Josué 2:24 - Kashibo-Kakataibo Biblia

²⁴ Ësokin kakëxa: Nukën ꞌIbu ka asérabi a mekama binun nu ꞌakinti ꞌikën. Usa ꞌain ka a menu ꞌikë unikama ꞌitsaira numi rakuë́tia.

Josué 2:24 ပူးပေါင်းရင်းမြစ်များ

Éxodo 15:15

usaía ꞌimainun ka Edomnën suntárunën kushikamaxribi ain ratúkënainshi uinkasmakësa tani ꞌiti ꞌikën, ꞌimainun ka Moabnën ꞌapukamaxribi aín ratúkënëinshi bërëti ꞌikën, usai ꞌimainun ka cananeo unikamaxribi bëráma ꞌiásai kushima aín sinan nëtë́ti rakuë́ti ꞌikën.

Josué 1:8

ꞌImainun kamina uinsaranbi ënkinma a tanti bana ꞌën ꞌamikëxun Moisésnën kuënëo bana nëtën isanan imë́ribi isti ꞌain, usakin ꞌakin kamina ënkinma ënë bana kikësabiokin ꞌati ꞌain. Usakin mi ꞌakëbë ka kamabi ñu mitsun ꞌakë ñukamax upí ꞌiti ꞌikën.

Josué 2:23

Kuantamainun ka an me ñachai kuankë uni rabë́ axribi anua unëkë ni anuax kuanx, Jordán kakë baka shitákiani anua ꞌikë anu kuanxun Josué usaía ꞌikë kamabi ñuixunkin.

Josué 5:1

Kamabi amorreo unibunën ꞌapukaman ka amia bari kuabúkë Jordán kakë baka a ꞌurama ꞌikë ꞌimainun kamabi cananeo unikaman ꞌapu axa parúmpapa Mediterráneo kakë a ꞌurama ꞌikë, akamanbi ka Nukën ꞌIbun Jordán kakë baka anúan Israelkama sikarakënun ëskinun ꞌimikë kuakëxa, kuati ka ꞌaisamaira israel unibumi rakuë́ti abë ꞌakánanti sinánma ꞌikën.

Josué 6:2

Usokin ꞌakë ꞌain ka Nukën ꞌIbun Josué kakëxa: ꞌËn kana Jericó ëmanu ꞌikë ꞌapu, aín suntárukama këñunbi ꞌanun mi ꞌamiti ꞌain.

Jueces 7:9

A imë́ ka Nukën ꞌIbun Gedeón kakëxa: “Ënuax kuanxun kamina madianitakama ꞌai kuanti ꞌain, ꞌën kana mitsunmi abë ꞌakanankin abámikin ꞌanun mitsu ꞌamiti ꞌain.