Jonás 2:4 - Kashibo-Kakataibo Biblia

⁴ Usakin ꞌakëxun kana mi ꞌura ꞌinunmi ꞌë ënkësa tankin; uínsaranbi kana anuxun mi rabiti xubunu atsíntëkëntima ꞌai kixun sinan.

Jonás 2:4 ပူးပေါင်းရင်းမြစ်များ

1 Reyes 8:42

anuxun mi rabiti ꞌakë xubu ënë kupin mi ñukákëxun kamina, min anë chaiira a ꞌimainun min kushi a ñui kia kuati ꞌain.

1 Reyes 8:48

asérabi amiribishi atun Dios ꞌikë mi kuëënkin këmëkinma mimi sinanakian, anua ami nishkë unikaman ñatanbiankin atu buánkë me anuxun mi ñukákin, nun chaitiokë kamami ꞌinan me ënëmi sinánkin ꞌanan minbimi atu ꞌinan ëma ënë ꞌimainun anuxun mi rabiti xubu ꞌamikë ënëmi okin iskin ñukákëxun kamina,

1 Reyes 9:7

ꞌën atu ꞌinan me anua Israelkama chikínti ꞌain, chikíanan anuxun ꞌë rabiti xubu ꞌamikë a ënun ëmikëbë ka Israel kamami bëtsi menu ꞌikë unikama kuaiti ꞌikën.

Salmos 42:8

Usai ꞌiabi ka nëtën Nukën ꞌIbun ꞌë nuibakin ꞌakinia, ꞌianan kana imë́ribi ënimaira ami kantain usai ꞌikin abë banakin kana ꞌën Dios an ꞌë tsónun bërúankë a ñukatin.

Isaías 49:14

“Jerusalénnu tsókë unikama ax ka ësai kiakëxa: Nukën ꞌIbun ka nukama rakankëxa, nukaman Diosan ka nu manuakëxa.

Jeremías 15:1

Ësakin ka Nukën ꞌIbun ꞌë kakëxa: Mitsun chaitiokë Moisés ꞌimainun Samuelnën ꞌë bëtánain nirakëxun usakin kamina ꞌatima ꞌai kixun kakëxunbi kana ënë unikama nuibatima ꞌain. Usa ꞌain kamina anu ꞌëx ꞌikë ënuax chikíkiania kuantanun ënë unikama kati ꞌain.

Jeremías 7:15

Usa ꞌain kana anu ꞌiti ꞌën mikama ꞌinan me ënua min xukë́nkama Efraínën rëbúnkikama ꞌasaribiokin mitsu chikínti ꞌain.

Ezequiel 37:11

Usa ꞌain ka Diosan ꞌë kakëxa: Israel unikama ax ka ënë xokamasaribi ꞌikën. Usa ꞌaish ka atux ësai ki nitsia: Nun xokamax ka ꞌitsaira paëia, usa ꞌain kananuna nukamax uisa ñu upibi kainima nëtë́kësa ꞌain.

Daniel 6:10

Usokin a bana kuënëokë ka Danielnën kuakëxa, kuabiani ka aín xubunu kuankëxa, kuanx atsínxun ka anua uxkë anua ꞌikë ain xëputi chukúmakama Jerusalénmi okin xësunkin ꞌakë a xëókatankëx rantinpuruni tsóbukin Dios ñukákin rabiakëxa. Usokin ka rabë́ ꞌimainun achúshi okin achúshi nëtën nëtën an ꞌakësabiokin ꞌakëxa.

Jonás 2:7

Usa ꞌain kana kushiñumasa tani kana bamati ꞌai kixun sinani, mimi sinan; sinánkin ñukákëxun kamina mix Dios ꞌixun anuxun, mi rabiti xubu upíira anuxun ꞌakësokin naínuxunbi ꞌën mi ñukákëxun kuan.