Josué 5:14 - Kashibo-Kakataibo Biblia

¹⁴ —ꞌËx kana axa mimi nishkë uni a ꞌianan axa mibë ꞌikë uni ama ꞌain —kixun ka axa ami mërakë uni an kakëxa—. ꞌËx kana Nukën ꞌIbun suntárukama aín ꞌapu ꞌain. Ësakian uni an kakëxun ka Josuénën rantinpuruni aín bëmánanën me tikai tsóbukin ñukákëxa: —¿Añu ꞌaxúnumi ꞌë kanun kara Diosan mi xuax?

Josué 5:14 ပူးပေါင်းရင်းမြစ်များ

Génesis 17:17

Usakian Nukën ꞌIbu Diosan kakëx ka Abraham rantipuruni memi bëtiki tsóbuti, ësokin sinani kuaiakëxa: ¿Achúshi unin kara cien baritiañu ꞌixun bëchiti ꞌik? ¿ꞌImainun kara Saran noventa baritiañu ꞌixun achúshi tuá ꞌati ꞌik? Ësakin ka Abrahamnën sinánkëxa.

Génesis 17:3

Usakian Nukën ꞌIbu Diosan kakëx ka Abram rantin puruni aín bëmánanën me tikai tsóbuakëxa usai ꞌiaka kakëxa:

2 Samuel 7:19

¡ꞌImainun ka min ñuikë banaxa chamara ꞌaínbi min ꞌati ñukama chaiira ꞌikën, ꞌËn ꞌIbu Dios ꞌëx kana min uni ꞌain, min kamina ꞌën aintsi ꞌibukaman rëbúnki ñui usakin ismina ꞌapu ꞌiminuxun ꞌai kiakën! ¡Uinu ꞌikë achúshi unixi ka mix Dios ꞌixun upíokin sinani kikësai banati ꞌaíma ꞌikën!

2 Samuel 7:20

¿ꞌËn ꞌIbu Dios min uni ꞌixun karana uisa banaribi mi kati ꞌain?

Salmos 110:1

Nukën ꞌIbu Diosan ka ꞌën ꞌIbu kaxa: ꞌËn axa mimi nishkë unikama minan ꞌimimainun kamina ꞌë mëkeu tsóti ꞌain.

Salmos 24:10

¿Ui kara ꞌapuira ꞌianan kushiira ënëx ꞌik? ¡Ax ka Dios kamabi kushiñu a ꞌikën! ¡Ax ka Dios ꞌapuira a ꞌikën!

Éxodo 4:10

—¡Uisati kaina ꞌë usakin kai ꞌën ꞌIbu! —Kixun ka Moisésnën Dios kakëxa—. ꞌËx banati ka tëira ꞌikën, ꞌëx usai banakë ax ka bëríra usai ꞌëx banakëma ꞌikën, usa ꞌain ka, an mi ñu mëëxunti ënëx bëríra usai ꞌiama ꞌaish usaibi banaia. Usa ꞌain kana ꞌëx banaibi upiti banatima ꞌain.

Éxodo 4:13

Ësokin katëkënkëxunbi ka Moisésnën munuma banakin kakëxa: —¡Uisati kaina ꞌën ꞌIbu ꞌixun bëtsi uni xutiman!

Isaías 55:4

Mitsun kamina ꞌunánti ꞌain ꞌën kana, bëtsi bëtsi menu kuankian aín ꞌapu ꞌixun ñu ꞌunánmikin ꞌën ꞌunánmikë banakama ñuixunun xuakën.

Isaías 6:8

Ësai kia kuatankëxun kana Dios ësai kikë aín banaribi kuan: “¿Uinu ꞌikë uni karana xuti ꞌain? ¿Uix kara nukamax kikë bana uni ñuixunkë ꞌiti ꞌik?” Kia kana ꞌën kan: “Ënu kana ꞌëx ꞌain ꞌë kamina xuti ꞌain.”

Ezequiel 3:23

Usokin kakëx kana nirukiani anua me sapan ꞌikë anu kuan, anuxun kana Diosan kushi Quebar kakë baka kuëbí anuxun iskësokin istëkëan. Usa ꞌain kana anuax tëtúbuti tsóbuti ꞌën bëmánan memi tikai ꞌian,

Números 22:31

Usakin aín burro ꞌaia ka Nukën ꞌIbun Balaam aín ángel, manë xëtokë tuianxa bai nëbëtsi nikë isnun ismiakëxa. Ismikëxun nikë isi ka Balaam rantinpuruni aín bëmánanën me tikai tsóbuakëxa,

Mateo 8:2

Nuibiancëbë ca an aín nami chëquímicë ꞌinsínñu unin amiquiquiani cuani rantin puruni tsóbuquin Jesús cacëxa: —Mix cushi ꞌixun camina ꞌaisa tanquin ꞌë pëxcuti ꞌain.

Lucas 1:43

Mixmi Nucën ꞌIbu ax uti nun caincë aín tita ꞌaish ꞌë isi ucëbë cana cuëënibi rabinin.

Lucas 20:42

David anbi ca Salmos quirica ꞌaquin ësoquin cuënëocëxa: Nucën ꞌIbu Diosan ca ꞌën ꞌIbu caxa, axa mimi nishcë unicama ꞌën mi ꞌibuamimainun camina mix ꞌëbë ꞌApu ꞌaish ꞌën mëqueu ꞌiti ꞌain.

Lucas 5:12

Jesúsa Galilea menu ꞌicë ëma achúshinu ꞌain ca axa an aín nami chëquimicë ꞌinsinan ꞌaisamaira oquin aín nami chëquimicë uni anu ꞌiacëxa. A unin ca a mërai a tanáin rantin puruni bëúnpucuquin Jesús cacëxa: —Mix cushi ꞌixun camina ꞌaisa tanquin ꞌë pëxcuti ꞌain.

Juan 20:28

Cacëxun ca Tomásnën —mix camina asérabi ꞌën ꞌIbu ꞌianan ꞌën Diosribi ꞌai —quixun cacëxa.

Hechos 9:6

Usoquian cacëxun cuati ratúirai racuëti bërëruquin ca Saulonën cacëxa: —¿Añu ñu ꞌën ꞌati caina cuëënin? Cacëxun ca Jesusan cacëxa: —Niruquiani ca Damasco ëmanu cuantan. Anuxun ca unin añu caramina ꞌati ꞌain quixun mi cati ꞌicën.

Filipenses 3:8

Judíos unicama Nucën Papa Diosan uni ꞌicë ꞌunántiocë ꞌaish ꞌiásamaira ca Nucën ꞌIbu Jesucristo amishi catamëti upíira ꞌicën. Usa ꞌain cana ꞌën ꞌá ñucama ñu ꞌatima pucësa oquin ëni Jesucristonan ꞌinux amishi catamëtin.

Hebreos 2:10

Nucën Papa Diosan ca camabi ñu ainan ꞌinun uniocëxa. Usoquin ꞌá ꞌaish ca, an aín bana cuacë aín bëchicëcamaxa aín nëtënu abë ꞌiti cuëënia. Usa ꞌixun ca axa uni ꞌaish tëmëranan paë tani bamacë cupíshi Nucën Papa Diosan ainan ꞌinun uni ië́minun Jesucristo ꞌimiacëxa.

Apocalipsis 12:7

Usaía ꞌian ca Nucën Papa Diosan nëtënuax, ángelcaman cushi, Miguel, a ꞌimainun aín ángelcamax, pianancë ñuina chaira maxë capë́sa a ꞌimainun aín ángelcamabë ꞌacananxa.