Josué 3:16 - Kashibo-Kakataibo Biblia

¹⁶ Ënëx ka anua israel unibu ꞌikë a ꞌurakëoxa ꞌiá ꞌikën, ax ka anua Adam kakë ëma ꞌurama, Saretán ꞌikë a ꞌuramabi ꞌiakëxa, usa ꞌain ka ꞌumpax ax kuabuti parúmpapa bamakë kakë anubi timë́kë ꞌiakëxa. Usakin ka Diosan anúan Israelkama Jericó kakë ëmanu kuani sikarakënun bakanu ꞌikë ꞌumpax tëa rabëti ëskinun ꞌimiakëxa.

Josué 3:16 ပူးပေါင်းရင်းမြစ်များ

Génesis 14:3

Ënë mapai achúshi ꞌapukaman ka aín suntárukama Sidim kakë me sapan anu timë́akëxa, anu ka parúmpapa bamakë kakë ax ꞌiakëxa.

Salmos 33:7

ꞌAnan ka parúmpapa baka anubia ꞌitinua timë́nun ꞌimiakëxa.

Salmos 66:6

an ka parúmpapa me ishi rakati ëskinun ꞌimiakëxa, usakin ꞌimikëbë ka anun nun chaiti okëkama nikiani sikarakëkankëxa; ¡usa ꞌain kananuna akama sinani Dios rabi kuëënkanti ꞌain!

Éxodo 14:21

Usa ꞌain ka Moisésnën aín tatsi bikin Nukën ꞌIbun kakësabiokin parúmpapami okin sanankëxa, usokëbëtainshia Diosan ꞌimikëx ka amiaxa bari urukë amiax a imë́ suñu kushi bëquinëakëxa. Usai ꞌikëbë ka parúmpapa nëbëtsi baka ënanani amo rabë́ chaiira ꞌinun panárabë́akëxa. Usakin Nukën ꞌIbun ꞌimikëbë ka me ëski rakakëxa,

Éxodo 14:22

usai baka panárabëti amo rabë́ chairui mëmiu ꞌianan mëkeu ꞌi me ëskikëbë ka anun israel unikama sikarakëkankëxa.

Éxodo 14:29

Usai ꞌikëbëbi ka israel unikama anun kuanun parúmpapa tëarabëti me ꞌinun ëskikë anun sikarakëakëxa usai ꞌi ka ꞌumpax kuëtú ꞌikësai amorabë́ chairui bëtsi mëmiu ꞌimainun bëtsi mëkëu ꞌiakëxa.

Éxodo 15:8

Suñumi kushiira bëkimikëbë ka parúmpapa panárabëti amo rabë́ chairuaxa; chairui ka baka ain nëbë́tsin bëchunkë shaíkima anubi ꞌiaxa.

Isaías 50:2

¿Uisa kupín karana ukin ꞌën uibi mërama ꞌain? ¿Uisa kupín kara kuënkëxunbi uínbi ꞌë káma ꞌik? ¿ꞌËx isana mitsu ꞌakinsama ꞌai kixun kaina sinánkankën? ¿ꞌËn isana mitsu chikintima ꞌai kixun kaina sinánkankën? ꞌËx usai ka ꞌiti ꞌikë kiax kikëbëshi ka parúmpapa ëskiti ꞌikën, ꞌimainun ka bakakamaxribi anu uni ꞌikëma mesa ꞌitánun aín ꞌumpax ꞌaíma ꞌiti ꞌikën; usai ꞌikëbë ka anu ꞌikë tsatsakama ꞌumpaxñuma ꞌain xanan bamai chë́kia.

Habacuc 3:8

¿Mix karamina Dios ꞌaish bakakamami nishin? ¿Mix ꞌitsaira nishkin karamina parúmpapakama ꞌatima oti ꞌain? ¿Usa ꞌaish karamina min caballonën nikinkë anu ꞌirukiani bëtsi unikama ꞌikësa kiani kuanti ꞌain?

Deuteronomio 1:1

Ënë banakama ka Moisésnën kamabi Israel kama anu uni ꞌikëma me amiaxa bari urukë Jordán kakë baka anuxun ñuixuankëxa, ax ka anua uni ꞌikëma me Arabá kakë Suf kakë a ꞌukëmanan anu ꞌiakëxa, ax ka Parán, Tófel, Haserot ꞌimainun Dizahab kakë anu ꞌiakëxa.

Josué 3:13

Uínsaran kara sacerdotekaman bunántisa okin ꞌakë kurin ratakakakë anua Nukën ꞌIbun kamabi men ꞌibu ain bana a buani tapukikiankëbë ka tëarabëti amo rabë́ chairui aín rëbumiax ꞌia ubúkë ax tikimainun kuabúkë ax amorabë́ chitëti nunkuruti ꞌikën.

Josué 4:22

kixun ñukákëxun kamina ësokin ñuixukanti ꞌain uisai kara Israel unikama Jordán kakë baka panárabëti me rakarakëkëbë anun sikarakëti ꞌiakëxa kixun,

Josué 5:1

Kamabi amorreo unibunën ꞌapukaman ka amia bari kuabúkë Jordán kakë baka a ꞌurama ꞌikë ꞌimainun kamabi cananeo unikaman ꞌapu axa parúmpapa Mediterráneo kakë a ꞌurama ꞌikë, akamanbi ka Nukën ꞌIbun Jordán kakë baka anúan Israelkama sikarakënun ëskinun ꞌimikë kuakëxa, kuati ka ꞌaisamaira israel unibumi rakuë́ti abë ꞌakánanti sinánma ꞌikën.

Jueces 7:22

usai kuankëbëtan ka trescientos Israel suntárukama an ënkinma atun carnero manchan banokëxa, banokëbë ka axa abákëmakama ax Nukën ꞌIbun ꞌimikëx atúxbi ꞌakanankëxa, ꞌakanani abati ka raírinëx anun Sereránu kuanti bainu ꞌikë Bet-sitá kakë ëma anu bëbakëxa, ꞌimainun ka raírinëx anua Abel-meholá kakë ëma aín me sënënakëkë Tabat kakë ëma ꞌikë abu kuankëxa.