Josué 10:13 - Kashibo-Kakataibo Biblia

¹³ Usaia kikëbë ka ꞌuxë nirakëmainun bariribi nirakëakëxa nirakëkëbëtan ka Israel unibunën axa ami nishkë unikama abë ꞌakanankin ꞌakëxa. Ënë banax ka bëtsi kirikanu kuënëokë ꞌikën usaía Israel unibu ꞌakanamainun ka bari naí nëbëtsi nirakëax achúshi nëtë ꞌimi kuabuama a bana ñuikin ꞌakë ꞌikën.

Josué 10:13 ပူးပေါင်းရင်းမြစ်များ

2 Samuel 1:18

ësai rarumati kiti bana ënë ka kamabi Judá menu tsókë unikaman ꞌunánti ꞌikë, kiax ka kiakëxa. Usa ꞌain ka bëunan mëskuti ini kia bana ënë anua Israel unikama ꞌusai ꞌikë ñuikin kuënëokë kirikanuribi kuënëokëxa:

Salmos 148:3

¡Bari ꞌimainun, ꞌuxënribi ka rabiti ꞌikën! ¡An mananmixubi pëkakë, akamanribi ka rabiti ꞌikën!

Salmos 19:4

ꞌaínbi ka kamabi menu ꞌikë unikaman aín bana ꞌunania, usa ꞌaishi ka uinu kara me kuainakëakëxa anuxunbi aín anë kuakë ꞌikën. Anu ka Diosan achúshi ñu anua bari ꞌiti ꞌakëxa,

Joel 2:10

Usa ꞌain ka an ꞌimikëx me shaíkia, ꞌimainun ka naíribi shaíkiti ꞌikën, ꞌianan ka bari ꞌimainun ꞌuxë bë́ankiti ꞌikën, ꞌimainun ka ꞌispakamanribi pëkima nëtë́ti ꞌikën.

Joel 2:31

Usa ꞌain ka bari pë́kaima bënamainun ꞌuxën pëkakë axribi imi ꞌiti ꞌikën, usai ka Diosan nëtë chaiira ax ami rakuë́ti ꞌiti ꞌikën.”

Joel 3:15

A nëtë ꞌikëbëtan ka bari, ꞌuxë ꞌimainun ꞌispa akaman pë́katima ꞌikën.

Habacuc 3:11

ꞌIanan ka bari ꞌimainun ꞌuxë amiaxa urukë anuax uruima anubi nirakëti ꞌikën, usai ꞌikëbë kamina mix pia upíira axa ichúkuatsini ukësa ꞌianan, paka pia axa nikëx mëríkiani kuankë usaribi ꞌain.

Mateo 24:29

Usoquin canan ca ësaquinribi Jesusan aín ꞌunánmicë unicama cacëxa: —Usaía tëmërai anun uni bënë́ti nëtëcama ꞌicëbë ca bari bëánquinuxun ꞌaia, ꞌuxë́nribi ca pëcanuxunma ꞌaia. ꞌIsparibi ca rëucunuxun ꞌaia, naícamëꞌëo shaíquicëbë ca anua ꞌicë ñucamaxribi shaíquinuxun ꞌaia.

Mateo 5:45

Usaquin ꞌacë ꞌaish camina asérabi mitsun Papa Dios axa naínu ꞌicë an sináncësabi oquin sináncë ꞌain. An ca camabi uni, upí uni ꞌimainun upíma uni aribia pëcanun bari urumianan camabi unin ñu ꞌapácë chabónun ꞌuíribi ꞌibúmia. Usaribi oquin camina camabi uniribi nuibaquin ꞌaquinti ꞌain.

Lucas 18:7

¿An usaquin ꞌacë ꞌain cara Nucën Papa Diosan axa ainan ꞌinúan an caíscë aín unicama an nëtë́nbi, imë́bi a ñucácë, acama bërúanquin ꞌaquintima ꞌic? ¿Cara ꞌaquinquinma tënánpati ꞌic? Usama ca.

Josué 10:11

ꞌAkëbëa amorreo suntáru rairinëxribi abati Bet-horón kakë ëma ratanbiani israel suntárukaman ꞌakëx abati kuankëbëtanbi ka Nukën ꞌIbun matsin tita aín bëru chaiirabu ꞌibúkin aín manë xëtokën israel suntárukaman ꞌakësamaira okin këñunun ꞌamiakëxa.

Josué 10:14

Uinsaranbi ka achúshi nëtë ënë nëtë́an ꞌakësaribi okin Nukën ꞌIbun achúshi unin kakëxun kuakin ñu ꞌakë ꞌaíma ꞌiakëxa, an ka Israel unibunën rabanan në́kin ami nishkë uni ꞌanun ꞌamiakëxa.

Apocalipsis 21:23

A ëma ca Nucën Papa Diosanbi pëcaia. Carnero ꞌicësaribitia unin ꞌucha cupí bama, anribi ca a ëma pëcaia. Usa ꞌain ca baribëtan ꞌuxën a ëma pëcaima.

Apocalipsis 6:10

A ñunshinax ca munuma banai quiaxa: —Nucën ꞌIbu Dios, upíira upí ꞌaish ꞌuchañumaira ꞌixun mix quicësabi oquin ꞌacë ꞌicë, ¿uínsarainra caramina menu ꞌicë unicama, an nu ꞌa, a cupiti ꞌain?

Apocalipsis 6:12

Usai ꞌicëbëtan ca Carnero ꞌicësaribitia unin ꞌucha cupí bama, an anun quirica tacáshcacë ñu itsiribi pëóshaxa. Pëóshcëbë ca mecama shaíquiaxa. Usai ꞌicëbë ca bari bëánquiaxa, chupa tunánsa ꞌinun. ꞌImainun ca ꞌuxë imi iscësa ꞌiaxa.

Apocalipsis 8:12

Usai ꞌicëbëtan ca bëtsi ángelnënribi aín manë banañu banoxa. Banocëbë ca bari, ꞌuxë ꞌimainun ꞌispacamaribi ꞌitsa ꞌaíshbi nëbë́tsi rabë́ ꞌimainun achúshi oquin tëacësa ꞌaíshbi amo ꞌicë achúshi bënamëti pëquicëma ꞌicën. Usa ꞌain ca nëtë ꞌimainun imë́ribi nëbë́tsi rabë ꞌimainun achúshi oquin tëacësa ꞌaíshbi amo ꞌicë achúshi bari, ꞌuxë, ꞌispacaman pëcacëma ꞌiaxa.

Jueces 16:28

Usai filisteo unikama anu timëkamë ꞌëokë ꞌain ka, Sansónnën munuma banakin Dios kakëxa: “ꞌËn ꞌIbu ꞌën kana mi kain usa ꞌain kamina achúshira ꞌoíshi ꞌëmi sinántëkënti ꞌain, ꞌë kamina min kushi ꞌinánti ꞌain, ꞌën bëru rabë́ ëchikë kupí filisteo unikama achúshi okin ꞌakë anuishi bëríbi këñuminun.”

Jueces 5:2

Kamaxunbi ka Nukën ꞌIbu rabikan, Israel unibunu ka axa ꞌakanani kuainsa unikama ꞌikën; usa ꞌaish ka Israel unibunu ꞌakanani kuanti ka kixuan aín ꞌapun kakëx kuantishi ꞌikën.