Josué 2:22 - Kashibo-Kakataibo Biblia

²² Usokian ꞌakëx ka an me ñachai ukë uni rabë́ ax kuantankëx rabë́ ꞌimainun achúshi nëtë ꞌimi ninu unëakëxa, usaía ꞌimainun ka suntárukaman mëranuxumabi mekama okin pë́kasmakin baribiani amiribishi Jericó kakë ëmanu kuantëkëankëxa.

Josué 2:22 ပူးပေါင်းရင်းမြစ်များ

2 Samuel 17:20

Usokin ꞌanbi ka Absalónnën xukëx atu nuibiani kuankë suntárukamax anu bëbakin xubu ꞌibun xanu a ñukákëxa: —¿Ënu kara Ahimaas ꞌimainun Jonatán ukëma ꞌik? —Kixuan ñukákëxunbi ka báko kikiani kuania kana isan —kixun xanun kakëxa. Usa ꞌain ka Absalónnën suntárukama barikinbi ꞌakasmabiani amiribishi Jerusalénnu rikiantëkëankëxa.

Josué 2:21

—Asabi ka usa ka ꞌiti ꞌikë —kixun ka xanun kakëxa. Katankëxun ka na kuantanun xuakëxa. Xukëx kuankëbëtan ka aín itsi xónsa anun sënkikianxa ꞌibúkë a bitankëxun aín xubu kaxú xëkuë chukúma anu bëntankëxa.

Josué 2:23

Kuantamainun ka an me ñachai kuankë uni rabë́ axribi anua unëkë ni anuax kuanx, Jordán kakë baka shitákiani anua ꞌikë anu kuanxun Josué usaía ꞌikë kamabi ñuixunkin.