Josué 24:8 - Kashibo-Kakataibo Biblia

⁸ nitsiabi kana anua atu amorreo unikaman menu bëakën, ax ka Jordán kakë baka amiaxa bari urukë au ꞌiakëxa. Anuax mitsubë ꞌakananiabi kana, ꞌën abámikin mi ꞌanun mitsu ꞌamiakën, ꞌamikëxun abámikin ꞌaxun kamina atun me bikankën.

Josué 24:8 ပူးပေါင်းရင်းမြစ်များ

Nehemías 9:22

ꞌImainun kamina bëtsi bëtsi me anua ꞌapu ꞌikë ꞌimainun ëmakama bitankëxun achúshi achúshi uni atunan ꞌinun ꞌinánkën, usokin ꞌinánkëxun ka atun Hesbón kakë me anua ꞌikë ꞌapu Sihón aín me ꞌimainun Basán kakë me anua ꞌikë ꞌapu Og aín meribi bikankëxa.

Amós 2:10

ꞌAínbi kana Egipto menua chikínbëtsinkin, cuarenta baritia anu uni ꞌikëma menu, ꞌimibëtsinkin atun me ꞌinánuxun bëakën.

Amós 2:9

Usa ꞌaínbi kana ꞌën mitsúxmi anun unun, amorreo unikama kamabi këñukin ꞌakën; atux ka kushiirabu ꞌaishi kunxantibu atun chaxkë́ ꞌianan roble kakë i chaxkë́ tëmú ꞌiakëxa.