Josué 5:10 - Kashibo-Kakataibo Biblia

¹⁰ Usa ꞌain ka Guilgal kakë anu pain israel unikama ꞌiakëxa, mapai rabë́ ꞌimainun rabë́ ꞌimainun rabë́ nëtë a xupibukëbëtan ka anua ꞌikankë Jericó ꞌuramanuxun Pascua nëtë inúkin fiesta ꞌakankëxa.

Josué 5:10 ပူးပေါင်းရင်းမြစ်များ

2 Samuel 15:28

Usa ꞌain kana anu uni ꞌikëma me ënu ꞌëx bërútin, bërúmainun kamina uisa kaina mitsux anu ꞌai a ꞌë utëkënxun ñuixuni uti ꞌain.

Éxodo 12:11

Ënë nëtëx ka anun kamabi Dios kikë ꞌati ꞌën mitsu kakë ꞌikën, usa aín kamina bërámashi mitsun chupa pañuanan mitsun taxaka tañuanan kuantishi ꞌixun bënë́kinshi mitsun tsati mëtikixun piti ꞌain, ꞌanan kamina Pascua kakë nëtë Nukën ꞌIbu rabikin ñuina nami xaronan a piti ꞌakë a piti ꞌain.

Éxodo 12:18

Mitsun kamina anun pán chamiti këñuma ꞌakë a pikin catorce nëtë sënë́nkë a ñantabukëbëtan, pikin taëoëxanxun kamina a ꞌuxënbi veintiuno nëtë ñantabukëbëtan sënë́onti ꞌain.

Éxodo 12:6

Usa aín ka a ñuina ënë ꞌuxë catorce nëtë ꞌitamainun bërúankë ꞌiti ꞌikën, ꞌimainun ka a nëtë ꞌikëbëtan achúshi achúshi Israel unibunën xupibukëbëtan rëti ꞌikën.

Levítico 23:5

ꞌUxë isítabakë anúan mapai rabë́ ꞌitankëx rabë́ ꞌimainun rabë́ nëtë ñantabukë anun kamina Pascua nëtë inúkin ꞌë rabinux timë́kanti ꞌain.

Miqueas 6:5

ꞌËn unikama bërí kamina sinánkanti ꞌain uisakin kara Balac Moabnu ꞌikë ꞌapu an sinánkëxa kixun, ꞌimainun kara Balaam Beornën bakë bëchikë an uisakin ribi a kamiakëxa kixun. ꞌImainun kamina Sitimnuax, Guilgalnu kuania kara Diosan mitsun ꞌunánun uisokëxa kixun aribi sinánkanti ꞌain.

Josué 4:19

A nëtë́an Israel unibu Jordán kakë baka anun sikarakëkë anun ka mapai rabë́ nëtë ꞌianan achúshi ꞌuxë ꞌirutabakë anun ka Guilgal kakë anu nukúkankëxa ax ka amiaxa bari urukë Jericó kakë ëma ꞌurama ꞌiakëxa.

Josué 5:11

A nëtënbi ka anun chamiti ñukëñunma ꞌakë pán këñun trigo tutush okë pikankëxa, pionkë a pëkarakëbëtan ka a menu ꞌapákë bikë ñu aribi pikankëxa.

1 Samuel 7:16

usa ꞌaish ka baritia tibi Betel ëmanu kuanan, Guilgal ꞌimainun Mispá kakë ëma anuribi kuankin uisai kara Israel kama ꞌia isanan atux anua tsókë ëmakamanu kuankin bana ñuixuni niakëxa.