Josué 24:12 - Kashibo-Kakataibo Biblia

¹² Mitsunmi amorreos unibunën ꞌapu rabë́ aín suntárukëñunbi ꞌa ax ka ꞌakánanti ꞌunan ꞌixunmi manë xëtokën ꞌanan mitsun pian ꞌama ꞌikën, ꞌën kana mitsux kuankë ꞌaímabia atux irapain abánun ꞌimiakën.

Josué 24:12 ပူးပေါင်းရင်းမြစ်များ

Salmos 80:10

Usai ꞌikin kananuna anu ꞌikë aín bashikama ñu tupënan ꞌakësokin tsitsiruakën, ꞌanan kananuna Líbanu me kamabi tsitsirukin biakën.

Salmos 80:9

Usakin kamina anu nux ꞌinun me mëníokën, usakin ꞌakëx ka ꞌapákëxa uvas tapuni ꞌikësaribiti me tsitsirui ꞌuakamë ꞌëokankëxa.

Deuteronomio 31:4

Usai mitsux kuankëbëtan ka Nukën ꞌIbun Sihón ꞌimainun Og amorreo kaman ꞌapumi mitsun aín suntárukama këñunbi abë ꞌakanankin ꞌasaribiokin ꞌanun mitsu ꞌamiti ꞌikën.

Deuteronomio 7:20

ꞌAnan ka chaiira rakuëtanun atu ꞌimikin Nukën ꞌIbun axa abáti sinanx unë́këkama a ꞌimainun, axa ñukëma aribi këñutanun ꞌimiti ꞌikën.

Josué 2:10

Nun kananuna ꞌunanin mitsux Egipto menuax chikíküatsini ukëbëtan ka Diosan anun sikarakënun parúmpapa xónsa kakë a aín nëbë́tsi ëski panárabënun ꞌimiakëxa. ꞌImainun kananuna ꞌunanin mitsun kamina Sihón ꞌimainun Og, amorreo kakë unibunën ꞌapu rabë́ axa Jordán kakë baka ꞌukëmanan bukukë a aín unikama këñunbi maërakatanun këñuakën.