Jonás 4:3 - Kashibo-Kakataibo Biblia

³ Usa ꞌain kana ꞌëmi bamanun ꞌiminun mi ñukatin ꞌËn ꞌIbu Dios. Usa ꞌain kana ꞌuran tsókë ꞌimainun bamakë ꞌiti ꞌain.

Jonás 4:3 ပူးပေါင်းရင်းမြစ်များ

1 Reyes 19:4

Usakin anu ëbiani ka anu uni ꞌikëma me anu aratsushi kuankëxa, kuani ka achúshi nëtën nikiani kuanbaiti i pëñanakëkë achúshi nikë a tëmú tantiakëxa. Anu tanti tsóxun sinani ka abi bamatisa tani, kiakëxa: “¡Dios ꞌën kana ënë ñuira tënëiman!” ¡Usa ꞌain kamina ꞌë bamamiti ꞌain, ꞌëx kana ꞌën chaitiokëkama ꞌiasaribiti uni upíma ꞌain!

Jonás 4:4

Ësai kikian ñukákëxunbi ka Diosan Jonás kakëxa: —¿Usaími nishkë ax kara min sinánkëx asábi ꞌik?

Jonás 4:8

Usa ꞌain ka amiaxa bari urukë auküax bari urukëbëa suñu xanaira bëkinun Diosan ꞌimiakëxa, ꞌimikëbë ka ami katamëti ꞌaíma ꞌaia aín maxkámixun barin xarokëxa bënainsatankë anunbi Jonás bamatisa tankëxa. —Usai ꞌika ꞌuran tsókë ꞌimainun kana bamakë ꞌiti ꞌai —kixun sinani kiakëxa.

Números 11:15

Ësokin ꞌaisatankin kamina, ꞌë bamatanun ënti ꞌain, asérabi min nuibakin kamina usakin ꞌë ꞌati ꞌain. Usakinmi ꞌakëx kana ꞌitsaira nuibakatima ꞌain.

Números 20:3

timë́xun ka Moisés ësokin kakëxa: —¡Uisati kara ax pain ñukë unikamabë ñunun Nukën ꞌIbun nu ꞌimikëma ꞌit!

1 Corintios 9:15

Usa ꞌaínbi cana ꞌën Jesusan bana unicama ñuixunquinbi añu ñubi bicëma ꞌain. Bëríribi cana ꞌëmi ñu ꞌinánun quixun ënë quirica mitsu buánmiman. Bana ñuixuncë cupí cana añu ñubi bicëma ꞌai quixun ꞌën mitsu cacë, a bana cëmë ꞌiti cana cuëëniman. ꞌAcëñuma ꞌaish ꞌëx bamacëbëbi ca a bana cëmëma ꞌiti ꞌicën.