Jonás 3:3 - Kashibo-Kakataibo Biblia

³ Kakëx ka Jonás Nínive kakë ëmanu Diosan kakësabiokin ꞌai kuankëxa. Nínive kakë ax ka chaiira ëma ꞌaish, rabë́ ꞌimainun achúshi nëtë ꞌimi anun kuainsa ꞌiakëxa.

Jonás 3:3 ပူးပေါင်းရင်းမြစ်များ

Génesis 22:3

Usakian koónkëxun, ka pëkarakëma ꞌaínshi, nirukin Abrahamnën aín asno kaxu mëníotankëxun; anu karu tëapaxun nëakë, puruakëxa anun ñuina xaroti usakin ꞌabiani ka Nukën ꞌIbu Diosan anu kuanun kakë anu, aín bëchikë Isaac ꞌimainun an ñu mëëmikë uni rabë́ buani kuankëxa.

Génesis 30:8

usakian ami bëchitëkëan ka Raquel kiakëxa: Ënë tuá ka Neftalí kakin anëkë ꞌiti ꞌikën, ꞌëx kana ꞌën xukë́n apan ami ꞌitsaira nishan usa ꞌain kana bërí ꞌëxribi tuáñu ꞌain, usa ꞌain kana ami nishíbi kana bërí tuáñu ꞌain.

Salmos 80:10

Usai ꞌikin kananuna anu ꞌikë aín bashikama ñu tupënan ꞌakësokin tsitsiruakën, ꞌanan kananuna Líbanu me kamabi tsitsirukin biakën.

Jonás 1:2

Anu kuanxun kamina, chaiira ëma Nínive kakë Asiria menua bukukë unikama ꞌëx kikë bana ñuixunkin kai kuanti ꞌain, ꞌënbi kana atun ñu ꞌatima ꞌaia isan usa ꞌain kana a ëma këñuti ꞌain.

Jonás 4:11

Usamaira okin kana ꞌën Nínive kakë ëma a nuibatin, a ëma chaiira anu ka ciento veinte mil unikama an uisa ñux kara upí ꞌikë kixun ꞌunánan, uisa ñux kara ꞌatima ñu ꞌikë kixun ꞌunánkëma unikama ꞌaisamaira ꞌimainun, ꞌitsaira ñuina ꞌarakakë ꞌikë kixun ka Diosan kakëxa.

2 Timoteo 4:11

Lucasëshi ca ꞌëbë ꞌicën. Usa ꞌain camina Marcos barixun mërabëtsínquin ꞌëa Nucën Papa Diosan bana ñuiquínun bëti ꞌain.