Josué 1:14 - Kashibo-Kakataibo Biblia

¹⁴ Usa ꞌain kamina mitsun xanu min bakë bëchikë ꞌimainun ami ꞌarakakë ñuinakama këñunbi Moisésnën mitsu ꞌinan me Jordán kakë baka nëkë manan ënubi ëbianti ꞌain. Ëbiani kamina ax ꞌakanainsa unikamaxëshi aín manë xëtokë bibiani mitsun xukë́nkama ka ꞌakanania ꞌakini kuanti ꞌain,

Josué 1:14 ပူးပေါင်းရင်းမြစ်များ

Éxodo 13:18

Usa ꞌain ka Diosan Israel unikama anu uni ꞌikëma me anun kuankian parúmpapa xónsa kakë a ratanarati kuanun ꞌimiakëxa. ꞌImikëx ka Egipto menuax kuani Israelkaman suntáru kuankësa usarabi kiani kuankëxa.

Deuteronomio 33:21

Usa ꞌain ka ainanbi ꞌinun bëtsi ñaká Israelkama me ꞌinánkin aín kushibunën, Gadnën rëbúnkikama ꞌapunan ꞌiisa me ꞌinánti ꞌikën. Anuxun ka aín ꞌapun kakësokin ꞌanan; Nukën ꞌIbun bana kikësokin Israel unikama ꞌakinti ꞌikë kixun ka Moisésnën kakëxa.

Josué 1:13

Mikaman kamina sinánti ꞌain, Nukën ꞌIbun uni Moisés ax ka ësai kia bana a nun ꞌIbu Dios an ka anumi upitax bukukanti ënë me ꞌinánti ꞌikë kixun nun chaitiokama kakëxa.

Josué 1:15

Nukën ꞌIbun ꞌakinkëxuan atúnribi ainanbi ꞌitanun ꞌibuakin me binun atu pain ꞌakinti ꞌain. Usakin atu pain ꞌakintankëx kamina amiribishi Moisés Nukën ꞌIbun uni an mitsu ꞌinan mekama baka nëkë manan ꞌikë ënubi utankëxun mitsunanbi ꞌinun biti ꞌain.

Josué 4:12

Kuankëbë ka atu kaxuribi axa ꞌakánanti ꞌunáinrakë unibu Rubénën rëbúnki, akamabë Gadnën rëbúnki ꞌimainun Manasésnën rëbúnkikama ꞌitsamashi akamaribi. Anúan ꞌakánanti mëníokëishi ꞌaish sikarakëkiani Israel unibu kuankëxa, usaía ꞌinun Moisés kiásabi oi ka usai ꞌiakëxa.

Apocalipsis 17:4

A xanu anu tsócë ax ca aín chupa minanën pucucësa ꞌimainun ushían ꞌiaxa. ꞌImainun ca ñun curánan curi ꞌacë ꞌianan maxax upíira upí ꞌacë ꞌianan perla pañucë ꞌixun curi ꞌacë xanpa tuíncë ꞌiaxa. A xanpanu ca aín ñu ꞌaisama ꞌacëcama purucësa ꞌiaxa.