Juan 1:11 - Kashibo-Kakataibo Biblia

¹¹ Ënë nëtënu ꞌicë unicaman ca an unio ꞌixunbi, atubë ꞌinúxa ucëbi biisama tancëxa.

Nukën 'Ibu Diosan ain unikama 'inan ain bana

¹¹ Ënë nëtënu 'icë unicaman ca an unio 'ixunbi, atubë 'inúxa ucëbi biisama tancëxa.

Juan 1:11 ပူးပေါင်းရင်းမြစ်များ

Mateo 15:24

Usaquian cacëxun ca Jesusan xanu cacëxa: —Judíosma unibuma, judíos unicamaishi ami sinanaminun ca ꞌën Papa Diosan ꞌë caxa. Axa ꞌura cuancëa ꞌaracacë ñuina aín ꞌibun bëtëcëncësaribi oquin judíos unibu ami sinánun quixun canun ca Nucën Papa Diosan ꞌë caxa.

Lucas 19:14

Usaquin catancëxa cuanbi ca a menu ꞌicë unicama ami nishcë ꞌixun, —a uni cananuna nun ꞌapu ꞌiti cuëënima —quixuan ꞌapu catánun quixun uni xuquin camiaxa.

Juan 1:10

An aín sinan upíira ꞌixun uni upí ꞌimiti ax ca ënë menu ꞌiacëxa. Usa ꞌixun an Nucën Papa Diosbëtan camabi me ꞌimainun camabi ñucama unio ꞌicëbi ca unicaman, ui cara ax ꞌicë quixun ꞌunánma ꞌicën.

Juan 1:12

Usa ꞌixunbi ca uicamax cara ami sinánan ami catamëtia, acama Nucën Papa Diosan bëchicëa ꞌinun ꞌimiacëxa.

Juan 19:27

Canan ca aín ꞌunánmicë uni aribi cacëxa: —Ca is, ax ca min tita ꞌiti ꞌicë —quixun. Usoquian Jesusan cacësabi oquin ca an María aín xubunu ꞌinun buáncëxa.

Juan 3:32

An ca an iscë ñucama ñuianan, an cuacë banacamaribi ñuia, ñuiabi ca uinu ꞌicë unínbi aín bana ca asérabi ꞌicë quixun sinanima.

Hechos 13:26

ꞌËn xucë́antu, mitsúxmi Abrahamnën rëbúnqui ꞌaish raírinëx an Nucën Papa Diosan bana sináncë ꞌicë cana mitsu cain, Jesucristomi catamëti ca uni aín ꞌucha tërë́ncë ꞌaish Nucën Papa Diosnan ꞌiti ꞌicë quiáxa quicë bana, ënëx ca mitsúnribimi cuati ꞌicën.

Hechos 13:46

Usa ꞌain ca Pablobëtan Bernabénën racuë́quinma atu cacëxa: —Nun nu judíos uni ꞌicë mitsu pain Nucën Papa Diosan bana ñuixuncëxbi camina ꞌiti ꞌaíshbi ainan ꞌiisama tanquin aín bana cuaisama tancanin. Usa ꞌain cananuna judíosma unicama Jesús ñuiquin bana ñuixuni cuanti ꞌain.

Hechos 21:6

Usai ꞌitancëxun atubë ꞌicucananquin —cuanmainun ca bërúanx ꞌican —quixun atu cai cananuna manë nuntinu ꞌiruacën. ꞌIrucëbë ca a unicamax aín ꞌicënu cuantëcëancëxa.

Romanos 15:8

ꞌËn cana mitsu cain, Cristo ax ca Nucën Papa Diosan atun raracama cásabi oquin ënë menu judíos unibu ꞌaquini uacëxa, judíos unicaman Nucën Papa Diosan ca aín quicësabi oquin ꞌaia quixun ꞌunánun.

Romanos 9:1

Cristonan ꞌixun cana cëmëquinma ënë banaribi mitsu cain. Nucën Papa Diosan Bëru Ñunshin Upitan ꞌë ꞌunánmicëxun cana ꞌën nuitu mëu ꞌunanin, ꞌën mitsu bërí caisa tancë bana ënëx ca asérabi ꞌicë quixun.

Romanos 9:5

Israel unicamax ca Abraham ꞌimainun Isaac ꞌimainun Jacob, Israelribi cacë, acaman rëbúnqui ꞌicën. Uni ꞌaish ca Cristonën ꞌunánpaparibi Israelnën rëbúnqui ꞌiacëxa. Ax Diosribi ꞌaish ca camabi uni, camabi ñun ꞌibu ꞌianan ángelcaman ꞌiburibi ꞌicën. A ca camabi unin xënibua ꞌaínbi rabiti ꞌicën. Usai ca ꞌiti ꞌicën.

Gálatas 4:4

Usa ꞌaínbi ca aín uti nëtë sënë́ncëbëtan Nucën Papa Diosan aín Bëchicë ënë nëtënu xuacëxa. Achúshi xanúxa bacë́ncëx canitancëx ca judíos unicama ꞌicësaribiti Moisésnën cuënëo bana, usaía judíos unicama ꞌiti, a ꞌunáncë ꞌiacëxa.