Josué 24:32 - Kashibo-Kakataibo Biblia

³² Israel unibunën ka Josénën xo Egipto menua bitsínkin bëínëa ꞌixun, Siquem kakë me anu maíankëxa, a mex ka Jacobnën cien kuríki manë ꞌakë kupín Hamornën bakë bëchikë, Siquemnën papa aín me ꞌikëbi marua a ꞌiakëxa, a me ka Josénën rëbúnkikaman atunanbi ꞌinun biakëxa.

Josué 24:32 ပူးပေါင်းရင်းမြစ်များ

Génesis 33:19

Anu ꞌixun ka achúshi uni Hamor kakë, aín bëchikë Siquem kakë aín me cien kuríki manë kupí maruakëxa, marutankëx ka anubi tsóakëxa.

Génesis 48:22

Usa ꞌain kana min xukë́nkama ꞌinánkësamaira okin mi ꞌinan: Siquem kakë me a mi ꞌinánti ꞌain, ax ka abë ꞌakanantankëxun Amorreo unikama ꞌën bikuan ꞌikën.

Génesis 50:24

Achúshi nëtën ka Josénën aín xukë́nkama kakëxa: ꞌËx anun ñuti nëtë ka ꞌurama ꞌikën, usa ꞌain ka Nukën ꞌIbu Diosan mitsu ꞌakinti ꞌikën, usa ꞌixun ka ënë nëtënua anbi mitsu chikinbiakin a ꞌinánuxuan Abraham kanan Isaac ꞌimainun Jacob ka me anubi mitsu buánti ꞌikën.

Génesis 50:25

Ësakin kakin ka José aín xukë́n kaman a sinanatëkëntima okin atun kanun kakëxa: Asérabi ka Nukën ꞌIbu Diosan mitsu ꞌakinti ꞌikën. Usa ꞌain kamina mitsun ꞌëx ñuia ënu maínkinma ënua ꞌë buánti ꞌain.

Éxodo 13:19

Kuankin ka Moisésnën José ñua aín xo buanuxuan binun bimiakëxa, ñukëma pain ꞌixuan aín xukë́nkama Josénën kásabiokin ka Israelkaman usakin ꞌakëxa. Usakin katankëxun ka ësokinribi kakëxa: Asérabi ka Diosan usakiani kuania mitsu ꞌakinti ꞌikën; ꞌakinkëx kuankin kamina ꞌëx ñua ꞌaínbi ꞌën xo ënë menua bibiankin buánti ꞌain.

Juan 4:5

Cuanx ca Jacobnëan aín bëchicë José ꞌinan me ꞌurama ꞌicë ëma, Sicar cacë, anu bëbacëxa.

Hechos 7:15

Usaquian Josénën cacësabi oi ca Jacob aín aintsi ꞌibucamabë Egiptonu ꞌi cuancëxa. Cuanx anu tsotaxbia Jacobnëx pain ꞌiá ꞌain ca aín bëchicë nucën raracamaxribi bamacëxa.

Hechos 7:16

Jacob bamacë ca aín me, Canaán, anu ꞌicë ëma Siquem cacë, anu buántancëxun anuxunbi aín bëchicënën maíancëxa. A mex ca Abrahamnëan Hamor cacë unin bëchicëcama curíqui ꞌinánquin marua ꞌiacëxa.

Hebreos 11:22

José, Egipto menu ꞌixun ca —ax quicësabi oquin ca Nucën Papa Diosan nun rëbúnqui Egipto menua nun nëtë, Canaán, anu ꞌitëcënun buánti ꞌicë —quixun sinánquin aín aintsi cacëxa: Ënë nëtënuax nun nëtënu cuanquin ca mitsun rëbúnquinën ꞌën xoribi buánxun anu maínti ꞌicë quixun.