Josué 24:5 - Kashibo-Kakataibo Biblia

⁵ Usai ꞌiá ꞌain kana ꞌitsa baritia inúkëbëtan ꞌën mitsun chaitiokë Moisés ꞌimainun Aarón xuakën, ꞌimainun kana mitsux chikinuxun Egipto menu ꞌikë unikama ꞌitsaira ꞌën tëmëramiakën.

Josué 24:5 ပူးပေါင်းရင်းမြစ်များ

Salmos 105:43

Usakin ꞌakian Diosan chikinkëx ka aín unikama, munuma kuëëni sharákin rabibiani chikikankëxa,

Éxodo 12:37

Usa ꞌain ka Israelkama Ramsés kakë ëma anuax taën kuani Sucot kakë ëma anu kuankëxa. Usa ꞌaish ka xanu ꞌimainun uniakë xukama ꞌakëñuma tupúnkëx, seiscientos mil uni axa suntáruisa uni kamaishi ꞌiakëxa.

Éxodo 12:41

ꞌimainun ka anúan cuatrocientos treinta baritia, aín chaitiokëkama Egipto menu tsónux bëba a nëtë sënë́nkë a nëtënbi ka Israel unibu atún ꞌIbun a menua chikíankëxa.

Éxodo 3:10

Usa ꞌain kamina, mi kuanun mëníokati ꞌain, ꞌën kana faraónnu kuantanun mi xuti ꞌain, usa ꞌain kamina ꞌën uni Israelkama Egipto menua chikini kuanti ꞌain.

Josué 24:6

A nëtë́an mitsun chaitiokëkama Egipto menuax chikíkë anun ka egipcio suntárukaman anuax ꞌakanankë caballonën nikinkë ꞌimainun caballonën kuankiribi parúmpapa xónsa kakë anubi bëbarukin ꞌakatsikixun nuiakëxa.