Josué 6:25 - Kashibo-Kakataibo Biblia

²⁵ ꞌAínbi ka Josuénën Rahab ꞌimainun aín aintsikamainshi, Jericó ëma ñachatanun xukëx kuankë uni rabë́ ꞌakatsikixun barikaniabi unëkë a kupín uisabi okima biakëxa. Usa ꞌain ka Rahabnën rëbúnkikamax israel unikamabë upitax tsóakëxa.

Josué 6:25 ပူးပေါင်းရင်းမြစ်များ

Mateo 1:5

Salmón ax ca Booznën papa ꞌiacëxa, Rahab aín tita ꞌimainun. Booz ax ca Obednën papa ꞌiacëxa, Rut aín tita ꞌimainun. Obed ax ca Isaínën papa ꞌiacëxa.

Hechos 2:21

Usai ꞌicëbë ca uinu ꞌicë unicaman cara aín ꞌIbu Dios ꞌë ñucatia, acamax ca ꞌënan ꞌinux ië́cë ꞌinuxun ꞌaia. Usai ca Joelnën cuënëo bana quia.

Hebreos 11:31

A cënë rurucubúcëbëa anu ꞌicë unicama an Nucën Papa Diosan bana cuacëma ꞌaish cëñúmainun ca ꞌatima xanu Rahab cacë, axëshi ꞌiacëacëxa, an Nucën Papa Diosmi sinánquin judíos unibunën xucë uni rabë́ ꞌaquincë cupí.

Santiago 2:25

Usaribi oquin ca Rahab cacë xanu ax ꞌaisama ꞌixunbia Israel uni rabë́ Jericó ëmanu ꞌicë unicaman ꞌatin rabanan, aín xubunu unëxun bëtsi bain cuantánun xucë, a cupí Nucën Papa Diosan upí isacëxa.

Josué 2:1

Achúshi nëtën ka anua Israel unikama bukukë Sitim kakë anuxun rabë́ uni Josuénën unë́kianxuan istánun xuakëxa: Xukin ka kakëxa anu kuanxun kamina Canaán kakë me ñachanan anua ꞌikë Jericó ëma a isikuanti ꞌain. Usakin kakëx ka a uni rabë́ kuantankëx bëtsi bëtsi unin ꞌain nami ꞌakë xanu Jericó ëmanu ꞌikë Rahab aín xubunu ñantan ꞌuxi bërúakëxa.

Josué 2:18

ꞌAínbi kamina nux ënë menu bëbai ukëbëtainshi, itsi achúshi xónsa anun nux ꞌibúkë ënë min xubu xëkuë chukúma ënu bënë́kinshi bëntanti ꞌain. Usakin ꞌanan kamina min xubunu min papa min tita ꞌimainun min xukë́n min rarëbakëkama ꞌimainun min papan aintsikamaribi bënë́kinshi timëti ꞌain.

Josué 2:4

ꞌAínbi ka a xanun a rabë́ atux ukëmapan ꞌaínshi unëxun ësokin kakëxa: —Asérabi ka a unikamax ꞌën xubunu uaxa, usai ukëbi kana uinu ꞌikë unira kara ꞌën ꞌunánkëma ꞌain.

Josué 2:6

A xanunbi ka aín xubu manámi buánxun anua xapusa lino kakë barionti tsamankë a mëu unëkë ꞌiakëxa.

Josué 4:9

ꞌAmainun ka Josuénënribi mapai rabë́ ꞌimainun rabë́ maxáx bixun anua sacerdotekamax bunántisa okin ꞌakë kurin ratakakakë anua Diosan bana usai ꞌiti ꞌarukë a ꞌiax baka ëskikë nëbë́tsi sëtë́kë anubi bukunrukin nankëxa. A maxákama ka bëríbi anu ꞌikë kixun ñuikin atun aintsikama ñuixunkankëxa.