Josué 4:12 - Kashibo-Kakataibo Biblia

¹² Kuankëbë ka atu kaxuribi axa ꞌakánanti ꞌunáinrakë unibu Rubénën rëbúnki, akamabë Gadnën rëbúnki ꞌimainun Manasésnën rëbúnkikama ꞌitsamashi akamaribi. Anúan ꞌakánanti mëníokëishi ꞌaish sikarakëkiani Israel unibu kuankëxa, usaía ꞌinun Moisés kiásabi oi ka usai ꞌiakëxa.

Josué 4:12 ပူးပေါင်းရင်းမြစ်များ

Éxodo 13:18

Usa ꞌain ka Diosan Israel unikama anu uni ꞌikëma me anun kuankian parúmpapa xónsa kakë a ratanarati kuanun ꞌimiakëxa. ꞌImikëx ka Egipto menuax kuani Israelkaman suntáru kuankësa usarabi kiani kuankëxa.

Deuteronomio 33:21

Usa ꞌain ka ainanbi ꞌinun bëtsi ñaká Israelkama me ꞌinánkin aín kushibunën, Gadnën rëbúnkikama ꞌapunan ꞌiisa me ꞌinánti ꞌikën. Anuxun ka aín ꞌapun kakësokin ꞌanan; Nukën ꞌIbun bana kikësokin Israel unikama ꞌakinti ꞌikë kixun ka Moisésnën kakëxa.

Josué 1:14

Usa ꞌain kamina mitsun xanu min bakë bëchikë ꞌimainun ami ꞌarakakë ñuinakama këñunbi Moisésnën mitsu ꞌinan me Jordán kakë baka nëkë manan ënubi ëbianti ꞌain. Ëbiani kamina ax ꞌakanainsa unikamaxëshi aín manë xëtokë bibiani mitsun xukë́nkama ka ꞌakanania ꞌakini kuanti ꞌain,

Josué 4:11

usai unikama sikarakëti ꞌukëmanan ꞌirui sënë́nkëbë ka sacerdote unikama an bunántisa okin ꞌakë kurin ratakakakë anua Diosan ñukama ꞌikë uankë atúxribi sikarëkëkiani kuankin unikama inubiani rëkuë́nkiankëxa.

Josué 4:13

Kuani ka atux cuarenta mil uni sënën ꞌiti urama ꞌiakëxa, usa ꞌaish ka ꞌakanantishi ꞌinun mëníokakëishi ꞌaish rëkuë́nkiani kuamainun a inubiani Nukën ꞌIbun ismainunbi anua Jericó me ꞌikë au kikiani kuankankëxa.