Josué 24:21 - Kashibo-Kakataibo Biblia

²¹ Usakian kakëxunbi ka Israel unikaman Josué katëkëankëxa: —Usai ꞌikima kananuna nukaman axa Nukën ꞌIbu ꞌikë ashi rabiti ꞌain.

Josué 24:21 ပူးပေါင်းရင်းမြစ်များ

Éxodo 19:8

Ñuixunkëxun kuati ka Israel unikama kamáxbi sharati kikankëxa: —Uisai ꞌinun kara Nukën ꞌIbu kiaxa usaibi kananuna ꞌiti ꞌain. Ësaia unikama kikëbëtan ka Moisésnën usaía unikama kikë a ñuikin Nukën ꞌIbu kai kuankëxa,

Éxodo 20:19

Usai ꞌikëbë rakuë́kin ka Moisés kakankëxa: —Min ishi kamina nu kati ꞌain; ꞌaínbi ka Diosax nukamabë banatima ꞌikën, nux këñutima kupín.

Éxodo 24:3

Ësakin Diosan kakëx kuanxun ka Moisésnën kamabi Israel unikama Nukën ꞌIbu kakë banakama ñuixuankëxa: —Ñuixunkëx ka asábi ka usa ꞌain kananuna kamaxunbi Nukën ꞌIbun kikësabiokin ꞌati ꞌain, kiax kikankëxa.

Éxodo 24:7

ꞌAtankëxun ka Moisésnën anua usaía atux ꞌiti bana kuënëokë kirika bitankëxun kamabi unían kuamainun isakëxa isia kuati ka kikankëxa: —Asabi ka añu ꞌaxúnun kara Nukën ꞌIbu kia a kananuna ꞌati ꞌain.

Isaías 44:5

Usa ꞌain ka achúshi uni kiti ꞌikën: ꞌËx kana Nukën ꞌIbuna ꞌainꞌ, bëtsíxribi ka ax ka Jacobnën rëbúnki ꞌikë kiax anëti ꞌikën, ꞌimainun ka bëtsínribi aín mëkënnu: ꞌËx kana Nukën ꞌIbunan ꞌai kixun kuënëoti ꞌikënꞌ.” Usai ꞌikin ka aín anëkëñun Israelnën anëribi kuënëoti ꞌikën.

Deuteronomio 26:17

Mitsux kamina bërí Dios ax isa mitsun ꞌIbu ꞌikë kiax kian, kianan kamina ax kikësabi oi ꞌiti bana ꞌimainun a tanti bana kuënëo akamax kikësabiokin tanti ꞌai kian.

Josué 24:20

An ka mitsunmi a ënkin bëtsi dioskama rabia, ka Nukën ꞌIbu upíokian mitsu ꞌakinkë a ënkin ꞌaisamaira okin tëmëramiti ꞌikën.

Josué 24:22

Usai kikania ka Josuénën katëkëankëxa: —Mitsuxbi kamina Nukën ꞌIbu ismina rabinuxun ꞌai kiax kikanin. Kakëxun ka —atúnribi nukamanbi kananuna a ꞌai —kixun kakankëxa.