Josué 6:1 - Kashibo-Kakataibo Biblia

¹ Usa ꞌain ka anun Jericó ëmanu atsínti xëpúti upíokin xëpukë ꞌain anu tsókë unikamax uíxbi atsinima ꞌimainun chikíamabi ꞌikën Israel unibumi rakuë́kin upíokin xëpukë ꞌain.

Josué 6:1 ပူးပေါင်းရင်းမြစ်များ

2 Reyes 2:4

Ësokin unikaman kaia ka Elíasnën Eliseo kakëxa: —Ënushi kamina mix bërúti ꞌain, Diosan ka Jericó kakë ëmanu ꞌë xutia. Ësokin kakëxunbi ka Eliseonën kakëxa: —Ësokin kana Diosan kuamainun kanan minbi mi sinántiokin mi kain, ꞌën kana mishimi kuantanun mi ënima. Ësai kanankiani ka a rabëtaxbi Jericó ëmanuribi kuankëxa.

Salmos 127:1

Nukën ꞌIbun xubu ꞌakëbëma ka an ꞌakë unikama an tëkëbi ñankanbi tëkë ꞌiti ꞌikën; Diosan ëma bërúankëbëma ka ñankáishibia an bërúankë unikaman bërúankë ꞌiti ꞌikën.

Josué 2:1

Achúshi nëtën ka anua Israel unikama bukukë Sitim kakë anuxun rabë́ uni Josuénën unë́kianxuan istánun xuakëxa: Xukin ka kakëxa anu kuanxun kamina Canaán kakë me ñachanan anua ꞌikë Jericó ëma a isikuanti ꞌain. Usakin kakëx ka a uni rabë́ kuantankëx bëtsi bëtsi unin ꞌain nami ꞌakë xanu Jericó ëmanu ꞌikë Rahab aín xubunu ñantan ꞌuxi bërúakëxa.

Josué 2:24

Ësokin kakëxa: Nukën ꞌIbu ka asérabi a mekama binun nu ꞌakinti ꞌikën. Usa ꞌain ka a menu ꞌikë unikama ꞌitsaira numi rakuë́tia.

Josué 2:7

Usakian kakëxëshi ka ꞌapun suntárukama ax unikama me ñachai ukë ax isa anun kuanxa kixuan xubu ꞌibu an paránkin kakëx Jordán kakë baka, ami kikiani kuani anunribi anunribia uni sikarakëkë anubi bëbakin nuiakëxa. Usokin nui kuania suntárukama ax chikikiankëma ꞌaínshi an xëputi bëruankë unikama a ëmanu anun atsínti xëputi xëpúakëxa.

Josué 5:15

Kakëxun ka Nukën ꞌIbun suntárunën ꞌapun kakëxa: —Min taxaka kamina ëchiti ꞌain, anumi nikë me ënëx ka bëtsi me kamasama upíira ꞌaish Diosnan ꞌikë kixun kakëxa. Kakëxun ka Josuénën aín banatankin an kakësabiokin ꞌakëxa.

Josué 6:2

Usokin ꞌakë ꞌain ka Nukën ꞌIbun Josué kakëxa: ꞌËn kana Jericó ëmanu ꞌikë ꞌapu, aín suntárukama këñunbi ꞌanun mi ꞌamiti ꞌain.