Josué 24:15 - Kashibo-Kakataibo Biblia

¹⁵ Usa ꞌain kamina mitsun Nukën ꞌIbu rabitisama tani, bëríbi uisa dios kaina mitsun rabitisatani kiax kiti ꞌain: Kaina mitsun chaitiokëkaman Éufrates kakë baka kuëbí pain tsókë ꞌixun rabia dios, a rabiti ꞌain ꞌakima karamina anumi bërí tsókë amorreo unibunën me anu ꞌikë dios akama rabiti ꞌai kiax kamina kiti ꞌain. ꞌAínbi kana ꞌën, xanu ꞌën bakë bëchikëkamabëbi Nukën ꞌIbu kuëënkësa oíshi ꞌiti ꞌain.

Josué 24:15 ပူးပေါင်းရင်းမြစ်များ

Génesis 18:19

ꞌËn kana mi kaísan usa ꞌain kamina min bëchikëkama ꞌinánan, min rëbúnkikama mi ꞌunánmikë bana upíokin kuakin ꞌunánkin uinu ꞌikëx kara ꞌaisa ꞌimainun upí ꞌikë a ꞌati ꞌikën, usakin ꞌakëbëtan kana ꞌën usakin ꞌaxunuxun kakë usakinbi ꞌaxúnti ꞌain.”

Génesis 35:2

Ësakian kakëxun ka Jacobnën aín aintsikama kanan an ñu mëëxunkë unikama ꞌimainun an ñu ꞌaxunkë xanukamaribi kakëxa: —Kamina mitsun bëtsi dioskama ami rabikëkama a ꞌë bëxunkanti ꞌain, bëanan kamina nashitankëxun mitsun chupa upíbu pañuti ꞌain.

1 Reyes 18:21

Timëkamë ꞌëokë ka atu ꞌurama okin kamabi unikama Elíasnën kakëxa: —¿Uínsaran kaina mitsun rabë́ ñu sinankin ñu ꞌakë a ënkanti ꞌain? Dios axa Dios ꞌikë ashi rabikin kamina an kakësabiokin ꞌati ꞌain, ꞌanan kamina Baal axribia asérabi dios ꞌikë ashi rabikin an kakësokinshi ꞌakin rabikanti ꞌain. Ësokin kakëxun ka unikama timë́kë akaman achúshi banabi uínbi káma ꞌikën.

Salmos 119:106

ꞌËn kana asérabi min bana kikësa okinbi ꞌaxunuxun mi kakën, usa ꞌain kana usakinbi mi ꞌaxunti ꞌain: ¡ꞌaxunkin kana mix kikësabi okinshi a tankin ꞌain!

Éxodo 34:15

A menu atsinia anu ꞌikë unikaman mitsubëtan ñu ꞌakatsikixun kakëxunbi kamina ꞌakantima ꞌain, usakin kakima mitsun atubëtan ꞌakëxunbi ka mitsu atun dios rabikin pitia ꞌakë ꞌimainun a ꞌinántia ꞌakë ñukama ꞌakinkin mitsu ꞌuchamiti ꞌikën,

Daniel 3:18

ꞌAínbi kamina nun ꞌakëbëtanmabi mix ꞌapu ꞌixun upíokin ꞌunánti ꞌain, nun kananuna min rabikë dioskama rabianan kurimi ñu tankin ꞌamixun nitsínkë aribi ami rantipuruni tsóbukin rabitima ꞌain.

Miqueas 4:5

Bëtsi ëmanu ꞌikë unikaman ka atun diosbi rabia, ꞌaínbi kananuna nukaman Nukën ꞌIbu Diosan kakësokinshi ꞌati ꞌain.

Hechos 11:23

Xucëx cuanx bëbaquin, Nucën Papa Diosanbia atu judíos uni ꞌicëmabi chuámarua ꞌaísha upí nuituñu ꞌinun ainan ꞌimicë isi ca Bernabé cuëëancëxa. Cuëënquin ca ꞌësëquin cacëxa: —Mitsúnmi bëráma ꞌacë ñu ꞌatëcëníma camina Nucën ꞌIbu Jesús ami ëníma catamëti ꞌain.

Deuteronomio 13:7

a dios kamax ka mitsu ꞌurama ꞌikë ëma kamanuxun rabikë a ꞌikën, usa ꞌaish ka mitsu ꞌurama ꞌianan mitsu ꞌura ꞌixun, mekamanuxun amo amoxun mikama bëararati ꞌikën,

Josué 24:16

Ësakin kakëxun ka Israel unibunën ribi kakëxa: —¡Nun kananuna a rabikinma bëtsi bëtsi dios rabia Nukën ꞌIbun nu ënti kuëenima!

Jueces 6:10

ꞌImainun kana ꞌëx mitsun ꞌIbu Dios ꞌai kixun kana mitsu kakën, usa ꞌain kamina amorreo unikaman rabikë aín dios ami rakuë́kantima ꞌain, kamina bërí atun menu tsótan; ꞌaínbi kamina ꞌën mitsu kakësabiokin ꞌakëma ꞌain.