Josué 2:12 - Kashibo-Kakataibo Biblia

¹² Usa ꞌain kana mi ñukatin ënuxunbi kamina Nukën ꞌIbun anën sinanátëkëntimokin asérabi ꞌë kati ꞌain, ꞌën aintsikama kamina mitsu bërí ꞌën ꞌakësaribi okin ënë ëmanu ꞌikë unikama ꞌakinbi ꞌatima ꞌain. Asérabi karamina këmëima ꞌunánnun kamina ꞌë kati ꞌain,

Josué 2:12 ပူးပေါင်းရင်းမြစ်များ

Génesis 21:23

Usa ꞌain kamina, sinanatëkëntima okin Nukën ꞌIbu Diosan ismainun, ënë menuax, nukamabë ꞌatimonantima ꞌain, ꞌimainun kamina ꞌën bëchikëkama ꞌimainun ꞌën rëbúnkikamaribi ꞌain. Akima kamina sinanatëkënkinma ꞌën mi ꞌakësaribi okin ꞌëribi ꞌati ꞌain, ꞌanan kamina usaribiokin kamabi ënu ꞌikë unikama ꞌati ꞌain, anumi bërí tsókë me ënuxun.

Génesis 24:3

sinanatëkëntima okin Nukën ꞌIbu naí ꞌimainun ënë me bërúankë an ka ꞌën bëchikë Isaacnën ënë menu ꞌikë xanukama binun ëntima ꞌikën, anu ꞌëx tsókë Canaán kakë me ënua,

Génesis 24:9

Ësokian kakëxun ka an ñu mëëxunkë unin aín kisinu aín mëkën nankin Abraham, bëtsiokin min sinántima okin kana min kakësabiokin ꞌati ꞌain kixun kakëxa.

Génesis 40:14

Usa ꞌain kamina mia usokëxun min ꞌëmiribi sinánti ꞌain, sinánkin kamina ꞌapu faraón ꞌëribia ënua chikínun kati ꞌain. ¡Usa ꞌain kamina ꞌëribi nuibakin ꞌakinti ꞌain!

Éxodo 12:13

Ñuinakan imi ax ka anúnmi mitsun xubu xëkuë anumi ꞌikë a ꞌunántiokin shiti ꞌiti ꞌikën. Usakin ꞌakin ꞌën egipcio unikaman rëkuë́n bëchikëkama këñúmikëbëbi ka mitsun bëchikëkama achúshirabi bamatima ꞌikën, imin xubu xëkuë shikë a isi ꞌëx amotan inúkëbë ka këñutima ꞌikën.

Marcos 14:44

Usa ꞌain ca buánquin Judasnën abë cuancë unicama cacëxa: —ꞌËn bëtsucucaia isquin camina ꞌunánti ꞌain, ax ca Jesús ꞌicë quixun. ꞌUnánquin a bixun camina bërúinra oxun buánti ꞌain.

Romanos 1:31

Usa ꞌaish ca sinánñuma ꞌianan, aín quicësabi oquin ñu ꞌacëma ꞌianan uni itsi nuibacëma ꞌianan abë nishananxbi uni itsibë mëníonainsama tanan ꞌaquinsa ꞌicëbi uni ꞌaquinima.

1 Timoteo 5:8

Uni ꞌimainun xanu Jesucristomi catamëcë ꞌixunbia, an aín xubunu ꞌicëcama ꞌimainun aín aintsi ꞌibucamaribi ami sinánquin ꞌaquincëma, ax ca Jesucristomi catamëcëmasa ꞌicën. Usa ꞌaish ca axa Jesucristomi catamëcëma uníxa ꞌicësamaira oi ꞌatimaira ꞌicën.

Santiago 2:13

Anúan an camabi unin ñu ꞌacë isti nëtë anun ca Nucën Papa Diosan, an bëtsi uni nuibaquin ꞌaquincëma unicama a aín ꞌucha cupí uisa cara oti ꞌicë usoquin ꞌati ꞌicën. Usonan ca an bëtsi uni nuibaquin ꞌaquincë unicama ashi uisabi otima ꞌicën.

Josué 2:13

Usa ꞌain kamina ënë me bitsi atsínkin ꞌën papa ꞌën tita ꞌimainun ꞌën xukë́n ꞌën rarëbakë, ꞌianan abëa ꞌikë unikama këñunbi nu ꞌatima ꞌain. ¡ꞌAkinma kamina nukama këñunbi ëñëmiti ꞌain!

Josué 2:18

ꞌAínbi kamina nux ënë menu bëbai ukëbëtainshi, itsi achúshi xónsa anun nux ꞌibúkë ënë min xubu xëkuë chukúma ënu bënë́kinshi bëntanti ꞌain. Usakin ꞌanan kamina min xubunu min papa min tita ꞌimainun min xukë́n min rarëbakëkama ꞌimainun min papan aintsikamaribi bënë́kinshi timëti ꞌain.

Josué 2:19

Uix kara min xubunuax ëman chikitia ꞌakëx bamaia ax ka aín ꞌuchabi ꞌiti ꞌikën; usa ꞌain ka ax nun ꞌuchama ꞌiti ꞌikën. ꞌAínbi ka uin kara min xubunu ꞌikë uni anu atsínxun ꞌaisamoia ax ka nux ꞌuchakë ꞌiti ꞌikën.

Josué 6:22

Usomainun ka Josuénën an me ñachatia xukë uni rabë́ a kakëxa: “Aín xubunu kuanxun kamina bëtsi bëtsi unían aín nami ꞌakë xanu a bianan aín xubunu ꞌikë aín aintsikama aribi mitsun mi usakin ꞌakinuxun kakësabiokin biti ꞌain.”