Josué 5:9 - Kashibo-Kakataibo Biblia

⁹ Anuxun ka Nukën ꞌIbun Josué kakëxa: ꞌËsokin aín nëtokë ñu rëbu aín maxaka tëakë ënën ka egipcio unibunën aín menuxun ñu mëia tëmëra a sinani katë́kë a ëmiti ꞌikën. Usakin anuxun ꞌaxun Guilgal kakin anëa ꞌaish ka a me usakinbi anëkë ꞌikën.

Josué 5:9 ပူးပေါင်းရင်းမြစ်များ

Génesis 34:14

ësokin kakëxa: —Nun kananuna nun chirabakë aín nëtokë ñu aín maxaka a tëakëma uni ꞌinanima ax ka achúshi rabin nunan ꞌikën.

2 Samuel 19:15

Usakin kamikëx kuanxua kakëx ka ꞌapu amiribishi kuantëkënkin abëa ꞌikë unikamabë kuani Jordán kakë bakanu bëbai kuankëxa. Usai kuanmainun ka Judánu ꞌikë unikama atúxribi Guigal ëma anuxun aia bianan, Jordán kakë baka sikatia ꞌakini kuankankëxa.

Oseas 4:15

Israel unikama mitsux kamina bëtsi bëtsi ñuira ꞌakë ꞌain, ꞌaínbi ka Judánu ꞌikë unikama atun kuni usakin ꞌai ꞌuchatima ꞌikën. ¡Usa ꞌain kamina Guilgalnu kuankantima ꞌain, ꞌianan kamina Bet-avén anuribi kuarutima ꞌain, ꞌianan kamina sinanatëkëntima oi ꞌën anë ñui banatima ꞌain!

Amós 5:5

Betel kakë anu kuanxma ꞌianan kamina, Guilgal kakë anu ꞌikë anuribi kuankantima ꞌain usai ꞌi kamina Beerseba anu ꞌikë anunribi inútima ꞌain, Guilgalnu ꞌikë unikama ka ñatanbiankin uankë ꞌiti ꞌikën, ꞌimainun ka Betel ax uniñuma ñankáishi bërúti ꞌikën.”

Miqueas 6:5

ꞌËn unikama bërí kamina sinánkanti ꞌain uisakin kara Balac Moabnu ꞌikë ꞌapu an sinánkëxa kixun, ꞌimainun kara Balaam Beornën bakë bëchikë an uisakin ribi a kamiakëxa kixun. ꞌImainun kamina Sitimnuax, Guilgalnu kuania kara Diosan mitsun ꞌunánun uisokëxa kixun aribi sinánkanti ꞌain.

Josué 24:14

—Ësokian kamabi ñu an a kupín kamina mitsun Nukën ꞌIbu asérabira ami sinánkin rabiti ꞌain. Rabikin kamina mitsun chaitiokëkaman Éufrates kakë baka kuëbí tsókin rabianan Egipto menuxun rabia dios a ënkin Nukën ꞌIbuira ashi rabiti ꞌain.

Josué 4:19

A nëtë́an Israel unibu Jordán kakë baka anun sikarakëkë anun ka mapai rabë́ nëtë ꞌianan achúshi ꞌuxë ꞌirutabakë anun ka Guilgal kakë anu nukúkankëxa ax ka amiaxa bari urukë Jericó kakë ëma ꞌurama ꞌiakëxa.

Josué 5:8

Usakian aín nëtokëñu rëbu aín maxaka tëakin sënë́onkëx ka anua ꞌikankë anuaxpain pëxkúti anu pain ꞌikankëxa.

1 Samuel 14:6

Anuxun ka Jonatánnën abëa kuankë aín uni kakëxa: —ꞌUkëmanan kananuna kuanti ꞌain, uinua karanuna uni ꞌaisama kamanuaxa ukë suntárukama a mërai anuishi kananuna bërúti ꞌain. Nux anun ꞌakamati ñu ka ꞌaíma ꞌikën, usa ꞌain ka Nukën ꞌIbun ꞌitsa unibëtanmabi, ꞌitsamara ꞌixunbi ꞌanun nu ꞌamiti ꞌikën.

1 Samuel 17:26

Usa ꞌain ka Davidnën usai kia kuakëma ꞌixun a rapasu ꞌikë suntárukama ñukákëxa: —¿Añu kara an filisteo uni axa Israelkama ꞌakatsikiax xuamati banakë a nëtë́tanun ꞌaia an ꞌakë uni a ꞌinánti ꞌik? ¿Ax añuira ꞌixun kara a filisteo uni upíma ꞌixun an Diosan kaískë unikama usokin ꞌakatsikixun ñuiti ꞌik?

1 Samuel 17:36

Usokin kana ꞌën paru ꞌinúan ꞌananbi xaëón an mi ñu mëëxunti ënën rëtëkë ꞌikën. Usaribi okin kana filisteo uni an bëtsi ñu rabikë a ꞌati ꞌain, usa ꞌaínbi ka an Diosan kaískë unikama ꞌakatsikiax ami banaia.

1 Samuel 7:16

usa ꞌaish ka baritia tibi Betel ëmanu kuanan, Guilgal ꞌimainun Mispá kakë ëma anuribi kuankin uisai kara Israel kama ꞌia isanan atux anua tsókë ëmakamanu kuankin bana ñuixuni niakëxa.