Josué 5:6 - Kashibo-Kakataibo Biblia

⁶ Usai kuani ka anu uni ꞌikëma menu, cuarenta baritia ꞌimi nitsi axa Egipto menuax chikíkiani kuankë unikama maëakëxa. A unikaman ka Nukën ꞌIbun kakësabiokin ñu ꞌaisama tankëxa, usa ꞌikë ka an sinanatëkëntima okin atu ësokin kakëxa, mitsux kamina a me ꞌinánnuxun ꞌën min chaitiokëkama ka anua ꞌaisamaira a piti ñu ꞌimainun a xëati ñu ꞌitsaira ꞌikë a menu kuantima ꞌain.

Josué 5:6 ပူးပေါင်းရင်းမြစ်များ

Salmos 107:4

Nun xutakamax ka me ꞌunánxma bënuax ꞌikësai anu uni ꞌikëma masiñu me anun nikinbi, anun ëma achúshi anu tsónux kuanti bai mëraimabi niakëxa;

Éxodo 3:17

ꞌImainun ka ësokinribi ꞌë kaxa, an isa Egipto me anuaxmi tëmërakankë ënua mitsu chikínbiankin anua cananeos, hititas, amorreos, ferezeos, heveos ꞌimainun jebuseos; unikama ꞌikë me anu mitsu buánti ꞌikën, ax ka me achúshi anua ñuinanën xumañukama a ꞌimainun a piti ñu ꞌitsaira ꞌianan ñu ꞌaisamaira ꞌikë a ꞌikën.

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Jeremías 2:2

Anu kuanxun kamina Jerusalén ëmanua ꞌikë unikama; munuma kuëníshkin upíokian kuanun kati ꞌain: ¡Ësakin mitsu kanun ka Nukën ꞌIbu kiaxa! ꞌËn kana bëná pain ꞌixunmi ꞌën kakësabiokin ꞌá a sinanin, usa ꞌixun kamina an biti unían mëratiokëxun xanun nuikësa ꞌinun mitsun ꞌë nuibakën, ꞌimainun kamina anu uni ꞌikëma me anu ñu ꞌapátisama anuxunbi ꞌë ꞌakiankën.

Joel 3:18

Usa ꞌain ka a nëtë ꞌikëbëtan Diosan ñukama sënë́onkë ꞌain, a menu piti ñu ꞌimainun a xëati ñukama ꞌitsaira ꞌaish aín bashikama ꞌimainun me sapankama anua ꞌumpax iskësaira ꞌiti ꞌikën. ꞌImainun ka Judá menu ꞌikë xëxákama ax ꞌitsaira ꞌumpaxñu ꞌiti ꞌikën. ꞌImainun ka anuxun ꞌë rabiti xubu anuax achúshi xëxá upíira chikíkin ka Sitim kakë me a chabóti ꞌikën.

Números 14:23

a unikama achúshinëxi ka ꞌën a ꞌinánuxun aín chaitiokëkama ka me anu kuantima ꞌikën. ꞌImainun ka ui unikamax kara ꞌën ñu ꞌaia isíbi ꞌëmi ꞌatimati banaxa ax ka anu tsóti kuantima ꞌikën.

Deuteronomio 1:3

Treinta ꞌimainun nueve baritia ꞌitankëxa cuarenta baritia ꞌirukë anua atux nitsi në́a a sënë́nkëbëa mapai rabë́ ꞌimainun achúshi ꞌuxë ꞌirutabakëbëtan ka Israel unikama kakëxa, Moisésnën ka ënë banakama kaisama pain ꞌixun abë ꞌakanankin Sihón kakë amorreo unikaman ꞌapu axa Hesbón menu tsókë a ꞌimainun, Og kakë axa Bazán menu ꞌianan Astarot kakë ëmanu tsókë ax ka Edrei kakë me anu ꞌiakëxa. Usa ꞌikë ka Moisésnën Israel unikama Nukën ꞌIbu usai atux ꞌitia kanun kakë a banakama kakëxa.

Deuteronomio 8:4

Usai pain cuarenta baritia ꞌimi nikëbëbi ka atun chupabi këñutima ꞌianan ꞌitsaira nikëbëbi atun taëbi ꞌuáma ꞌikën.

Hebreos 3:11

Quianan cana atumi nishi sinanatëcëntimoi ësaribiti quiacën: Atux ca a ꞌën atu ñuixuncë me anu chuámarua bucunux bëbatima ꞌicën.

Josué 1:6

Usa ꞌain kamina rakuë́ti sinanima kushikanti ꞌain, min kamina ënë unikama me ꞌinánti ꞌain, a me ꞌinánuxun kana ꞌën mitsun chaitiokëkama kakën.

Josué 24:7

Usokëxuan atun ꞌakinun kixun ñukákëxun kana, bëánkibukë chaiiran atu bëaranun ꞌamianan parúmpapan kuaniabi mapukin egipcio unikama këñunun ꞌamiakën. Usakin ꞌaia ka nun chaitiokëman Egipto menuxun isakëxa. Usai pain ꞌitankëx ka raírinëx ñumainun ꞌitsa baritia ꞌimi anu uni ꞌikëma menu niakëxa,

Josué 5:5

Kamabi unikama Egipto menuax kuankë axa aín nëtokë ñu rëbu maxaka tëakë aínbi ka kuania anu uni ꞌikëma menuax bakënkiankë akamax aín nëtokë ñu rëbu maxaka tëakëma ꞌiakëxa.

Josué 5:7

Usa ꞌain ka Josuénën atun papa ñua ꞌain, aín bakë bëchikëkaman nëtokë ñu rëbu maxaka tëapakëxa, ax ka Nukën ꞌIbun aín papa ñukëbëtan usokin ꞌati kia ꞌiakëxa, usa ꞌaish ka bërámabi aín nëtokë ñu rëbu maxaka tëakëma ꞌikankëxa, atúxa kuankëbë ka anúan usakin ñu ꞌati nëtë ꞌaíma ꞌiakëxa.