Josué 4:8 - Kashibo-Kakataibo Biblia

⁸ Usokian Josuénën kakëxun ka an kakësabiokin. Jordán kakë baka panárabëti ëskikë anua, mapai rabë́ ꞌimainun rabë́ maxá achúshi achúshi Israel unin bibiankin anua ꞌikankë anu buánxun maburukin nankëxa, usokin ꞌanúan Nukën ꞌIbun Josué kakësabiokin.

Josué 4:8 ပူးပေါင်းရင်းမြစ်များ

Éxodo 12:28

usai pain ꞌikiani kuantankëxun ka kamabi ñu usakin ꞌanúan Nukën ꞌIbun Moisés ꞌimainun Aarón kakësabiokin ꞌakankëxa.

Éxodo 24:4

Usa ꞌain ka Moisésnën Nukën ꞌIbun kakësabiokin kamabi bana kuënëokëxa, kuënëoxun ka pëkarakëma ꞌaínshi nirutankëxun, anuxun a rabiti achúshi ñu aín bashi tanain ꞌamiakëxa, ꞌatankëxun ka a rapasu mapai rabë́ ꞌimainun rabë́ maxax nankëxa, a ka Jacobnën bakë bëchikëkama ꞌia ami sinánkin nankëxa.

Josué 4:20

Anu ka Josuénën mapai rabë́ ꞌimainun rabë́ maxax Jordán bakanua bitsínkin bëkë a bukurunun ꞌamiakëxa.

Josué 4:9

ꞌAmainun ka Josuénënribi mapai rabë́ ꞌimainun rabë́ maxáx bixun anua sacerdotekamax bunántisa okin ꞌakë kurin ratakakakë anua Diosan bana usai ꞌiti ꞌarukë a ꞌiax baka ëskikë nëbë́tsi sëtë́kë anubi bukunrukin nankëxa. A maxákama ka bëríbi anu ꞌikë kixun ñuikin atun aintsikama ñuixunkankëxa.