Josué 24:19 - Kashibo-Kakataibo Biblia

¹⁹ Usai kikania kuatankëxun ka Josuénënribi kakëxa: —Mitsun kuainxunshi rabitisama ka Nukën ꞌIbu ꞌikën, ax ka Dios upíira ꞌianan uisa ñu ꞌatimabi ꞌai ami mitsux ꞌuchati kuëënima.

Josué 24:19 ပူးပေါင်းရင်းမြစ်များ

Éxodo 20:5

Usakin ꞌatankënxun ka a ñukamaribi ami ñanákin rabitima ꞌikën, ꞌëx kana atun Dios ꞌain, ꞌianan kana ꞌëx nishi kian an ñu ꞌatima ꞌatishi kuëënkë aín, bëchikëkama ꞌimainun aín baba aín bëchikënën bëchikë akama ꞌatimokin tëmëranun ꞌimiti ꞌain,

Éxodo 34:14

Usa ꞌain kamina bëtsi dios rabitima ꞌain, ꞌëx kana mitsun ꞌIbu an ñu ꞌatima ꞌaisama okin mitsu bërúankë a ꞌain. ꞌËn anëx ka Dios an ñu ꞌatima ꞌaisama okin bërúankë a ꞌikën.

Éxodo 34:7

ꞌImainun kana bërámabi usa ꞌia ꞌaish xënibua ꞌaínbi usabi ꞌixun nuibakin uin kara bana kuakinma ñu ꞌatima ꞌai ꞌëmi ꞌuchaia akama mëníoxunti ꞌain; ꞌaínbi kana usashi ënkinma axa ꞌuchakë uni ꞌatima oti ꞌain, usakin ꞌanan kana aín papa ꞌuchakë kupínribi aín bakë bëchikëkama ꞌimainun aín babakama ꞌianan aín bëchikënën bëchikënëan bakë bëchipakëkamaribi ꞌatima oti ꞌain.

Isaías 30:11

Mitsun ꞌakë ñu ꞌatimakama kamina ëntima ꞌain kixun, kakin kamina nun ꞌakë ñu ꞌatimakama ëni upiti tsónun nu katima ꞌain, usakin ꞌanan kamina Israel unikaman Dios ꞌupíira a ñuikin nu katima ꞌain.”

Isaías 30:15

Usa ꞌain ka Israelkaman ꞌIbu upíira ax ësai kia: “ꞌËn bana kikësokin ꞌatëkëni kamina mitsux uínbi ubíokëma upiti bukui ië́kë ꞌiti ꞌain. Usa ꞌain kamina uínbi ubiokëma bukui ꞌëmi katamëti kushiñu ꞌikanti ꞌain.” ꞌAínbi kamina mitsun ꞌën kakëxunbi kuëënkáma ꞌain,

Levítico 19:2

Kamabi Israel unikama kamina ësokin kati ꞌain: mitsux kamina upí ꞌiti ꞌain, ꞌëx kana mitsun Dios ꞌaish uisa ꞌuchañumabi ꞌain, usa ꞌain kamina mitsúxribi upí ꞌinuxun uisa ꞌuchabi ꞌatima ꞌain.

Habacuc 1:13

Mix kamina upíira ꞌain, usa ꞌixun kamina ñu ꞌatima ꞌai ꞌuchati kuëënima, usa ꞌain kamina an ñu ꞌatimashi ꞌakë unikama nu ꞌaisama oia, iskinbi nua usakin ꞌanun isëshitin. ¿Uisa kupín kaina uisaibi kikínma unin bëtsi ꞌaia isíbi kima ꞌianan an ñu ꞌatimashi ꞌakë unikaman, asa ꞌikëmabi uni upí sinánñukama ꞌakëbëbi uisaibi kiman?

Mateo 6:24

Ësa ca: Achúshi unin ca rabë́ uni ñu mëëxuntima ꞌicën. Rabë́ uni ñu mëëxuncë ꞌixun ca bëtsishi nuibaquin upí oquin ñu ꞌaxuanan bëtsi nuibatima ꞌicën. Usa ꞌixun achúshinën bana cuaquin bëtsían cacëxun aín bana parë́ti ꞌicën. Usaribiti ca uni curíqui ꞌimainun bëtsi bëtsi ñumishi sináncë ꞌaish Nucën Papa Diosmi upiti sinanima.

Josué 24:18

An ka anun nux uti menu ꞌikë ëmakamanu tsóa unikama chikínun ꞌimiakëxa, usaribi okin ka amorreo axa ënë menu tsóa akamaribi ꞌakëxa. Usokin akama ñu ꞌa ꞌikë kananuna nunribi a rabiti ꞌain ax ka nun Dios ꞌikën.

Josué 24:23

Kiabi ka Josuénën kakëxa: —Asabi ka, usa ꞌain kamina mitsun dios isa kixun, ꞌarakakë ñukama bitankëxun puti ꞌain, putankëxun kamina Israelkama mitsun nuitunënbi Dios amishi sinánkin rabiti ꞌain.

Rut 1:15

Bërútia ka Noemínën kakëxa: —Ka kuat, min tsabë ka ain me anua aín dioskama ꞌikë anubi kuantëkënia. Usa ꞌain kamina mixribi abë kuanti ꞌain.

1 Samuel 3:14

Usa ꞌain ka Elínën aintsikama atun ñu ꞌatima ꞌakë ax ka uínsaranbi, ñuina xaroxunkë anunbi ꞌanan ñu ꞌinainshikë anunbi tërënxunkëma ꞌiti ꞌikë ꞌëx kin.

1 Samuel 6:20

Usokin an ka Bet-semes anu tsókë unikama kiakëxa: ¿Uin kara anubi nixun Nukën ꞌIbun ax upíira ꞌixun ꞌatimokëxun tënëti ꞌik? ¿Uimi okin karanuna bunántisa okin ꞌakë anua Diosan bana ꞌikë ënë numa ꞌatimoia xuti aín?