Josué 6:21 - Kashibo-Kakataibo Biblia

²¹ Usokin ꞌakinshi ka aín manë xëtokën anu ikë unikama, xanu, uni bënábu, këñunbi uni apan akamabi këñukin ꞌanan atun ꞌarakakë ñuinakama oveja, burro akamaribi këñukin ꞌakëxa. ꞌAkin ka ñuñuma ꞌitánun kamabi këñuakëxa.

Josué 6:21 ပူးပေါင်းရင်းမြစ်များ

Deuteronomio 7:16

Usa ꞌain kamina mitsun bëtsi menu ꞌikë unikama Diosan ꞌanun ꞌamikëxun ꞌakin; nuibakinma këñuanan atún diosmabi rabikë a rabitima ꞌain, usakin ꞌakin a rabi kamina mitsúxbi këñuti ꞌain.

Apocalipsis 18:21

Usai a unicamax quicëbëtan ca anun ñu bacati cushiñu ángel achúshinën maxax chaira, anun ñu rënti maxáxsa, a biquin parúnpapanu niaxa. Ni ca quiaxa: —A maxax istëcëntimoquin nicë usaribi ca Babilonia, a ëma chaira, ꞌimainun anu ꞌicë unicamaxribi unin a istëcëntimoquin cëñucë ꞌiti ꞌicën.

1 Samuel 15:3

Usa ꞌain kamina, min suntárukama buani kuantankëxun; atu ꞌakin añu ñuñu kara atux ꞌikë akamabi masókin ꞌanan atu nuibakinma kamabi uni ꞌimainun xanukamaribi ꞌanan tuá bërunankë akama ꞌanan bëría bakënkë akamabi ꞌati ꞌain, ꞌanan kamina vaca bënë atun oveja camello ꞌimainun atun burrokama këñukin ꞌati ꞌain.

1 Samuel 15:8

ꞌakin ka atun ꞌapu Agag kakë ashi ñatankankëxa, ñatanan ka atun manë xëtokën aín suntárukama ꞌakankëxa.