Josué 4:24 - Kashibo-Kakataibo Biblia

²⁴ An ka usakin ñu ꞌakëxa kixun ka kamabi menu ꞌikë unin Nukën ꞌIbu ax ka kushiira ꞌikë kixun ꞌunánti ꞌikën, usa ꞌikë kamina ashi mitsun Nukën ꞌIbu ikë rabiti ꞌain.

Josué 4:24 ပူးပေါင်းရင်းမြစ်များ

1 Reyes 8:40

Usokinmi ꞌakëxun ka añu ꞌanun kaina atu kai usokinbi ami nun chaitiokëkama ꞌinan me ënu pain tsókë ꞌixun min kakësabiokin ꞌakánti ꞌikën.

1 Reyes 8:60

usakin nu ꞌakinia ka bëtsi menu tsókë unikaman Israel unikama an ꞌakinkë Dios usaribi bëtsi Dios ka ꞌaíma ꞌikë kixun ꞌunánti ꞌikën.

2 Reyes 19:19

Usa ꞌain kamina mix nun Dios ꞌixun bërí an ꞌaisatankë unikaman ꞌaisataniabi nu bërúanti ꞌain, usakinmi nu ꞌakinia ka kamabi menu ꞌikë unikaman mix kamina asérabi Dios ira a ꞌai kixun ꞌunánti ꞌikën.

2 Reyes 5:15

Usai ꞌi pëxkukiani ka abëa kuankë unikamabë an bana ñuikë Eliseo isi anu kuankëxa. Kuanx anu bëbakin ka Naamánnën kakëxa: —¡Bërí kana ꞌën upíokin ꞌunanin kamabi menu ka Dios ꞌaíma ꞌikën, ꞌaínbi ka Israel menushi achúshi Dios ꞌikën! Usa ꞌain kamina an mi ñu ꞌaxúnti uni ënën mi ñu ꞌinaishikaskëxun ꞌëmi pëxkukë kupí bishiti ꞌain.

Job 40:9

¿Mix kaina ꞌësaribi kushiira kushi ꞌain? ¿Mixmi banakëx kara ꞌën banasaribi ꞌaish kanákamë ꞌëo banakë usaribi ꞌinunmi banakë ꞌiti ꞌik?

Salmos 89:13

Min kushi ax ka chaiira ꞌikën; min mëkën mëkeu ꞌikë ax ka kushiira ꞌikën, usa ꞌain kamina axa mimi nishkë unikama kupitanuma ꞌati ꞌain.

Salmos 89:7

Dios chaiira ꞌimainun ami rakuë́ti mi ka, naínuxun min ángelkaman mi bëarabuinxun rabikania.

Éxodo 14:31

Usakian Nukën ꞌIbun ain kushin Egiptonu ꞌikë unikama ꞌaia isi ka israel unibu Nukën ꞌIbu rabi, ami katamëti rantinpuruni tsóbuti ꞌianan Moisésnën kakësabiokin aín bana kuakankëxa.

Éxodo 15:16

Mix kamina Nun ꞌIbu ꞌain, atux ka ratuti ꞌikën, ꞌimainun ka rakuëkanti ꞌikën, atúxa kuainima maxá ꞌikësai bukunun min kushínbi ꞌiminun kana mi kain, usa ꞌain kamina min unikama inútamainun bërúanti ꞌain, nukamax kananuna min unibu ꞌain.

Éxodo 20:20

Ësai kiabi ka Moisésnën kakëxa: —Rakuë́axma ka ꞌik. Dios ax ka asérabi karanuna ami rakuë́ti ax kikësabi oi ami ꞌuchaima isnuxun nu tani uaxa.

Éxodo 9:16

usa ꞌaínbi kana ꞌën kushi ismiti kupín mi uisabi okëma ꞌain, kamabi menu ꞌikë unían ꞌëx kana usa kushiñu ꞌai kixun ꞌunánun.

Isaías 52:10

Nukën ꞌIbun ka ax kushiira ꞌixun kamabi menu ꞌikë unikama aín kushi ismiaxa. Usa ꞌain ka kamabi menuxun unánti ꞌikën. Nukën ꞌIbu Dios an ka nu ië́miaxa kixun ꞌunánti ꞌikën.

Deuteronomio 6:2

Usokin kamina mitsun Nukën ꞌIbu Dios ami rabikanti ax kikësabiokin ꞌakánti ꞌain, ꞌai tsókin kamina, a tanti bana ꞌimainun ax kikësabi oí ꞌiti bana, ꞌën ꞌunánmikë ënë mitsun bakë bëchikë ꞌimainun mitsun babakama ꞌunánmiti ꞌain; usakin ꞌai kamina ꞌitsa baritia a menu tsókanti ꞌain.

1 Samuel 17:46

Bërí ka ꞌën ꞌIbun mi ꞌën mëkënanbi ꞌanun ꞌë ꞌamiti ꞌikën, usa ꞌain kana mi ꞌatankëxun min maxká tëbískati ꞌain, ꞌimainun ka filisteo suntárukama bamakë a ñuina pëchiñu kaman ꞌamainun raëkëma ñuina kamanribi aín nami piti ꞌikën. Usokin ꞌakë ka kamabi menu ꞌikë unikaman kuati ꞌikën, an Israel kama ꞌakinkë Dios ax ka asérabi kushiira ꞌikë kixun;