicën, ꞌimainun ca aín tita, aín papan ꞌucha cupíribia ꞌicëma ꞌicën. Nucën Papa Diosan ñu ꞌaia unin isnun ca ax bëxuñu ꞌicën.

Efesios 2:7

Jesucristonan ꞌaíshnu usai ꞌicë isquían camabi unin uisaira oquin cara an nu nuibatia quixun nëtë xënibucëbëtanbi isnun ca Nucën Papa Diosan usaínu ꞌinun mëníocëxa.

Efesios 3:10

Axa ami catamëcë unicamaxa an ꞌimicëx upí isquian naínu ꞌicë ángelcama, aín cushicamanribi uisaira cushiñu ꞌianan uisaira sinánñu cara ax ꞌicë upí oquin ꞌunánun ca Nucën Papa Diosan aín unicama usai ꞌinun mëníocëxa.

Efesios 3:21

Usa ꞌicë ca Cristo Jesús cupí aín unicaman xënibua ꞌaínbi a rabiti ꞌicën. Usaquin ca ꞌati ꞌicën.

2 Pedro 1:17

Usaquin iscë ꞌixun cananuna camabi unin ꞌunánuan, a ñui, Nucën Papa Dios ësai quia cuacën: “Ënëx ca ꞌën nuibairacë ꞌën Bacë Bëchicë ꞌicën, a cupí cana chuáma tani cuëënin” —quiax.