Josué 1:17 - Kashibo-Kakataibo Biblia

¹⁷ Usa ꞌain kananuna min kakëxun min bana tankin ꞌanan, Moisésnën kakëxun ꞌásabiokin ꞌati ꞌain. Usa ꞌain kananuna nukaman kuëënin Diosan ka Moisés ꞌakiansaribi okin miribi ꞌakinti ꞌikën.

Josué 1:17 ပူးပေါင်းရင်းမြစ်များ

1 Reyes 1:37

Usa ꞌain ka Diosan uisakin kara mi ꞌapu ꞌikë ꞌakianxa, usarabi okin Salomón ꞌapu ꞌikë ꞌakinti ꞌikën, usakin ꞌakinkëxun ka kamabi ñu upíokin ꞌati ꞌikën, ꞌapu ꞌixun ka an ꞌën ꞌIbu Davidtan ꞌasamaira okin ñu ꞌati ꞌikën.

Números 27:18

Ësokian kakëxun ka Nukën ꞌIbun Moisés kakëxa: —Josué Nunnën bëchikë ax ka achúshi uni upí sinánñu ꞌën kaískë ꞌikën. Usa ꞌain kamina aín maxkánu min mëkën nankin kati ꞌain.

Números 27:20

ꞌinánkin kamina minmi ꞌakësaribi okin ꞌanun kati ꞌain, usa ꞌain ka kamabi Israel unikaman an kakësabiokin aín bana tankin ꞌati ꞌikën.

Mateo 21:9

Usobiani ca sharáquiani unicama cuancëxa, raírinëxa rëcuë́nmainun ca raírinëxribi Jesús caxu cuanquin a rabi cuëëni sharati quicancëxa: —Davitan rëbúnqui Nucën ꞌIbu ax ca upíira ꞌicën. Nucën ꞌIbu Diosan xucëx ca ënëx bërí aia. A ca camabi unin rabiti ꞌicën. Nucën ꞌIbu Dios, naínu ꞌicë, aribinu cuëënquin rabinun ca ꞌacan.

Deuteronomio 34:9

ꞌImainun ka Diosan Moisés kakësabi oi Nunnën bëchikë Josué a ain maxkánu aín mëkën nankin Moisésnën aín sinan ꞌinánkë ꞌiakëxa. Usa ꞌikë ka Israel unibunën aín bana kuakin Moisés Nukën ꞌIbun kásabiokin Israel unikaman Josuénën bana tankëxa.

Josué 1:16

Ësokin kakëxun ka atúnribi Josué kakëxa: —Asabi ka min nu kakësabiokin ꞌai kananuna uinu karamina nu xuti anubi kuanti ꞌain.

Josué 1:18

Usa ꞌain ka uin kara min kakësabiokin ꞌaisamatani kërutia a unix ꞌakë ꞌiti ꞌikën. Usa ꞌain kananuna nun mi kain uisai kara uni ꞌikëbëbimi rakuëaxma kushinun.

Josué 1:5

Uínbi ka uisaxunbi mibë ꞌakanankin mitsu kanantima ꞌikën, ꞌën kana Moisés ꞌasaribiokin, ꞌën kushínbi ꞌakianan uínsarabi ënkinma mi ꞌakinti ꞌain.

Josué 1:9

ꞌËn kana mi kain usa ꞌain kamina kushi sinani rakuë́tima ꞌain. Usa ꞌain kamina rakuë́kin kana ꞌaíma kixun sinántima ꞌain, min ꞌIbu Dios ꞌëx kana mibë uinu karamina kuani anubi ꞌiti ꞌain.

Josué 4:14

A nëtën ka Nukën ꞌIbun kamabi Israel unibu Josuénën usakin ñu ꞌaia isi rakuë́kin aín bana tankin an kakësabiokin ꞌanun ꞌimiakëxa, Moisés ñukëma pain ꞌixun ꞌamikëxua abëtan ñu ꞌasarabi okin ka usokin ꞌakëxa.

1 Samuel 17:37

Nukën ꞌIbu an ꞌë paru ꞌinúan ꞌimainun xaë́onnën bisa tana nitsiabi ꞌë ꞌakinkë, an ka filisteo uni ënë ꞌaia ꞌë ꞌakinti ꞌikën. Ësai kia kuakin ka Saúlnën kakëxa: —Asabi ka usa ꞌain kamina Nukën ꞌIbun mi ꞌakimainun ꞌai kuanti ꞌain.

1 Samuel 20:13

ꞌaínbi kana ꞌën papan mi ꞌatima oti sinántëkënkëbëtan ꞌën mi abátanun kanan upitaxmi kuantanun ꞌakiniama Nukën ꞌIbun uisakin kara ꞌaisa tania, usakin ꞌë ꞌatima oti ꞌikën. ¡Usa ꞌain ka Nukën ꞌIbun mi ꞌakinti ꞌikën ꞌën papa ꞌakiansaribi okin!