Josué 2:11 - Kashibo-Kakataibo Biblia

¹¹ Usakin mitsun ꞌakë kuati kananuna nukamax ꞌaisamaira rakuëakën, usa ꞌain ka uinu ꞌikë ꞌën aintsikamaxi mitsubë ꞌakánanti kuëënima. Nun kananuna ꞌunanin mitsun rabikë Dios ax ka naí manámi ꞌikësaribi ꞌianan ënë menu kushiira ꞌikën.

Josué 2:11 ပူးပေါင်းရင်းမြစ်များ

1 Reyes 8:60

usakin nu ꞌakinia ka bëtsi menu tsókë unikaman Israel unikama an ꞌakinkë Dios usaribi bëtsi Dios ka ꞌaíma ꞌikë kixun ꞌunánti ꞌikën.

2 Reyes 5:15

Usai ꞌi pëxkukiani ka abëa kuankë unikamabë an bana ñuikë Eliseo isi anu kuankëxa. Kuanx anu bëbakin ka Naamánnën kakëxa: —¡Bërí kana ꞌën upíokin ꞌunanin kamabi menu ka Dios ꞌaíma ꞌikën, ꞌaínbi ka Israel menushi achúshi Dios ꞌikën! Usa ꞌain kamina an mi ñu ꞌaxúnti uni ënën mi ñu ꞌinaishikaskëxun ꞌëmi pëxkukë kupí bishiti ꞌain.

Salmos 22:14

ꞌËx kana ꞌumpax ampë́nkikë usaribi ꞌain; ꞌën xokama ëchikibutia tankësa kana tanin. ꞌËn nuitunëx ka charokëxa xara kuëxu charákësa usaribi ꞌikën.

Éxodo 15:14

Usai nux kuania kuati ka bëtsi bëtsi menu ꞌikë unikama rakuëtan bamai bërëti ꞌikën, usai ꞌikëbë ka filisteo unikamaxribi aín sinan bëtsi sinani rakuë́ti ꞌikën,

Éxodo 15:15

usaía ꞌimainun ka Edomnën suntárunën kushikamaxribi ain ratúkënainshi uinkasmakësa tani ꞌiti ꞌikën, ꞌimainun ka Moabnën ꞌapukamaxribi aín ratúkënëinshi bërëti ꞌikën, usai ꞌimainun ka cananeo unikamaxribi bëráma ꞌiásai kushima aín sinan nëtë́ti rakuë́ti ꞌikën.

Deuteronomio 4:39

Usa ꞌain kamina a banakama upíokin ꞌunánkin manukima sinánti ꞌain, naínu ꞌianan ka menuribi, asaribi bëtsi Dios ꞌaíma ꞌikën.

Josué 2:24

Ësokin kakëxa: Nukën ꞌIbu ka asérabi a mekama binun nu ꞌakinti ꞌikën. Usa ꞌain ka a menu ꞌikë unikama ꞌitsaira numi rakuë́tia.

Josué 5:1

Kamabi amorreo unibunën ꞌapukaman ka amia bari kuabúkë Jordán kakë baka a ꞌurama ꞌikë ꞌimainun kamabi cananeo unikaman ꞌapu axa parúmpapa Mediterráneo kakë a ꞌurama ꞌikë, akamanbi ka Nukën ꞌIbun Jordán kakë baka anúan Israelkama sikarakënun ëskinun ꞌimikë kuakëxa, kuati ka ꞌaisamaira israel unibumi rakuë́ti abë ꞌakánanti sinánma ꞌikën.

Apocalipsis 6:16

Unë́quin ca aín bashi ꞌimainun xaxu chacama caxa: —A nëtë anúan axa anu tsóti upíira upí, anu ꞌApuira tsóti, anu tsócë Nucën Papa Dios a ꞌimainun Carnero ꞌicësaribitia unin ꞌucha cupí bama, an axa ami sináncëma unicamami nishquin castícanti nëtë ca uaxa. Usa ꞌain ca unicamax uíxbi ië́tima ꞌicën. Usa ꞌain ca nunu rurucubut, ꞌApuira an nu isnúnma ca rurucubúquin nu unput. Carnero ꞌicësaribitia unin ꞌucha cupí bama, axa nun ꞌucha cupí numi nishcë, an nu castícanxunma ꞌanun ca nu unët.