Josué 24:27 - Kashibo-Kakataibo Biblia

²⁷ usokin ꞌatankëxun ka Josuénën Israel unikama kakëxa: —Ënë mapara chaiira ꞌën nitsinkin nankë ënëx ka, uisakin karanuna nun Nukën ꞌIbun ꞌamikëxun ñu ꞌakën kixunmi mitsun ñuiti ꞌinuxun ꞌaia. Ënëx ka a isia bëtsi unikamax mitsux ismina usai ꞌiakën kikë ax këmëkësa ꞌitima kupín kamina upiti Diosmi sinánkanti ꞌain.

Josué 24:27 ပူးပေါင်းရင်းမြစ်များ

Job 31:23

Usa ꞌain kana Diosan ꞌë ꞌatimokin tëmëramiti anun rakuëakën; ¡usa ꞌain kana ax ꞌapu kushiira ꞌixuan uisakin kara ꞌakëxun ꞌën tënëama ꞌitsían!

Job 31:28

Ësokin ꞌai ꞌëx ami ꞌuchaia ka Diosan ꞌë ꞌatimo ꞌitsíanxa; ¡usakin ꞌën ñu ꞌakë ax ka Dios ka naínuma ꞌikë kixun sinánkin ꞌën ꞌakë ꞌiti ꞌiaxa!

Isaías 1:2

Kamabi ñu axa naínu ꞌikë ꞌimainun menu ꞌikë an ka Nukën ꞌIbu Dios ax ka ësai kiaxa kuati ꞌikën: “ꞌËn kana ꞌën bakë bëchikë bëbukama ꞌimainun xanukama chatanun kanioruakën, ꞌaínbi ka atux ꞌën bana kuaisama tani ꞌëmi nishakëxa.

Habacuc 2:11

Anun ëma kënëaranu ꞌikë, maxákama ꞌimainun xubu ꞌirakankë ikamaxbi ka mitsun ꞌatima ñu ꞌakë ñui kikanti ꞌikën.

Números 11:20

Usokin ꞌinánkëxun ka unikaman achúshi ꞌuxë ꞌimikin nami piti ꞌikën, a nami pikëxuan aín rëkinanbi chikíkin namin tënankëx ami kuinsati anábukin istisamatankin ka timati ꞌikën, atúnbi ka ꞌën ꞌakinkëxunbi Nukën ꞌIbu ka nubë ꞌikë kixun sinanima ꞌën kuamainunbi ꞌatimati banai ini kikanxa: ¿Uisakatsi karanuna Egipto menuax chikían?

Mateo 10:33

Usa ꞌaínbi cana axa ꞌëmi rabini, —ꞌëx cana Jesusan unima ꞌain —quicë uni a ñuiquin, —ax ca ꞌën unima ꞌicë —quixun ꞌën Papa Dios naínu ꞌicë cati ꞌain.

Lucas 19:40

Cacëxun ca Jesusan cacëxa: —ꞌËn cana mitsu cain, ënë unicaman ꞌë rabicëbëtanma ca ënë maxáxcama ënën cuëncëni sharáquin ꞌë rabiti ꞌicën.

Deuteronomio 30:19

Ënë nëtën kana bërí mitsu kain naí ꞌimainun men ka unin kuankësa okin ꞌën mitsu kaia kuanti ꞌikën, ꞌaínbi ka a menu tsókë unikamax këñuti ꞌikën, usa ꞌain ka upíokin sinánxunkë ꞌimainun ꞌatima okin sinánxunkë ꞌiti ꞌikën, usa ꞌain kamina uisai kaina mitsux tsóti ꞌai isanan uisa ñu ꞌai kara mitsun rëbúnkikama tsóti ꞌikë kixun kati ꞌain;

Deuteronomio 31:19

Bërí kamina anun kantati bana ënë ꞌën mi kamainun kuënëoti ꞌain, kuënëotankëxun kamina minbi Israel unibu anun ꞌëmi kantanun ꞌunamiti ꞌain, usa ꞌain ka a kanta kantakin uisai kara kia kuankin ꞌën atu kuainsama tania tëmëramikëxun a sinánti ꞌikën.

Deuteronomio 31:21

Uínsaran kara ꞌën ꞌimikëx ꞌaisamaira masátënëi bënëtia anun ka ënë kanta atun sinánti ꞌikën, usa ꞌain ka atun rëbúnki kamaxribi a kanta sinani anun kantati ꞌikën; ꞌën bërámabi a ꞌinánuxun ka me anu atsínxumabi ꞌatima ñuira ꞌati sinania kana atu ꞌunanin.

Deuteronomio 31:26

ꞌËn kuënëokë a tanti bana ënë kamina mitsu ꞌinámainun bunántisa okin ꞌakë kurin ratakakakë rapasu anua Diosan achúshi ñu ꞌakë kikë anu nankanti ꞌain, anu nankë ax ka mitsun usai kananuna ꞌiakën kixun anua ꞌunánti ꞌiti ꞌikën.

Deuteronomio 32:1

Ësai ka Moisés kantai kiakëxa, naíkamë ꞌëo ꞌëx kia kamina unin kuakësokin kuati ꞌain, ꞌimainun ka ꞌëx banamainun menribi unin kuakësokin kuati ꞌikën.

Deuteronomio 4:26

ꞌën kana bërí mitsu naíkamë ꞌëo ꞌimainun men unin kuakësa ꞌitanua kuamainun kain, ꞌaínbi kamina mitsux ꞌën kakë bana kikësabiokin ꞌaíma anumi tsókankë me Jordán kakë baka ꞌukëmanan ꞌitsama baritia tsókanti ꞌain. Anuax ka ꞌitsama baritiashi tsótankëx raírinëx ñuti ꞌikën.

Tito 1:16

Atúxa —ꞌëx cana Nucën Papa Diosan uni ꞌai —quiabi ca an ñu ꞌaisama ꞌaia iscë unicaman —usama ca —quixun ꞌunania. Atúan ñu ꞌaisama ꞌacë cupí ca unin atu cuëënima. A unicaman ca bana cuacëma ꞌixun ñu upí ꞌati sinanima.

Josué 24:28

Usokin pain katankëxun ka Josuénën aín menubia kuantëkëntanun an ꞌakintia buánkë unikama a xutëkëankëxa.

Apocalipsis 3:8

Mitsúnmi ñu ꞌacëcama cana ꞌunanin. ꞌËn cana ꞌunanin, mitsux ꞌitsairama ꞌixunbi camina ꞌën bana quicësabi oquin ꞌanan, ꞌëx cana Cristonanma ꞌai quiax quicëma ꞌain. Usa ꞌicë cana anun atsínti xëcuën atsíncësa ꞌinun ꞌën bana unicama ñuixunun mitsu ꞌimian. Usoquin ꞌimia ca ui unínbi mitsúnmi usoquin ꞌaxunma ꞌanun mitsu ꞌimitima ꞌicën.

1 Samuel 7:12

Usakin ꞌan ka Samuelnën achúshi mapara chaiira bixun Mispá kakë ëmabëa Sen kakë me sënënakëkë anu nitsíankëxa, nitsintankëxun ka Eben-ézer kakin anëakëxa anëi ka ësai kiakëxa: “Bërí ka ënuxun Nukën ꞌIbun nukama ꞌakianxa kiax kiakëxa.”