Jonás 4:8 - Kashibo-Kakataibo Biblia

⁸ Usa ꞌain ka amiaxa bari urukë auküax bari urukëbëa suñu xanaira bëkinun Diosan ꞌimiakëxa, ꞌimikëbë ka ami katamëti ꞌaíma ꞌaia aín maxkámixun barin xarokëxa bënainsatankë anunbi Jonás bamatisa tankëxa. —Usai ꞌika ꞌuran tsókë ꞌimainun kana bamakë ꞌiti ꞌai —kixun sinani kiakëxa.

Jonás 4:8 ပူးပေါင်းရင်းမြစ်များ

Génesis 41:6

Iskëbë ka a kaxu mapai achúshi ꞌimainun rabë́ trigo bimi, amiaxa bari urukë amiax bëkikin suñun ꞌatimokëxa chushikë isakëxa,

1 Reyes 19:4

Usakin anu ëbiani ka anu uni ꞌikëma me anu aratsushi kuankëxa, kuani ka achúshi nëtën nikiani kuanbaiti i pëñanakëkë achúshi nikë a tëmú tantiakëxa. Anu tanti tsóxun sinani ka abi bamatisa tani, kiakëxa: “¡Dios ꞌën kana ënë ñuira tënëiman!” ¡Usa ꞌain kamina ꞌë bamamiti ꞌain, ꞌëx kana ꞌën chaitiokëkama ꞌiasaribiti uni upíma ꞌain!

1 Reyes 21:4

Ësokia kakëx ka Ahab amo nishananbi masánuitu kiani aín xubunu kuankëxa, Nabotnëan ꞌën papa ꞌimainun ꞌën titan ñukin ꞌë ënxua me kana mi ꞌinanima kixuan kakë a bana sinani. Usai kuantankëx ka aín xubunu nukuti ain chikën ami bësui rakakëxa, rakaxun ka añubi piti sinánma ꞌikën masá nuitukin.

Job 2:10

Ësakian kakëxun ka Jobnën aín xanu kakëxa: —¡ꞌËn xanu usai kamina ꞌatimai banatima ꞌain! Kamabi ñunu Diosan ꞌinánkëxun bikë ax ka asábi ꞌikën, ¿usaribi okin karanuna nua kamabi ñu ꞌatima inúnun ꞌimikëx inúkin tënëtima ꞌain? Usai kamabi ñu inutibi ka Job ꞌuchanan achúshi banabi Dios ñui ꞌatimati ami banama ꞌikën.

Salmos 121:6

Nëtë́n ka barin mi xarotima ꞌikën, ꞌimainun ka imë́bi ꞌuxë́n mi ꞌatima otima ꞌikën.

Isaías 49:10

Usakin ꞌai kamina mitsun piti ñu ꞌitsaira ꞌianan a shimakin xëati ꞌumpax upíñu ꞌiti ꞌain, ꞌianan kamina barin xarokëxun tani masátima ꞌain, ꞌën kana nuibakin bërúain usa ꞌain, usa ꞌain kana ꞌumpax upíbu manámi ki chikíkë anu buánti ꞌain.

Oseas 13:15

Israel unikamaxa ñu uábuti ꞌikësai mëníokakëbëbi ka suñu amiaxa bari urukë amiax bëkiti ꞌikën, usai ꞌika suñu kushiira anu uni ꞌikëma memiax bëkiti ꞌikën; usai ꞌikëbë ka anua rakákë anuax ꞌumpax ëskimainun xëxá upikamaribi ëski ꞌaíma ꞌiti ꞌikën. Usai ꞌikëbëtan ka axa ami nishkë unikaman atun ñu upíbu akama bikin ꞌibuati ꞌikën.

Jonás 1:17

ꞌAínbi ka Diosan bakanu ꞌikë ñuina chaiira bainanmë ꞌëo achúshi an Jonás éti nankë ꞌiakëxa. Usokian ꞌakëx ka Jonás rabë́ ꞌimainun achúshi nëtë ꞌianan rabë́ ꞌimainun achúshi imë́ ñuina chaiira bainanmë ꞌëo aín pukunu ꞌiakëxa.

Jonás 1:4

ꞌIrukiani kuankëbëtanbi ka Diosan suñúan kushiira bëkinun ꞌimiakëxa, usakin ꞌimikëx ꞌikuatsinkin suñuanën bëkakëxun ka parúmpapa bëchunan manë nunti kushiira bëchukin tukapatisa okin ꞌakëxa.

Jonás 4:3

Usa ꞌain kana ꞌëmi bamanun ꞌiminun mi ñukatin ꞌËn ꞌIbu Dios. Usa ꞌain kana ꞌuran tsókë ꞌimainun bamakë ꞌiti ꞌain.

Jonás 4:9

Usai ꞌiabi ka Diosan kakëxa: —¿Usaími an mi tupë́onkë itsi barin aín pëikëñunbi ë́skan nishkë ax kara asábi ꞌik? —¡ꞌËn sinánkëx ka asábi ꞌikën! —kixun ka Jonásnën kakëxa. ¡ꞌËn nishkënbi kana bamatisa tanin kixun ka kakëxa!

Mateo 20:12

an atu ñu mëëmicë uni caxa: Ënë unicaman ca bënë́nquinshi ꞌitsamashi ñu mëëaxa. Nun nu bari xamárutamainun ꞌanan bari atsíntamainunribi ñu mëëbaitiabi camina an chucúmashi ñu mëëcë unicamami ꞌacësaribi nu cupíon.

Apocalipsis 3:19

Uicama carana nuibatin, acama cana ñu ꞌatima ꞌatëcënxunma ꞌanun ꞌësëanan uisoquin carana ꞌati ꞌai usoquin ꞌain. Usoquin ꞌën ꞌacëxmashi camina sinanati ꞌëx cuëëncësabi oi asérabi ꞌiti ꞌain.

Apocalipsis 7:16

Carnero ꞌicësaribitia unin ꞌucha cupí bama, ax anua Nucën Papa Dios ꞌicë anu ꞌixun ca acamaxa nëtë́timoi upitax tsónun bërúanti ꞌicën. An ꞌaracacë ñuina aín ꞌibun upí oquin ꞌunpax ꞌamianan bërúancësaribi oquin ca an aín unicama bërúanti ꞌicën. An ca acama chuámarua tani cuëënun ꞌimiti ꞌicën. ꞌImainun ca Nucën Papa Diosanribi atúxa iní masá nuitutia nëtë́miti ꞌicën. Nëtë́mianan ca atúxa bëunan mëscutiabi aín bëun tërë́nti ꞌicën. Usa ꞌain ca anu ꞌicë aín unicamax tëmëratëcënima, ꞌianan ꞌacëñuma ꞌitëcënima, ꞌianan shimatëcënima, ꞌianan bari cushin xarotëcëncëma ꞌianan añu ꞌitsísbi tantëcëntima ꞌicën.

1 Samuel 3:18

Kakëxun ka Samuelnën unë́kinma kamabi ñu ñuixuankëxa, ñuixunkëx ka ratuti Elí munuma kuënkëni kiakëxa: —¡Ax ka Nukën ꞌIbu ꞌikën! Usa ꞌain kamina uisakin kara mi kaia usakinbi ꞌati ꞌain.