Josué 2:19 - Kashibo-Kakataibo Biblia

¹⁹ Uix kara min xubunuax ëman chikitia ꞌakëx bamaia ax ka aín ꞌuchabi ꞌiti ꞌikën; usa ꞌain ka ax nun ꞌuchama ꞌiti ꞌikën. ꞌAínbi ka uin kara min xubunu ꞌikë uni anu atsínxun ꞌaisamoia ax ka nux ꞌuchakë ꞌiti ꞌikën.

Josué 2:19 ပူးပေါင်းရင်းမြစ်များ

2 Samuel 1:16

ꞌakëbë ka David kiakëxa: —Mix bamakë ënëx ka mixi kamina min ꞌucha chikínati ꞌënbi kana Diosan kaískë ꞌapu ꞌa kiax kikë a kupími bamakë ꞌikë kiakëxa.

Éxodo 12:13

Ñuinakan imi ax ka anúnmi mitsun xubu xëkuë anumi ꞌikë a ꞌunántiokin shiti ꞌiti ꞌikën. Usakin ꞌakin ꞌën egipcio unikaman rëkuë́n bëchikëkama këñúmikëbëbi ka mitsun bëchikëkama achúshirabi bamatima ꞌikën, imin xubu xëkuë shikë a isi ꞌëx amotan inúkëbë ka këñutima ꞌikën.

Éxodo 12:22

Rëkin kamina xampa chami aín imi biti ꞌain. Bitankëxun kamina sëbunkin hisopo kakë ro pëñan aribi biti ꞌain. Bixun kamina ñuina imi ami chabóxun anun kamabi mitsun xubu xëkuë ꞌimainun itáribi anun ꞌunánti okin shiti ꞌain. Usakin ꞌatankëx kamina pëkaratisama ꞌain mitsun xubunuax chikítima anu pain ꞌiti ꞌain.

Éxodo 12:23

Usokin ꞌakë ka Nukën ꞌIbun egipcio unikaman rëkuë́n bëchikë bamatanun këñumi inúkinbi xubu xëkuë imin shikë isi ka a ꞌurama oíma amotan kuainti ꞌikën. Usa ꞌain ka Nukën ꞌIbun an uni bamamitia xukë aín ángel mitsun xubunu atsínun ꞌimitima ꞌikën.

Mateo 24:17

Aín xubu ëman ꞌicë unicamaxribi ca abánuxun, aín ñu pain bitsi aín xubunu atsíntëcënima ashiti cuanti ꞌicën.

Hechos 18:6

Cacëxbi ca aín bana timanan ami ꞌatimati banai ami nishacëxa. Usaía ꞌia ca Pablonën anuax ca cuania quixuan atun ꞌunánun aín chupa tacaquin cacëxa: —Mitsúxbi ꞌiisama tani camina Nucën Papa Diosnan ꞌitima ꞌain. Usaími ꞌicëxbi ca ꞌën ꞌuchama ꞌicën. Mitsúnmi ënë bana cuaisama tancëbëtan cana judíosma unicama ñuixuni cuanin.

Hechos 20:26

Mitsúnmi ꞌë istëcëncëxunmabi cana ësoquin mitsu cain, uisai cara Jesucristo cupí aín unicamax, an mëníosabi oi ꞌiti ꞌicë quixuan Nucën Papa Diosan ꞌë ꞌunánmicë, acama ñuiquin cana mitsuishima camabi ëmanu ꞌicë unicamaribi ñuixuan. Usa ꞌain ca ꞌën Jesucristo ñuiquin bana ñuixunia cuatibia ami catamëcëma ꞌain ꞌën ꞌuchama ꞌicën.

Hechos 27:31

Usoquian a unicaman ꞌaia oquin ca Pablonën Capitán Juliocëñun aín suntárucama cacëxa: —Ënë unicama manë nuntinu bërúcëbëma camina mitsux bacamiquiti ꞌain.

Filipenses 3:9

Usa ꞌaish cana usai judíos unicama ꞌiti Moisésnën cuënëo bana quicësabi oquin ꞌacë cupíma axa ꞌëbë ꞌinun Cristomi catamëcë cupíshi Nucën Papa Diosan iscëx upí ꞌain. Usa ꞌicë ca an axa Cristomi catamëcë aín unicama ꞌacësaribi oquin Nucën Papa Diosan ꞌë upí isia.

Hebreos 10:29

A unia usoquin ꞌásamaira oquin ca axa aín Bëchicë ꞌimainun aín Bëru Ñunshin Upími ꞌatimati banacë uni a Nucën Papa Diosan castícanti ꞌicën. Nucën Papa Diosan Bëchicë, axa unicama ꞌuchañu ꞌicëbi ië́minux aín imi ꞌapati bama, a ami ꞌatimati bananan Nucën Papa Diosan Bëru Ñunshin Upí an uni nuibaquin ꞌaquincë ami ꞌatimati banacë, a unicamax ca an Moisésnën cuënëo bana ꞌacëma unia ꞌacësamaira oquian Nucën Papa Diosan castícancë ꞌiti ꞌicën.

Josué 2:12

Usa ꞌain kana mi ñukatin ënuxunbi kamina Nukën ꞌIbun anën sinanátëkëntimokin asérabi ꞌë kati ꞌain, ꞌën aintsikama kamina mitsu bërí ꞌën ꞌakësaribi okin ënë ëmanu ꞌikë unikama ꞌakinbi ꞌatima ꞌain. Asérabi karamina këmëima ꞌunánnun kamina ꞌë kati ꞌain,

Josué 2:14

Ësokin kakëxun ka rabë́ unin kakëxa: Nun ënë me bitsi ukin min aintsikama ꞌaia ka Diosan nuribi bamanun ꞌimiti ꞌikën, usa ꞌain kamina nun mi kakë bana ënë uibi ñuixuntima ꞌain. Usa ꞌain kananuna Nukën ꞌIbun ënë me ꞌinánkëxun bixun nukaman mi upíokin ꞌakinti ꞌain.

Josué 2:20

Usa ꞌain kamina uinu ꞌikë unibi nun mi kakë bana ënë ñuixuntima ꞌain, usama ꞌain ka asérabi usakin ꞌaxúnun mi kakë ënëx usabi ꞌiti ꞌikën.