Josué 2:14 - Kashibo-Kakataibo Biblia

¹⁴ Ësokin kakëxun ka rabë́ unin kakëxa: Nun ënë me bitsi ukin min aintsikama ꞌaia ka Diosan nuribi bamanun ꞌimiti ꞌikën, usa ꞌain kamina nun mi kakë bana ënë uibi ñuixuntima ꞌain. Usa ꞌain kananuna Nukën ꞌIbun ënë me ꞌinánkëxun bixun nukaman mi upíokin ꞌakinti ꞌain.

Josué 2:14 ပူးပေါင်းရင်းမြစ်များ

Génesis 24:49

Usa ꞌain kamina bëríbi ꞌë kati ꞌain kaina ꞌën mi kakë ënë an ꞌë ñu mëmikë ax kikësa okin ꞌati ꞌain, kamina ꞌë kati ꞌain añu karana ꞌën ꞌati ꞌai kixun ka uni an kakëxa.

Génesis 47:29

Usai anu ꞌixun ka Jacobnën achúshi nëtën bërí kana kaniakëkë ꞌain kana ñuti ꞌain kixun sinánkëxa. Sinánkin ka José abë bananua unun kixun kamiakëxa: —Asérabi ꞌën mi kakësabiokin ꞌaisatankin kamina ꞌën kisinu min mëkën nanti ꞌain ꞌimainun kana sinanatëkëntima okinmi ꞌanun mi kain. Uisa ꞌixunbi kamina ñuia Egipto me ënu ꞌë maintima ꞌain.

2 Samuel 2:5

kakëxun ka Davidtan anu ꞌikë unikama kamikin ësokia katánun uni xukin kamiakëxa: “Diosan ka mitsu ꞌupiokin nuibakin ꞌakinti ꞌikën, mitsun kamina Saúl ñukë ꞌikë upíokin mainkakën.

2 Samuel 2:6

Usa ꞌain ka Diosan mitsu nuibakin ꞌakinti ꞌikën: ꞌAkimainun kana ꞌënribi mitsumi usakin ꞌakë a kupí nuibati ꞌain.

2 Samuel 9:1

Achúshi nëtën ka Davidtan aín unikama ñukákëxa: “¿ꞌAima kara Saúlnën aintsikama achirabi ꞌik? ꞌën Jonatán a sinánkin ꞌakinun.”

Mateo 5:7

An ꞌaquinsa ꞌicë uni itsi nuibaquin ꞌaquincë uni a ca Nucën Papa Diosanribi nuibaquin ꞌaquinti ꞌicën. Usai ca ꞌiti ꞌicë quixun ꞌunani ca chuámarua tani cuëënia.

Hechos 23:22

Quixuan cacëxun ca cuantánun xuquin, comandantenën Pablonën chirabacën tuá cacëxa: —A ñuiquinmi ꞌë cacë bana ënë camina uibi ñuixuntima ꞌain.

Josué 2:13

Usa ꞌain kamina ënë me bitsi atsínkin ꞌën papa ꞌën tita ꞌimainun ꞌën xukë́n ꞌën rarëbakë, ꞌianan abëa ꞌikë unikama këñunbi nu ꞌatima ꞌain. ¡ꞌAkinma kamina nukama këñunbi ëñëmiti ꞌain!

Josué 2:15

Usa ꞌain ka Rahabnën xubu ax anun ëma kënëkin buinarakin kënëkë amibi birukin a manámibi ꞌakë ꞌiakëxa, usa ꞌikë ka atun me ñachai kuankë uni rabë́ a itsi në́nkë tëkërëkaxun anun aín xubu xëkuë chukúma manámi ꞌikë au nanpákëxa.

Josué 6:17

A ëmax ka anu ꞌikë ñukama këñunbi rurapakin ꞌaisama oti ꞌikën, usakin ꞌanun ka Nukën ꞌIbu kiaxa. ꞌAnan kamina bëtsi bëtsi unibëa ꞌikë xanu Rahab kakë a ꞌimainun aín xubu ꞌukëmëu abë timë́kë aín aintsikamaishi uisabi otima ꞌain, an ka atun ëma ñachati xukë uni rabë́ a unëaxa.

Josué 6:22

Usomainun ka Josuénën an me ñachatia xukë uni rabë́ a kakëxa: “Aín xubunu kuanxun kamina bëtsi bëtsi unían aín nami ꞌakë xanu a bianan aín xubunu ꞌikë aín aintsikama aribi mitsun mi usakin ꞌakinuxun kakësabiokin biti ꞌain.”

Josué 6:25

ꞌAínbi ka Josuénën Rahab ꞌimainun aín aintsikamainshi, Jericó ëma ñachatanun xukëx kuankë uni rabë́ ꞌakatsikixun barikaniabi unëkë a kupín uisabi okima biakëxa. Usa ꞌain ka Rahabnën rëbúnkikamax israel unikamabë upitax tsóakëxa.

1 Samuel 20:8

Usa ꞌain kamina ꞌën mi kamainun usakin ꞌati ꞌain, ꞌëx kana an mi ñu mëëxunkë uni ꞌain, ꞌimainun kananuna Nukën ꞌIbun ismainun nux manutibi sinanatëkëntima oi nuibanankatsi kian. Usa ꞌain kamina ꞌatimokin ñu ꞌaia minbi ꞌë ꞌati ꞌain. Usa ꞌain kamina min papanu ꞌë buánti sinántima aín.