Josué 6:27 - Kashibo-Kakataibo Biblia

²⁷ Usokin Nukën ꞌIbun ꞌakinkëxua Josuénën ñu ꞌaia ka ax ka kushiira uni ꞌikë kixun unin ñuia kamabi menu ꞌikë unin kuakëxa.

Josué 6:27 ပူးပေါင်းရင်းမြစ်များ

Génesis 39:21

Usakin José sipuakë ꞌaínbi ka Nukën ꞌIbu abë ꞌixun bërúankin ꞌakiankëxa, ꞌakinkëx ka upí nuituñu ꞌiakëxa, usa ꞌikë ka an sipu bërúankë aín kushi an ꞌunánkëxa,

2 Samuel 7:9

ꞌimixun kana uinu kara kuania anubi abë ꞌixun bërúan. Bërúanan kana kamabi ami nishkë unikama këñukin ꞌanun ꞌamia, ꞌamianan kana usakin ñu chaiira ꞌaia iskian, ënë menu ꞌikë an ñu upíokin ꞌakë ꞌapukama ꞌakësaribi okin, nuibanan an ñu ꞌaia isi kuëënun ꞌimian.

Mateo 14:1

Usa ꞌain ca unicaman Jesús ñuiquin chanioia Galileanu ꞌicë unicaman ꞌapu, Herodes, an cuacëxa.

Mateo 28:20

Nashimianan camina ꞌën mitsu ñuixuncë banacama ꞌunánmiquin a banacama quicësabi oquin ꞌanun quixun atu ꞌunánmiti ꞌain. Usaquin ꞌaquin camina ꞌunánti ꞌain, ꞌëx cana camabi nëtën usaquin ꞌacë ꞌën unicamabë ꞌain, ꞌëx utëcënti nëtë sënë́ntamainun. Ashi.

Mateo 4:24

Usoquian ꞌaia Jesús chanioia cuaquin ca Siria nëtënu ꞌicë unicaman axa ñucëcama Jesusan pëxcunun quixun anu buáncancëxa. Bëtsi bëtsi ñucëcama ꞌimainun ñunshin ꞌatimanën ꞌibuacë unicama ꞌimainun uni ñucë nirucuainquinbi tancëma, ꞌimainun aín nami nimëti saquiquicë acama anu buáncëxun ca Jesusan pëxcüacëxa.

2 Corintios 13:14

Mitsux ꞌuchacëbi Nucën ꞌIbu Jesucristonën nuibaquin ië́micë ꞌicëa Nucën Papa Diosanribi nuibamainuan aín Bëru Ñunshin Upí axribi mitsubë ꞌicëbëmi chuámarua bucucanti cana cuëënin. Ashi, Pablo.

Deuteronomio 31:6

Mitsux kamina kushi sinánñubu ꞌaish rakuë́ ꞌitima ꞌain; usai ꞌikamina atubë ꞌakanankin ꞌai atumi rakuë́tima ꞌain, usakin ꞌaia ka Diosan ënkinma abi atu ꞌanun mitsu ꞌakinti ꞌikën.

2 Timoteo 4:17

Acaman ëniabia Nucën ꞌIbu Jesucristonën ꞌaquinia ca a ꞌapun ꞌë uisabi ocëma ꞌicën. Usoquin ca ꞌinúan nëëcënëan piisa tancëxbia ñuina abácësaribi oquin, unin ꞌaisa taniabi Nucën ꞌIbu Jesucristonën ꞌë ië́miaxa. Usoquian ië́mitancëxun cushiocëxun cana aín bana ñuitëcëan, judíosma unicamánbia cuanun.

2 Timoteo 4:22

Mibë ꞌixuan Nucën ꞌIbu Jesucristonën mi cushiomainuan Nucën Papa Diosan mibë ꞌicëcamacëñun mi nuibaquin ꞌaquincëx camina bërúanx ꞌiti ꞌain. Ashi, Pablo.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.

1 Samuel 18:14

Usa ꞌain ka Nukën ꞌIbun ꞌakinkëbë kamabi Davidtan ꞌakë ñukama asábi ꞌiakëxa.

1 Samuel 2:30

Usa ꞌain ka Israel unibunën Dios an mi ꞌimainun min aintsi aín ñu mëëti ꞌaxúnun ꞌinánkë ax bërí kiaxa: Uinsaranbi kana atun ësokin, ꞌë ñu ꞌaxúnun ꞌamitima ꞌain, ꞌakinma kana an ꞌë nuibakë aribi nuibati ꞌain, ꞌanan kana ꞌëmi kuaikin ñu ꞌakë a nuibatima ꞌain. ꞌËx min ꞌIbuira ꞌaish kana ësai kin.