Josué 3:10 - Kashibo-Kakataibo Biblia

¹⁰ Ax ka nubë ꞌikë kixun nukaman ꞌunánun ka Diosan aín kushínbi aín menu bëbakin nun cananeo, hititas, heveos, ferezeos, gergeseos, amorreos ꞌimainun jebuseos akamabi aín me bikuanti ꞌikën.

Josué 3:10 ပူးပေါင်းရင်းမြစ်များ

Génesis 15:21

amorreokama, cananeokama, gergeseokama ꞌimainun jebuseokama ënë unikaman me kana mi ꞌinánti ꞌain.

1 Reyes 22:28

Ësakin kaiabi ka Micaíasnën katëkëankëxa: “Mixmi uisaibi ꞌima asábi utëkënkë, ax ka Diosan kamikëxun ꞌën mi kakëma ꞌiti ꞌikën.”

2 Reyes 19:4

ꞌËn sinánkëxun sapika min Diosan aín ꞌapúan xukëx Asirianu ꞌikë suntárunën kushikama ꞌatimai banai kikë atun banakama kuakë ꞌiti ꞌikën atux ka Israel unikaman Dios ñui ꞌatimati banaxa usa ꞌain sapi ka a kuaxun Diosanbi a ñuia kikë akama ꞌaisama okin tëmëramiti ꞌikën. Usa ꞌain kamina axa bërúkë nukama achúshi okin Dios ñukáxunti ꞌain.

Salmos 42:2

Mix kamina Dios an uni tsónun ꞌimikë a ꞌain, usa ꞌain kana ꞌën mishi barin. ¿Uinsaran karana anuxun mi rabiti xubunuxun mi rabi kuantëkënti ꞌain?

Éxodo 17:7

usakin ꞌatankëxun ka Moisésnën anua ꞌikë me a Meribá kakin anëakëxa, anuaxa Israel unibu Diosmi ꞌatimai banakë ꞌikë ka usakin anëakëxa, anëanan ka Masá kakinribi anëakëxa, ax ka nu kara Diosan ꞌakinti ꞌikë kixun sinánkima Israel unibunën ꞌatima okin sinánkë kupín ka usakin anëakëxa, ¿Nubë kara Nukën ꞌIbu ꞌikën nubëma kara Dios ꞌik?

Éxodo 3:8

Usa ꞌain kana ꞌënbi a isi ubuan, egipcio unikaman ꞌaisamaira okin tëmëramia kana chikinuxun ꞌain. Ënë menua chikínbiankin kana atu me chaiira ꞌimainun upíira anua ꞌaisamaira ñuina xuma ꞌianan a piti ꞌitsaira ꞌimainun buna rëpa ꞌumpax iskësaira ꞌikë anu buánti aín. A mex ka anua cananeobë, hititas, amorreos, ferezeos, heveos ꞌimainun jebuseos unikama ꞌikë anu kana buánti ꞌain.

Éxodo 33:2

ꞌËn ángel kana an mitsu kuania rëkuëonxun buánti xuti ꞌain. ꞌImainun kana ꞌën a menua ꞌikë ëmakama cananeos, amorreokama, hititas, ferezeos, heveos ꞌimainun jebuseos akaman menumi mitsux bukunun chikínti ꞌain.

Isaías 7:14

Diosan ka unibë ꞌikintankëma xanu: Xuntaku achúshi tuuñu ꞌinun ꞌimiti ꞌikën, ꞌimikëx bakëntankëxun ka Emanuel kakin anëti ꞌikën. Emanuel kikë ax ka, ‘Dios ka nubë ꞌikë ki kikë ꞌikën’.

Oseas 1:10

“Usa ꞌain ka Israel unikama achúshi nëtën parúmpapa masi iskësaira ꞌaish, uínbi uiti ꞌitsaira kara kixun tupuntisama ꞌiti ꞌikën. Usa ꞌikë ka mitsux kamina ꞌën unima ꞌain kakima Diosan mitsu kati ꞌikën, mitsux kamina axa bamatima oi tsókë Dios ain bëchikë ꞌai kixun kati ꞌikën.”

Números 13:29

Négueb kakë me sënënakëkë anu ka amalecita unibu tsótia, ꞌimainun ka ain bashi niñu me anu hitita, jebuseo ꞌimainun amorreo, unibu tsómainun ka parúmpapa kuëbí Jordán kakë anu cananeo uniburibi tsótia.

Mateo 16:16

Quia ca Simón Pedronën cacëxa: —Mix camina axa bamatimoi tsócë Nucën Papa Dios aín Bëchicë, Cristo, axa utinu nun caíncë, a ꞌain.

Juan 6:69

Nux mimi catamëquin cananuna ꞌunan, mix camina axa uti nun caíncë, Cristo, Nucën Papa Dios, axa bamatimoi tsócë, aín Bëchicë a ꞌain.

Deuteronomio 31:17

Usai ꞌikëbë xuamati nishkin kana atu ënti ꞌain; ëntankëx kana uisaxbi atumi sinántëkëntima ꞌain, usa aín ka atunu ꞌaisamaira ñu ꞌikëbë atux tëmërai, kananti ꞌikën: ¿Nuxnu ësai tëmërakë ënëx kara mitsun sinánkëx nun Diosnu ënkë kupínnu ꞌikë ꞌik?

Deuteronomio 7:1

Nukën ꞌIbu Dios an ka a ꞌinánkatsia kia me anu mitsux bëbai kuankëbëtan, mapai achúshi ꞌimainun rabë́ ëmakama mitsubëtan sënë́nma kushiirabu a mitsun ismainunbi chikínti ꞌikën: Ax ka hititas, gergeseos, amorreos, cananeos, ferezeos, heveos ꞌimainun jebuseos, akama ꞌikën.

Deuteronomio 7:21

Usa ꞌain kamina atumi rakuë́tima ꞌain, nukaman ꞌIbu Dios kushiira ax, mitsubë ꞌain ka atux mimi rakuë́ti ꞌikën.

1 Tesalonicenses 1:9

Usa ꞌixun ca nun cacëxunmabi mitsúnmi nu upí oquin bicë a ñuia. Ñuianan ca mitsux ismina unínbia ꞌacë ñuishi rabia ꞌixunbi a ënquin, axëshia Dios ꞌaish bamatimoi tsócë Nucën Papa Dios, ashi rabianan ax quicësabi oi ꞌi quixun ñuia.

Hebreos 10:31

Usa ꞌain cananuna nun ꞌucha ëncëma ꞌaish, Nucën Papa Diosan ca ax cushiira ꞌixun uisaira oquin cara ꞌati ꞌicë usoquin nu ꞌati ꞌicë quixun sinani ami racuë́ti ꞌain.

Josué 24:11

Usa ꞌain kamina mitsux Jordán kakë baka a sikarakë kianx Jericó kakë ëma anu bëbakën. Bëban ka Jericó ëmanu tsókë unikama mitsubë ꞌakanankëxa, ꞌakananiabi kana mitsun ira kupitanunma ꞌanun ꞌamiakën, ꞌamitankëxun kana (amorreos, ferezeos, cananeos, hititas, gergeseos, heveos ꞌimainun jebuseo) a unikamaxribi mitsubë ꞌakananiabi kana mitsun ira kupitanuma ꞌanun ꞌamiakën.

Josué 3:9

Usakin kakëxun ka Josuénën Israel unikama kakëxa: Nëri kamina rikuatsinti ꞌain Nukën ꞌIbu Diosan ka ësokin nu ꞌakinkin ñu ꞌakatsi kiaxa mitsu kanun.

1 Samuel 17:26

Usa ꞌain ka Davidnën usai kia kuakëma ꞌixun a rapasu ꞌikë suntárukama ñukákëxa: —¿Añu kara an filisteo uni axa Israelkama ꞌakatsikiax xuamati banakë a nëtë́tanun ꞌaia an ꞌakë uni a ꞌinánti ꞌik? ¿Ax añuira ꞌixun kara a filisteo uni upíma ꞌixun an Diosan kaískë unikama usokin ꞌakatsikixun ñuiti ꞌik?