Josué 24:31 - Kashibo-Kakataibo Biblia

³¹ israel unibunën ka Josué ñutisamapan ꞌaish tsótan Nukën ꞌIbu rabiakëxa, rabia ꞌixun ka ax ñua ꞌain uni apankama an Nukën ꞌIbun kamabi ñu Israel unibu ꞌaxunia isa ꞌixun ꞌunánkë unikama atúxribi ñukëma ꞌaish tsótan rabiakëxa.

Josué 24:31 ပူးပေါင်းရင်းမြစ်များ

Génesis 14:10

Kamabi Sidim kakë me sapan anu ka chua me pëan pëánkikë anubia unia ꞌiakëxa, usa ꞌain ka Sodoma ꞌimainun Gomorranu ꞌikë ꞌapu ꞌakanankënuax ꞌiakëti kuaníbi anu nanëakëxa. Usai ꞌimainun ka raíri ꞌapukamax ninu abákëxa.

Hechos 20:29

ꞌËn cana ꞌunanin, ꞌëx cuancëbë ca uni raíri uti ꞌicën. Uxun ca axa ami sináncë unicama, Jesucristomi catamëti bana a ënun quixun paránti ꞌicën. ꞌInúanëan bëtsi biquin carnero tsuácacësaribi oquin ca a unin axa ami sináncë unicama Jesús manunun quixun parántisa tanti ꞌicën.

Deuteronomio 31:13

Usa ꞌain ka mitsun bakë bëchikëkama, an ënë bana kuakëma atúnribi ñuixunkëxun kuankin upíokin ꞌunani Dios kikësabiokin ꞌain upiti xënibua ꞌaínbi Jordán kakë baka shitákiani kuanxua biti me anu tsókin ꞌati ꞌikën.

Deuteronomio 31:29

ꞌËn kana ꞌunánin ꞌëx ñukëbëtan kamina bëtsi bëtsi ñu ꞌakin ꞌën usai ꞌiti ñuixunkë banakama mitsun ënxun ꞌain; ꞌimainun kana ꞌunanin mitsun bakë bëchikëkamaxribi ka ꞌatima ñu ꞌai ꞌitsaira tëmëranuxun ꞌaia, usai ꞌikin kamina mitsun Nukën ꞌIbu nishminuxun ꞌain kixun ka Moisésnën atu kakëxa.

Filipenses 2:12

ꞌËn nuibacë xucë́antu, a ñucama ꞌunani camina ꞌëx mitsubë ꞌain, ꞌën Jesucristo ñuiquin mitsu cacë bana quicësabi oi ꞌian. Usa ꞌain camina ꞌëx mitsubë ꞌain ꞌicësamaira oi ꞌëx mitsubëma ꞌain, ꞌën mitsu cásabi oi ꞌiti ꞌain, Nucën Papa Dios cuëëncëma ñu ꞌatimi racuëti.

Jueces 2:10

ꞌImainun ka Israelkama axa Josué tsókëpan ꞌain tsóa atúxribi ñuakëxa. Usa ꞌain ka bëría bakënkëkama atun ka uisaxunbi Nukën ꞌIbu ꞌunánan an israel unikama ꞌaxuan ñukama abi ꞌunánma ꞌikën.

Jueces 2:6

Usa ꞌain ka Josuénën ashikin Israel unikama kakë ꞌain, achúshi achúshi unix uinu ꞌikë me kara biti ꞌikë a bitsi kuankankëxa.

Jueces 2:7

Usa ꞌain ka ax tsókëpan ꞌain Israel unikaman Nukën ꞌIbu rabi tsókankëxa; ꞌimainun ka uni aín tukurikubu axa ñukëmapain ꞌaish bukukë atun Israel unibua Nukën ꞌIbun ñu chaiirabu ꞌaxunkë a iskankëxa.