Josué 6:3 - Kashibo-Kakataibo Biblia

³ Usa ꞌain ka Israel suntárukamax achúshi nëtën nëtën achúshitishi mapai achúshi ꞌimainun achúshi nëtë sënë́mi, Jericó ëma kaxú kuainakëti mañati ꞌikën.

Josué 6:3 ပူးပေါင်းရင်းမြစ်များ

Números 14:9

Usa ꞌain kananuna nun Nukën ꞌIbumi ꞌatimakin ñui, a menu ꞌikë unikamami uakamë iëoia rakuë́tima ꞌain, akamax ka nux ami rakuë́tisama ꞌikën; ꞌianan ka an atu ꞌakinti ꞌaíma ꞌikën, nux kananuna an nu ꞌakinti Nukën ꞌIbubë ꞌain. ¡Usa ꞌain kamina rakuë́tima ꞌikanin!

2 Corintios 4:7

Nun cushínbi ꞌatsínxunmabi cananuna an ꞌamicëxuinshi ax cuëëncësabi oquin ꞌati ꞌai quixuan unicaman ꞌunánun ca Jesucristo cupí Nucën Papa Diosan nux abë upí ꞌixúnu aín cushínbi ñu ꞌanun nu ꞌimia.

Josué 6:11

Usakian Josuénën ꞌamikëxun ka achúshi okin ëma ratanarakin bunántisa okin akë Nukën ꞌIbunan a buánkëxa. Usakin buanx utëkëntankëx ka anu achúshi imë́ inúmi ꞌikankëxa.

Josué 6:14

Usai ꞌiónxa pëkaran ka amiribishi rikiantëkëanx ëma ꞌuri amiribishi mañarakëakëxa. Usai ka mapai achúshi ꞌimainun achúshi nëtë inúmi ꞌikankëxa.

Josué 6:2

Usokin ꞌakë ꞌain ka Nukën ꞌIbun Josué kakëxa: ꞌËn kana Jericó ëmanu ꞌikë ꞌapu, aín suntárukama këñunbi ꞌanun mi ꞌamiti ꞌain.

Josué 6:4

Usai ꞌikëbë ka mapai achúshi ꞌimainun rabë́ sacerdotekama atúnribi bunántisa okin ꞌakë, kurin ratakakakë anua Diosan bana kuënëokë ꞌarukë a buani kuankin achúshi achúshi unin a banoti ꞌakë carnero manchan, buámainun ka mapai achúshi ꞌimainun rabë́ nëtë sënë́nkëbë ëma ratanarati mapai achúshi ꞌimainun rabë́ oí kuainakëti ꞌikën, usaía ꞌimainun ka sacerdotekaman aín carnero manchan a banoti ꞌikën.

Josué 6:7

Usakin katankëxun ka Josuénën a ëmanu ꞌikë uni kamarairi kakëxa: Mitsux kamina ëma ratanarati kuainakëti kuanti ꞌain. Kuamainun ka axa ꞌakanantishi suntárukama ax bunántisa okin ꞌakë kurin ratakakakë a rëkuënmibiani kuanti ꞌain.