Jonás 3:4 - Kashibo-Kakataibo Biblia

⁴ Usa ꞌain ka Jonás kuanx a ëmanu atsíntankëx munuma banakin Diosan kakë banakama anu ꞌikë unikama kai achúshi nëtë ꞌimi niakëxa. Nikin ka ësokin kakëxa, ënuax cuarenta nëtë ꞌikëbë ka Nínive kakë ëma ënëx Diosan ꞌatimokin masókë ꞌianan ꞌaisama okë ꞌiti ꞌikë kixun ka kakëxa.

Jonás 3:4 ပူးပေါင်းရင်းမြစ်များ

Isaías 30:18

ꞌAínbi ka Nukën ꞌIbu an upiokin ñu ꞌakë ꞌixun mitsumi sinania, usa ꞌixun ka an kamabi ñu upiokin mitsu nuibakin ꞌaia; an ka ax nuibanankëira ꞌikë kixun mitsun ꞌitsaira ꞌunánti kuëënia, Nukën ꞌIbu an ka ax xëshi Dios ꞌixun ñukama upiokin ꞌaia. ¡Usa ꞌain ka ami katamëtia ꞌakinti kuëënkë unikama kuëëinra kuëënti ꞌikën!

Jonás 3:10

Usakin atun ñu ꞌatima ꞌakë ënia a mi sinania iskin ka Diosan Nínivenu ꞌikë unikama, uisabi kana atu otima ꞌai kixun sinánkin an usakin ꞌakatsi kikë usakin uisabi oma ꞌikën.

Mateo 12:41

Nínive cacë ëmanu ꞌicë unicamax ca ꞌaisama ꞌicëbia Jonásnën Nucën Papa Diosan bana ñuixuncëxun cuati sinanati ami sináncëxa. Jonás ꞌiásamaira cana ꞌëx ꞌain. Usa ꞌicëbi ca ënë nëtënu bucucë unicaman ꞌën bana cuaisama tania. Usa ꞌain ca anúan Nucën Papa Diosan camabi unían ñu ꞌacë isti nëtën, Nínivenu ꞌicë unicaman ënë nëtënu bucucë unicama cati ꞌicën: Mitsun Jesusan bana ñuixuncëxunbi cuacëma ꞌaish camina nux ꞌiásamaira ꞌaisama ꞌai —quixun.

Lucas 11:30

Nínive cacë ëma chaira anu ꞌicë unicaman ca Jonasan Nucën Papa Dios quicë bana ñuixunia cuacëxa. Jonasan acama bana ñuixuansaribi oquin cana uni ꞌinux Nucën Papa Diosnuax uá ꞌën ënë menu ꞌicë unicama Nucën Papa Dios quicë bana ñuixunin.

Lucas 11:32

Nínive cacë ëmanu ꞌicë unicamax ca ꞌaisama ꞌicëbia Jonasnën Nucën Papa Dios quicë bana ñuixuncëxun cuati sinanati ami sináncëxa. Jonás ꞌiásamaira cana ꞌëx ꞌain. Usa ꞌicëbi ca ënë nëtënu bucucë unicaman ꞌën bana cuaisama tania. Usa ꞌain ca anúan Nucën Papa Diosan camabi unían ñu ꞌacë isti nëtën, Nínivenu ꞌicë unicaman ënë nëtënu bucucë unicama cati ꞌicën: Mitsun Jesusan bana ñuixuncëxunbi cuacëma ꞌaish camina nux ꞌiásamaira ꞌaisama ꞌai quixun.

Deuteronomio 18:22

An bana ñuikë uni axa Nukën ꞌIbun anë ñui kikë ꞌaínbia ax kikësabi oi ꞌitia kikë usai ñu a ꞌikëbëtama kamina mitsun ꞌunánti ꞌain, ax ka Nukën ꞌIbu kikëma bana ꞌiaxa kixun, usa ꞌain kamina an bana ñuixunkë uni ax ka axbi rabiakati kiaxa kixun ꞌunáni, mitsux ami rakuë́tima ꞌain, kixun ka Moisésnën kakëxa.